詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
14:1 Lâng ê Siâ-ok
( Ta-bi̍t ê si, kau hō͘ ga̍k-koaⁿ. )Gōng lâng sim-lāi siūⁿ kóng, " Bô Siōng-tè. " In sìn-khò siâ-ok, chò khó-ò͘ⁿ ê tāichì, bô kah chi̍t-ê lâng kiâⁿ hó.
14:2 Siōng-tè tùi thiⁿ àⁿ lo̍h-lâi khòaⁿ sè-kan lâng, beh khòaⁿ ū bêng-lí ê, á-.sī ū cháu-chhōe Siōng-chú ê lâng á-bô.
14:3 In ê hêng-ûi oai-chhoa̍h, lóng piàn-chò ù-òe; bô lâng kiâⁿ hó, liân kah chi̍t-ê to bô.
14:4 Chò pháiⁿ ê lâng kám lóng bē liáu-kái? In thun-chia̍h Góa ê chú-bîn chhin-chhiūⁿ teh chia̍h piáⁿ, mā bô teh kiû-kiò Siōng-chú.
14:5 Chò pháiⁿ ê lâng tī hia tōa kiaⁿ-hiâⁿ; gī lâng ê tiong-kan ū Siōng-tè tông-chāi.
14:6 Lín hō͘ sànchhiah lâng ê kè-ōe sit-pāi, chóng-.sī, Siōng-chú ē chò in pī-lān ê só͘-chāi.
14:7 Goān I-su-la-el ê chín-kiù tùi Si-óng chhut! Siōng-chú kiù I siū lia̍h ê chú-bîn tò tńg-.lâi, hit sî, Iâ-kop ē khoài-lo̍k, I-su-la-el ē hoaⁿ-hí.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。