詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
21:1 Ko-siōng Sèng-lī
( Ta-bi̍t ê si; kau hō͘ ga̍k-koaⁿ. )Siōng-chú ah, ông ē in-ūi Lí ê khùi-la̍t lâi hoaⁿ-hí, in-ūi Lí ê chín-kiù, i hui-siông khoài-lo̍k!
21:2 I ê sim só͘ ì-ài ê, Lí í-keng hō͘ i; i ê chhùi só͘ kiû ê, Lí lóng ū tap-èng. [Sè-la̍h]
21:3 In-ūi Lí ēng tōa hok-khì kā i gêng-chiap, ēng sûn-kim ê bián-liû tì tī i ê thâu-khak.
21:4 I tùi Lí kiû oa̍h-miā, Lí chiū hō͘ i; to̍h-sī tn̂g hòe-siū kàu tī éng-oán.
21:5 I in-ūi Lí ê chín-kiù, hō͘ i ū tōa êng-kng; Lí koh kā chun-kùi ui-giâm siúⁿ-sù hō͘ i.
21:6 Lí hō͘ i ū tōa hok-khì kàu tī éng-oán, koh hō͘ i tī Lí ê bīn-chêng hoaⁿ-hí khoài-lo̍k.
21:7 In-ūi ông óa-khò Siōng-chú, koh ū Chì-koân-.ê ê chû-ài ē hō͘ i ê ông-ūi bē iô-tāng.
21:8 Lí ê chhiú ē lia̍h tio̍h só͘-ū ê tùi-te̍k; Lí ê chiàⁿ chhiú ē lia̍h tio̍h hiahê oàn-hūn Lí ê lâng.
21:9 Lí siū-khì ê sî, ē hō͘ in chhin-chhiūⁿ tī iām-joa̍h ê hóe-lô͘. Siōng-chú ē tī I ê tōa siū-khì tiong kā in thun-bia̍t; hóe ē kā in sio-sio-.khì.
21:10 Lí ē tùi tē-chiūⁿ kā in ê kiáⁿ-sun châu-bia̍t; tùi lâng ê tiong-kan kā in ê āu-tāi châu-bia̍t.
21:11 In-ūi in kè-bô͘ beh hām-hāi Lí, chóng-.sī, bē sêng-kong.
21:12 Lí ē hō͘ in oa̍t tńg-sin tô-cháu, Lí ē khui kiong siā in ê bīn.
21:13 Siōng-chú ah, goān Lí tùi Lí ê khùi-la̍t khí-.lâi! Goán beh gîm-si oló Lí ê tōa koân-lêng.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。