約伯記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
41:1 Lí kám ē ēng kau thoa go̍k-hî khí-.lâi? Kám ē ēng soh-á liù i ê chi̍h?
41:2 Lí kám ē ēng soh-á kǹg i ê phīⁿ? Kám ē ēng chhì chha̍k thàu i ê gê-chô?
41:3 I kám ē ēng chin chē ōe kiû lí? Kám ē tùi lí kóng un-jiû ê ōe?
41:4 I kám ē kah lí li̍p-iok? Kám ē hō͘ lí éng-oán lia̍h i chò lô͘-po̍k?
41:5 Lí kám ē kah i chhitthô, chhin-chhiūⁿ chiáu-á? Lí kám ē kā i pa̍k khí-.lâi, hō͘ lí siàu-liân ê lú-chú khan?
41:6 Kui tīn ê lia̍h-hî lâng, kám thang ēng i chò bé-bē ê mi̍h? Á-sī ē kā i hun-khui hō͘ senglí lâng?
41:7 Lí kám ē ēng liâm-to piàn chha̍k i ê phôe? Kám ē ēng hî-chhe piàn chhe i ê thâu-khak?
41:8 Lí ê chhiú hōaⁿ tī i ê téng-bīn; ē kì-tit kah i kau-chiàn ê tāichì, chiū m̄-káⁿ koh ánne chò.
41:9 Lí khòaⁿ, lí siàu-siūⁿ i sī bô chhái-kang; chi̍t-ē khòaⁿ tio̍h i, lí kám bē sit táⁿ?
41:10 Bô chi̍t-ê lâng hiah hó-táⁿ káⁿ jiá tio̍h i; ánne, siáⁿ lâng ē-tàng khiā tī Góa ê bīn-chêng?
41:11 Siáⁿ lâng tāi-seng hō͘ Góa, hō͘ Góa tio̍h pò-tap i? Choân thian-hā lóng sī Góa ê.
41:12 Kóng tio̍h go̍k-hî ê ki-thé kah i ê tōa la̍t, í-ki̍p i súi ê kut-keh, Góa bē tàng bô kóng.
41:13 Siáⁿ lâng ē-tàng pak i ê gōa-saⁿ? Siáⁿ lâng ē-tàng ji̍p-khì i téng-ē-hoâiⁿ ê tiong-kan?
41:14 Siáⁿ lâng ē-tàng khui i ê chhùi? I ê chhùi-khí sì-kho͘-ûi lóng sī thang kiaⁿ ê.
41:15 I só͘ khoa-kháu ê sī i ióng-chòng ê lân; ha̍p-óa chiū chhin-chhiūⁿ hong ba̍t-ba̍t,
41:16 Chi̍t-ê chi̍t-ê sio-liân, khùi to bē tàng thàu-ji̍p hit tiong-kan.
41:17 lóng sio kiat-liân, liân chò chi̍t-ê, bē tàng hun-khui.
41:18 I phah-ka-chhiùⁿ chiū hoat-chhut kng; i ê ba̍k-chiu chhin-chhiūⁿ chá-khí sî ê ba̍k-chiu phôe.
41:19 Tùi i ê chhùi hoat-chhut to̍h ê hóe-pé kah poe chhut-.lâi ê hóe-chheⁿ.
41:20 Tùi i ê phīⁿ-khang chhut ian, chhin-chhiūⁿ hiâⁿ lô͘-úi ê tiáⁿ teh kún.
41:21 I ê khùi hō͘ hóe-thòaⁿ to̍h, ū hóe-iām tùi i ê chhùi chhut.
41:22 I ê ām-kún ū khùi-la̍t tiāⁿtiāⁿ tī hia, kiaⁿ-hiâⁿ tī i ê bīn-chêng tiô-thiàu.
41:23 I ām-kui ê bah sio liân-chiap, kha̍h-tiâu i ê seng-khu, bē tàng iô-tāng.
41:24 I ê sim tēng kah chhin-chhiūⁿ chio̍h-thâu, chhin-chhiūⁿ ē tńg ê bôa-chio̍h hiah tēng.
41:25 I chi̍t-ē khí-.lâi, ióng-sū lóng kiaⁿ-hiâⁿ, kiaⁿ kah sit-sîn.
41:26 Lâng nā ēng kiàm, ēng liâm-to, ēng pio, ēng chiam-chhiuⁿ, kā i chha̍k lóng chha̍k bē ji̍p-.khì.
41:27 I kā thih khòaⁿ-chò sī ta chháu, kā tâng khòaⁿ-chò sī po̍h-chhâ.
41:28 Kiong-chìⁿ bē tàng hō͘ i tô-cháu; ēng soh-á hìⁿ chio̍h-thâu, i chún-chò tiū-chháu.
41:29 Thûi-á i sǹg-chò tiū-chháu; lâng bú-lāng chhiuⁿ, i chiū thí-chhiò.
41:30 I ê pak-tó͘ ē chhin-chhiūⁿ lāi ê chhù-hiā phè; i chhin-chhiūⁿ thih-pê thoa kòe thô͘.
41:31 I hō͘ chhim-ian kún khí-.lâi chhin-chhiūⁿ tiáⁿ; hō͘ hái chhin-chhiūⁿ tiâu-hô iû ê poah.
41:32 I hō͘ i āu-bīn ê lō͘ hoat kng; hō͘ lâng siūⁿ kóng chhim-ian sī pe̍h thâu-mn̂g.
41:33 Choân tē bô chi̍t-ê ē-tàng kah i pí-.tit; i siū chō chiâⁿ-chò bô kiaⁿ-hiâⁿ ê.
41:34 Kiàn-nā koân-tōa ê i kā i khòaⁿ-khin; i tī só͘-ū kiau-ngō͘-ê cho̍k-lūi chò ông.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。