詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
3:1 Chá-tó Kiû Chō͘
( Ta-bi̍t siám-phiah i ê kiáⁿ Αp-sa-lôm ê sî só͘ chò ê si ) Siōng-chú ah, góa ê tùi-te̍k hiahni̍h chē! Hiah chē lâng khí-lâi beh kong-kek góa.
3:2 In gī-lūn góa kóng, i bē tàng tit tio̍h Siōng-tè ê chín-kiù. [Sè-la̍h]
3:3 Chóng-.sī, Siōng-chú, Lí sī pó-hō͘ góa ê tîn-pâi, sī góa ê êng-kng, Lí hō͘ góa ê thâu ē-tàng gia̍h koân.
3:4 Góa chhut siaⁿ kiû-kiò Siōng-chú, I ē tùi I ê sèng-soaⁿ ìn góa. [Sè-la̍h]
3:5 Góa tó-.leh, góa khùn, góa cheng-sîn, Siōng-chú lóng pó-hō͘ góa.
3:6 Sûi-jiân ū chheng-bān lâng lâi kā góa ûi-kong, góa mā bô kiaⁿ-hiâⁿ.
3:7 Siōng-chú ah, kiû Lí khí-.lâi; góa ê Siōng-tè ah, kiû Lí kā góa chín-kiù. In-ūi Lí siàn góa só͘-ū tùi-te̍k ê chhùi-phóe, phah-tn̄g pháiⁿ lâng ê chhùi-khí.
3:8 Chín-kiù tùi Siōng-chú hia lâi; goān Lí sù-hok Lí ê chú-bîn. [Sè-la̍h]
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。