詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
12:1 Kiû Chō͘ ê Kî-tó
( Ta-bi̍t ê si, kau hō͘ ga̍k-koaⁿ; tiāu ēng tē-peh )Siōng-chú ah, kiû Lí chín-kiù; in-ūi khiân-sêng ê lâng choa̍t-bia̍t à; sè-kan tiong-sìn ê lâng bô-.khì à.
12:2 Lâng-lâng tùi chhù-piⁿ kóng pe̍h-chha̍t; ēng phô͘-tháⁿ ê chhùi-tûn kah nn̄g khoán ê sim lâi kóng-ōe.
12:3 Siōng-chú ē hong ba̍t phô͘-tháⁿ ê chhùi-tûn, koah-tn̄g kóng tōa-ōe ê chhùi-chi̍h.
12:4 In bat kóng, goán beh khò chhùi-chiap lâi khah iâⁿ; chhùi-tûn sī goán ê, siáⁿ lâng ē-tàng chò goán ê Chú?
12:5 Siōng-chú kóng, ūi tio̍h khùn-khó͘ ê lâng ê oan-óng kah sànchhiah lâng ê thó͘-khùi, taⁿ góa beh khí-.lâi, kā in an-tì tī in só͘ pek-chhiat him-bō͘ ún-tàng ê só͘-chāi.
12:6 Siōng-chú ê ōe sī sûn-choân koh chheng-khì, chhin-chhiūⁿ gîn tī thô͘ chō ê hóe-lô͘ toàn-liān chhit pái.
12:7 Siōng-chú ah, kiû Lí pó-hō͘ in; pì-iū in éng-oán thoat-lī chit sè-tāi ê lâng.
12:8 Bô lō͘-ēng ê lâng hō͘ sè-kan lâng khòaⁿ-tiōng, pháiⁿ lâng tī ta̍k só͘-chāi teh kiâⁿ ta̍h.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。