詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
8:1 Siōng-chú ê Êng-iāu kah Jîn-bîn ê Chun-giâm
( Ta-bi̍t ê si, kau hō͘ ga̍k-koaⁿ; ēng Gat ê ga̍k-khì ) Siōng-chú — goán ê Chú ah, Lí ê miâ tī choân tē kàu chiah koân-tōa! Lí kā Lí ê êng-kng pâi-siat tī thiⁿ-.ni̍h.
8:2 Lí in-ūi Lí ê tùi-te̍k ê iân-kò͘, tùi eⁿ-á kah chia̍h leng-.ê ê chhùi kiàn-li̍p lêng-le̍k, beh hō͘ tùi-te̍k kah pò-oan ê tiām-tiām.
8:3 Góa khòaⁿ tio̍h Lí ê chhiú só͘ chhòng-chō ê thiⁿ kah Lí só͘ pâi-lia̍t ê goe̍h-niû, chheⁿ-sîn.
8:4 Sè-kan lâng sǹg sī siáⁿ-mi̍h, Lí teh siàu-liām i? Lâng ê kiáⁿ sǹg sī siáⁿ-mi̍h, Lí teh chiàu-kò͘ i?
8:5 Lí hō͘ i pí thiⁿ-sài ( Chù, goân-bûn sī " Siōng-tè ", goân e̍k-pún e̍k-chò " Thiⁿ-sài ") sió-khóa khah su, koh siúⁿ-sù êng-kng chun-kùi hō͘ i chò bián-liû.
8:6 Lí siat-li̍p i lâi koán-lí Lí só͘ chhòng-chō ê, kā bān-mi̍h hē tī i ê kha chêng;
8:7 Chiū-sī só͘-ū ê iûⁿ kah gû, soaⁿ-iá ê cháu-siù,
8:8 Thiⁿ-tiong ê chiáu, hái-.ni̍h ê hî, í-ki̍p hái-.ni̍h só͘-ū ê oa̍h-mi̍h, lóng hō͘ i koán-lí.
8:9 Siōng-chú — goán ê Chú ah, Lí ê miâ tī choân tē kàu hiah koân-tōa!
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。