詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
16:1 Sìn-khò ê Kî-tó
( Ta-bi̍t kim ê si. )Siōng-tè ah, kiû Lí pó-hō͘ góa, in-ūi góa óa-khò Lí.
16:2 Góa ê sim-sîn bat tùi Siōng-chú kóng, Lí sī góa ê Chú. Lí í-gōa, góa bô hok-khì.
16:3 Tē chiūⁿ ê sèng-tô͘ hui-siông chun-kùi, kah in chò-hóe sī góa siōng tōa ê hoaⁿ-hí.
16:4 Ēng pa̍t-ê sîn-bêng lâi tāi-thè Siōng-chú ê lâng ē ná ke-thiⁿ thòng-khó͘; góa bô beh chham-ú in ê hiàn chè, góa ê chhùi-tûn mā bô beh thê-khí in ê miâ.
16:5 Siōng-chú sī góa ê sán-gia̍p kah góa ê hok-poe; Lí kò͘-siú góa èng-tit ê hūn-gia̍h.
16:6 Lí siúⁿ-sù hō͘ góa súi ê thó͘-tē; góa tit tio̍h ê sán-gia̍p si̍t-chāi chin hó.
16:7 Góa beh oló hit ūi kà-sī góa ê Siōng-chú; àm-sî góa ê sim-tn̂g mā chí-sī góa.
16:8 Góa tiāⁿtiāⁿ kā Siōng-chú 棑tī góa ê bīn-chêng lâi kèng-hōng I; I tī góa ê chiàⁿ pêng, góa chiū bē iô-tāng.
16:9 In-ūi ánne, góa ê sim hoaⁿ-hí, góa ê sim-sîn khoài-lo̍k; góa ê jio̍k-thé mā ē an-jiân chū-chāi.
16:10 In-ūi Lí bô kā góa ê lêng-hûn pàng-sak tī im-kan, mā bô hō͘ Lí ê sèng-tô͘ tú tio̍h hiú-nōa.
16:11 Lí ē kā oa̍h-miā ê tō-lō͘ chí-sī góa. Tī Lí ê bīn-chêng ū boán-chiok ê hoaⁿ-hí; tī Lí ê chiàⁿ pêng ū éng-oán ê khoài-lo̍k.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。