詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
4:1 Boán-tó Kiû Chō͘
( Ta-bi̍t ê si, kau hō͘ ga̍k-koaⁿ, ēng si-hiân ê ga̍k-khì ) Ūi góa ê gī teh piān-hō͘ ê Siōng-tè ah, góa kiû-kiò ê sî, kiû Lí ìn góa! Góa tī khùn-khó͘ ê tiong-kan, Lí ū lâi kā góa tháu-pàng; taⁿ kiû Lí liân-bín góa, thiaⁿ góa ê kî-tó!
4:2 Lín chiahê lâng, beh kā góa ê êng-kng piàn-chò lêng-jio̍k kàu tang-sî? Lín ì-ài khang-hi, chhiau-chhōe hi-ké, beh kàu tang-sî? [Sè-la̍h]
4:3 Lín tio̍h chai Siōng-chú í-keng hun-pia̍t kèng-khiân ê lâng lâi kui-sio̍k I. Góa kiû-kiò Siōng-chú, I ē thiaⁿ góa.
4:4 Lín tio̍h kiaⁿ-hiâⁿ, m̄ thang hoān chōe; tó tī bîn-chhn̂g ê sî, sim tio̍h sàm-su, mā tio̍h siok-chēng. [Sè-la̍h]
4:5 Tio̍h hiàn gī ê chè, mā tio̍h óa-khò Siōng-chú.
4:6 Chin chē lâng teh kóng, siáⁿ lâng ē chí-sī goán siáⁿ-mi̍h hó-chhù? Siōng-chú ah, kiû Lí ēng Lí bīn ê kng lâi chiò goán.
4:7 Lí hō͘ góa sim-lāi ū hoaⁿ-hí, iâⁿ-kòe lâng tit tio̍h chin chē ngó͘-kok kah sin chiú ê hoaⁿ-hí.
4:8 Góa ē an-jiân tó teh khùn, in-ūi chí ū Siōng-chú — Lí hō͘ góa an-ún seng-oa̍h.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。