詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
17:1 Bû-ko͘ ê Lâng ê Kî-tó
( Ta-bi̍t ê kî-tó. )Siōng-chú ah, kiû Lí thiaⁿ kong-gī ê sò͘-kiû, kiû Lí liû-sim thiaⁿ góa ê kiû-kiò; góa ê kî-tó m̄-sī tùi kan-chà ê chhùi-tûn hoat-chhut, kiû Lí àⁿ hīⁿ-khang lâi thiaⁿ.
17:2 Goān góa ê soan-phòaⁿ tùi Lí ê bīn-chêng hoat-chhut, goān Lí ê ba̍k-chiu kàm-chhat chèng-ti̍t.
17:3 Lí ū khó-giām góa ê sim, Lí tī àm-sî kàm-chhat góa; Lí toàn-liān góa, bô chhōe tio̍h siáⁿ-mi̍h pháiⁿ; góa li̍p-chì bô beh hō͘ góa ê chhùi ū kòe-sit.
17:4 Góa chun-thàn Lí só͘ kóng ê ōe, bô chhin-chhiūⁿ pa̍t lâng ê kiâⁿ-ta̍h; góa kakī kín-sīn, bô kiâⁿ kiông-pō ê lâng ê lō͘.
17:5 Góa ê kha tiāⁿtiāⁿ kiâⁿ Lí ê lō͘, góa ê kha m̄ bat ta̍h chhū khì.
17:6 Siōng-tè ah, góa kiû-kiò Lí, in-ūi Lí ē ìn góa; kiû Lí àⁿ hīⁿ-khang lâi thiaⁿ góa ê kî-tó.
17:7 Kiû Lí hián-bêng Lí ta̍k chióng ê jîn-chû, Lí ēng chiàⁿ chhiú kiù óa-khò Lí ê lâng thoat-lī in ê tùi-te̍k.
17:8 Kiû Lí pó-hō͘ góa chhin-chhiūⁿ teh pó-hō͘ ba̍k-chiu-jîn, kiû Lí kā góa khàm ba̍t tī Lí ê si̍t-ē.
17:9 Kiû Lí hō͘ góa thoat-lī hiahê chhiúⁿ-kiap góa ê pháiⁿ lâng, to̍h-sī ûi-khùn góa beh lâi hāi góa sèⁿ-miā ê tùi-te̍k.
17:10 In lóng bô liân-bín ê sim; in ê chhùi kóng kiau-ngō͘ ê ōe.
17:11 In chitmá ûi-khùn goán ê kha-pō͘; in chù-ba̍k beh kā goán siak-tó tī tē-.ni̍h.
17:12 In chhin-chhiūⁿ sai teh siàu-siūⁿ beh kā mi̍h, koh chhin-chhiūⁿ béng sai bih tī àm-ba̍t ê só͘-chāi teh tng-tán.
17:13 Siōng-chú ah, kiû Lí khí-lâi tí-tòng tùi-te̍k, kā i phah-tó; ēng Lí ê to kiù góa ê sèⁿ-miā thoat-lī pháiⁿ lâng.
17:14 Siōng-chú ah, ēng Lí ê chhiú kiù góa thoat-lī sè-kan lâng, thoat-lī hiahê tī kim-sè ū hok-hūn ê sè-kan lâng. Lí kā Lí ê châi-pó chhiong-móa in ê pak-tó͘, in ū kiáⁿ-jî kàu sim-móa ì-chiok, koh kā kî-tha ê châi-bu̍t lâu hō͘ in ê kiáⁿ-sun.
17:15 Nā-sī góa, góa ē tī gī ê tiong-kan khòaⁿ tio̍h Lí ê bīn; góa khùn-chhéⁿ ê sî, khòaⁿ tio̍h Lí ê tông-chāi chiū sim-móa ì-chiok.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。