詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
24:1 Úi-tāi ê Kun-ông
( Ta-bi̍t ê si. )Tē kah kî-tiong ê bān-mi̍h, sè-kài kah tiàm tī hit tiong-kan ê oa̍h-mi̍h lóng sio̍k Siōng-chú.
24:2 I kā tē kiàn-li̍p tī hái ê téng-bīn, an-tì tī tōa hô ê téng-bīn.
24:3 Siáⁿ lâng ē-tàng chiūⁿ Siōng-chú ê soaⁿ? Siáⁿ lâng ē-tàng khiā tī I ê sèng-tiān?
24:4 Chiū-sī chhiú chheng-khì, sim sûn-kiat, chûn-sim bô àm hi-ké, chiùchōa bô khǹg kan-kúi-ê lâng.
24:5 Chit khoán lâng ē tit tio̍h Siōng-chú sù-hok, koh tùi kiù i ê Siōng-tè tit tio̍h gī.
24:6 Chiahê sī cháu-chhōe Siōng-chú ê cho̍k-lūi, Iâ-kop ê Siōng-tè ah, chiahê sī ài kìⁿ Lí ê bīn ê lâng. [Sè-la̍h]
24:7 Siâⁿ-mn̂g, gia̍h-khí lín ê thâu! Éng-oán ê mn̂g, lín tio̍h siū kí-khí! Êng-kng ê ông beh ji̍p-.lâi.
24:8 Hit ūi êng-kng ê ông sī siáⁿ lâng? To̍h sī tōa khùi-la̍t koh tōa koân-lêng ê Siōng-chú, tī kau-chiàn ū tōa koân-lêng ê Siōng-chú.
24:9 Siâⁿ-mn̂g, gia̍h-khí lín ê thâu! Éng-oán ê mn̂g, lín mā tio̍h gia̍h-khí! Êng-kng ê ông beh ji̍p-.lâi!
24:10 hit ūi êng-kng ê ông sī siáⁿ lâng? Sī bān-kun ê Siōng-chú, I sī êng-kng ê ông. [Sè-la̍h]
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。