詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
10:1 Kiû Chō͘ ê Kî-tó
Siōng-chú ah, Lí ná ē khiā tī hn̄g-hn̄g ? Tī goán hoān-lān ê sî, Lí ná ē tiām-tiām m̄ chhap goán?
10:2 Pháiⁿ lâng tī kiau-ngō͘ tiong jiok khùn-khó͘ ê lâng chin kín-kip, goān in hām-lo̍h tī kakī só͘ siat ê kè-bô͘.
10:3 Pháiⁿ lâng khoa-kháu in sim-lāi ê io̍k-bōng, tham-sim ê lâng khì-sak Siōng-chú, koh kā I khin-sī bú-jio̍k.
10:4 Pháiⁿ lâng bīn tài kiau-ngō͘, kóng, I bô beh tui-kiù. I só͘ siūⁿ ê lóng lia̍h-chò bô Siōng-tè ê chûn-chāi.
10:5 Pháiⁿ lâng só͘ chò ê tiāⁿtiāⁿ ún-tàng, Lí ê sím-phòaⁿ i bô khòaⁿ chāi gán-lāi; i biáu-sī só͘-ū ê tùi-te̍k.
10:6 I sim-lāi siūⁿ kóng, góa it-tēng lóng bē sit-pāi, tāi-tāi lóng bē tú tio̍h chai-lān.
10:7 I ê chhùi chhiong-móa chiù-mē, kan-chà, khi-ap, i ê chhùi-chi̍h ok-to̍k, hi-ké.
10:8 I tī chng lāi bâi-ho̍k ê só͘-chāi chē-.leh tng-tán, i tī ún-ba̍t ê só͘-chāi beh hāi-sí bô chōe ê lâng, i ê ba̍k-chiu thau-thau-á ti̍t-ti̍t siòng bô i-óa ê lâng.
10:9 I bâi-ho̍k tī ún-ba̍t ê só͘-chāi, chhin-chhiūⁿ sai bih tī i ê hia̍t; i bâi-ho̍k beh lia̍h sànchhiah lâng; ēng bāng kā sànchhiah lâng bāng-.leh lia̍h-.khì.
10:10 I khut-sin phak-teh tng-tán, bô i-óa ê lâng chiū tó tī i ê jiáu gê ē-bīn.
10:11 I sim-lāi siūⁿ kóng, Siōng-tè bē kì-.tit, I am i ê bīn, éng-oán bô khòaⁿ-.tio̍h.
10:12 Siōng-chú ah, kiû Lí khiā khí-.lâi, Siōng-tè ah, gia̍h-khí Lí ê chhiú; m̄ thang bē kì-tit sànchhiah lâng.
10:13 Pháiⁿ lâng sim-lāi siūⁿ kóng, Lí bô beh tui-kiù. I ná ē ánne biáu-sī Siōng-tè?
10:14 Siōng-chú, Lí í-keng khòaⁿ-.tio̍h, in-ūi ok-to̍k, oàn-tò͘, Lí lóng ū teh kàm-chhat, beh ēng Lí ê chhiú lâi pò-èng. Bô i-óa ê lâng kā pún-sin kau-tài Lí; Lí it-ti̍t ū teh pang-chān ko͘-jî.
10:15 Goān Lí phah-tn̄g pháiⁿ lâng ê chhiú-kut; goān Lí thiat-té tui-kiù i ê pháiⁿ.
10:16 Siōng-chú chò ông tùi éng-oán kàu éng-oán; lia̍t pang lóng tùi i ê tē bia̍t-bông.
10:17 Siōng-chú ah, khiam-pi ê lâng ê sim-goān, Lí í-keng thiaⁿ-.tio̍h; Lí ē hō͘ in ê sim ū chún-pī, Lí ē àⁿ hīⁿ-khang lâi thiaⁿ in ê kî-kiû.
10:18 Lí ē thè ko͘-jî kah siū ap-pek ê lâng sin-oan, Hō͘ sè-kan lâng bô koh tōa-siaⁿ kā in khióng-hat.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。