約伯記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
40:1 Siōng-tè koh ìn Io-buh kóng:
40:2 Hò͘ⁿ piān ê lâng kám thang kah Choân-lêng-.ê piān-lūn? Piān-pok Siōng-tè ê lô͘-po̍k taⁿ tio̍h ìn I.
40:3 Io-buh chiū ìn Siōng-chú kóng:
40:4 Lí khòaⁿ, góa sī bî-sè, góa tio̍h ēng siáⁿ-mi̍h ìn-tap Lí? Góa ēng chhiú am góa ê chhùi.
40:5 Góa í-keng kóng chi̍t pái, taⁿ bô beh ìn; kóng nn̄g pái, mā bô koh kóng.
40:6 Siōng-tè chiū tùi tōa hong ê tiong-kan ìn Io-buh kóng:
40:7 Lí tio̍h hâ io chhin-chhiūⁿ tāi-tiōng-hu, góa mn̄g lí, lí tio̍h ìn góa.
40:8 Lí kám ē hùi-tû Góa ê kong-pêⁿ? Lí kám ē gí-tiāⁿ Góa ū chōe lâi hián-bêng lí kakī chò gī?
40:9 Lí kám ū chhin-chhiūⁿ Siōng-tè hit khoán ê chhiú-kut? Lí kám ē chhut siaⁿ khí lûi chhin-chhiūⁿ I?
40:10 Taⁿ lí thang ēng chun-kùi kah ui-giâm chò táⁿ-pān, ēng êng-kng kah bí-biāu chò saⁿ-khò͘.
40:11 Tio̍h piàⁿ-chhut lí móa-móa ê siū-khì; khòaⁿ só͘-ū kiau-ngō͘ ê lâng hō͘ i kàng kē.
40:12 Khòaⁿ só͘-ū kiau-ngō͘ ê lâng, ah-chhi̍h hō͘ i kē, ta̍h pháiⁿ lâng tī in só͘ khiā ê tē.
40:13 Kā in chò chi̍t-ē khǹg tī thô͘-soa hún; tī o͘-àm ê só͘-chāi kā in ê bīn pau ba̍t.
40:14 Án-ne, góa chiū sêng-jīn lí; lí ê chiàⁿ chhiú chin-chiàⁿ ē kiù lí.
40:15 Taⁿ lí khòaⁿ hô-bé, góa chō lí mā ū chō i; i chia̍h chháu chhin-chhiūⁿ gû.
40:16 Lí khòaⁿ, i ê khùi-la̍t chāi tī i ê io, i ê lêng-le̍k tī i pak-tó͘ ê ki-bah.
40:17 I iô bóe chhin-chhiūⁿ pek-hiuⁿ chhiū; I tōa-thúi ê kin sio liân-chiap;
40:18 I ê kut-thâu chhin-chhiūⁿ tâng-kóng, i ê ki-thé chhin-chhiūⁿ thih-tiâu.
40:19 I sī Siōng-tè chiahê kang-chok ê tē-it; chhòng-chō i ê ē ēng to chhin-kīn i.
40:20 Chiahê soaⁿ si̍t-chāi kā i chhut chia̍h-mi̍h, chhân-iá ê pah-siù mā tī hia chhitthô.
40:21 I tó tī liân-hoe hio̍h kha, khùn tī kui phō lô͘-tek ê ìm-ńg ē kah chúi-khut lāi.
40:22 Liân-hoe hio̍h ê ìm-ńg ka i jia-khàm; khe piⁿ ê liú-chhiū kā i ûi-.leh.
40:23 Lí khòaⁿ, to̍h-sī tú tio̍h hô chúi hoàn-lām, i mā bô kiaⁿ; Iol-tàn hô tiòng kàu i ê chhùi, i mā an-jiân.
40:24 Siáⁿ lâng ē tī i ba̍k-chiu kim-kim ê sî lia̍h tio̍h i? Á-sī ēng oa̍h-khàu kǹg i ê phīⁿ?
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。