約伯記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
37:1 In-ūi ánne, góa ê sim pho̍k-pho̍k-chhéng, iô-tāng lī-khui goân-lâi ê ūi.
37:2 Tio̍h tì-ì thiaⁿ I hoat-chhut ê lûi siaⁿ, í-ki̍p I ê chhùi só͘ chhut ê hiáng-siaⁿ.
37:3 I ê siaⁿ hoat-chhut kàu tī phó͘-thiⁿ-ē, I ê sihnà kàu tī tē-ke̍k.
37:4 Tòe-āu ū siaⁿ khū-khū háu; I ēng ui-giâm ê siaⁿ tân-lûi; I ê siaⁿ chi̍t-ē thiaⁿ-.tio̍h, I bô kā in thêng-chí.
37:5 Siōng-tè hoat-chhut lûi ê siaⁿ chin kî-biāu; I kiâⁿ tōa sū hō͘ lán bē chhek-to̍k tit.
37:6 In-ūi I tùi seh kóng: Tio̍h lo̍h tī tē-chiūⁿ; tùi kui-chūn ê hō͘ kah kui-chūn ê tōa hō͘ mā sī ánne kóng.
37:7 I kìm-chí ta̍k lâng ê chhiú kang-chok; hō͘ só͘ chō ê lâng lóng ē chai I ê chok-ûi.
37:8 Pah-siù ji̍p hia̍t, lóng tòa tī in ê tōng.
37:9 Tōa-hong tùi kim-khò͘ lâi, hân-léng tùi pak-hong chhut.
37:10 Tùi Siōng-tè ê pûn-khùi chiū kiat-peng, khui-khoah ê chúi chiū kiat-tàng.
37:11 I hō͘ sip-khì chek móa tī ba̍t hûn, hō͘ sihnà tùi hûn siā-chhut.
37:12 Chit-ê sī chun-thàn I ê chí-hui sì-kè kiâⁿ tńg-se̍h; tī sè-kài ê tē-bīn, kiâⁿ I it-chhè só͘ kā in hoan-hù ê;
37:13 á-.sī ūi tio̍h chek-hoa̍t, á-.sī ūi tio̍h chu-jūn tē, á-.sī ūi tio̍h si-hêng chû-ài, chiah hō͘ i lâi-kàu.
37:14 Io-buh, lí tio̍h chù-ì lâi thiaⁿ; tio̍h khiā-teh lâi siūⁿ Siōng-tè kî-biāu ê tāichì.
37:15 Siōng-tè án-chóaⁿ hoan-hù chiahê tāichì? Cháiⁿ-iūⁿ hō͘ hûn tiong ê sihnà siám-kng chhut-.lâi, lí kám chai?
37:16 Hûn án-chóaⁿ tī khong-tiong pho͘-pêⁿ; hit-ê tì-sek chê-pī ê kî-biāu ê tāichì, lí kám chai?
37:17 Thó͘-tē in-ūi lâm-hong tiām-chēng ê sî, lí ê saⁿ-khò͘ án-chóaⁿ sio-lō, lí kám chai?
37:18 Lí kám ē-hiáu kah I chò-hóe pho͘ kiong-chhong? Chit-ê kiong-chhong kian-kò͘ ún-tēng, chhin-chhiūⁿ chù-chiâⁿ ê kiàⁿ.
37:19 Goán in-ūi gû-gōng bē hiáu pâi-lia̍t goán ê ōe; lí tio̍h kà-sī goán eng-kai tùi lí kóng siáⁿ-mi̍h.
37:20 Góa beh kóng kám tio̍h pò Siōng-tè chai? Lâng kám ē ì-ài siū bia̍t-bông?
37:21 Taⁿ lâng bô khòaⁿ tio̍h kiong-chhong lāi chhàn-lān ê kng; to̍k-to̍k hong tùi hia chhoe-.kòe chiū hō͘ i chheng-chhái.
37:22 Kim siaksiak ê kng tùi pak-hong chhut-.lâi; Siōng-tè ū ui-giâm thang kiaⁿ.
37:23 Choân-lêng-.ê lán bē tàng chhek-to̍k I; I ū tōa lêng-le̍k, ū kong-pêⁿ koh chhiong-móa kong-gī, bô beh kā lâng khó͘-to̍k.
37:24 Só͘-í, lâng kèng-ùi I; I bô kā ū tì-hūi ê sim khòaⁿ chāi gán-lāi.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。