詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
29:1 Siōng-chú tī Po̍k-hong Tiong ê Siaⁿ-im
( Ta-bi̍t ê si. )Tōa koân-lêng ê ê kiáⁿ, lín tio̍h kā êng-kng kah khùi-la̍t kui hō͘ Siōng-chú, kui hō͘ Siōng-chú!
29:2 Tio̍h kā Siōng-chú ê miâ só͘ eng-kai tit tio̍h ê êng-kng kui hō͘ I, ēng sèng-kiat ê táⁿ-pān lâi kèng-pài Siōng-chú.
29:3 Siōng-chú ê siaⁿ tī chúi-bīn teh hiáng; êng-kng ê Siōng-tè khí lûi tōa-tân, Siōng-chú kàng-lîm tī hái-iûⁿ ê téng-bīn.
29:4 Siōng-chú ê siaⁿ ū tōa khùi-la̍t, Siōng-chú ê siaⁿ chhiong-móa ui-giâm.
29:5 Siōng-chú ê siaⁿ phah-tn̄g pek-hiuⁿ chhiū; Siōng-chú phah-chhùi Le-ba-nòng ê pek-hiuⁿ chhiū.
29:6 I mā hō͘ Le-ba-nòng tiô-thiàu chhin-chhiūⁿ gû-á, hō͘ Se-liân soaⁿ tiô-thiàu chhin-chhiūⁿ iá-gû ê kiáⁿ.
29:7 Siōng-chú ê siaⁿ hō͘ hóe-iām hun-chhe.
29:8 Siōng-chú ê siaⁿ tín-tāng khòng-iá; Siōng-chú tín-tāng Ka-té-si ê khòng-iá.
29:9 Siōng-chú ê siaⁿ hō͘ lo̍k-bú tio̍h-kiaⁿ lâi seⁿ kiáⁿ, mā hō͘ chhiū-nâ ê chhiū-hio̍h lak kah kng-kng. Kiàn-nā tī tiān lāi ê lâng lóng hoah kóng, êng-kng kui Siōng-chú!
29:10 Tōa chúi hoàn-lām ê sî, Siōng-chú chē-ūi chò ông; Siōng-chú chē-ūi chò ông, it-ti̍t kàu éng-oán.
29:11 Siōng-chú siúⁿ-sù khùi-la̍t hō͘ I ê chú-bîn; Siōng-chú sù pêng-an hō͘ I ê chú-bîn.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。