約伯記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
35:1 E-li-hu koh ìn kóng:
35:2 Lí lia̍h chit-ê chò ū ha̍p-lí, lí kóng: Góa ê gī iâⁿ-kòe Siōng-tè ê gī,
35:3 lí kèng-jiân tùi Siōng-tè kóng: Che tùi Lí ū siáⁿ-mi̍h lī-ek? Koh kóng: Góa hoān chōe kám ū pí bô hoān chōe khah ū lī-ek?
35:4 Góa beh ìn lí, mā beh ìn óa-khò lí ê tâng-phōaⁿ.
35:5 Lí tio̍h gia̍h thâu khòaⁿ thiⁿ, khòaⁿ hit-ê kiong-chhong sī pí lí khah koân.
35:6 Lí nā hoān chōe kám ē hāi tio̍h I siáⁿ-mi̍h? Lí ê kòe-sit nā ke-thiⁿ kám ē gāi tio̍h I siáⁿ-mi̍h?
35:7 Lí nā kiâⁿ gī ū siáⁿ-mi̍h thang hō͘ I? Á-sī I tùi lí ê chhiú ū tit tio̍h siáⁿ-mi̍h?
35:8 Lí ê pháiⁿ kah lí tâng-lūi ê lâng ū koan-hē, lí ê gī kah sè-kan lâng mā ū koan-hē.
35:9 Lâng in-ūi siū chin chē pō-gio̍k chiū tōa-siaⁿ hoah, in-ūi siū tio̍h kiông-le̍k ê ap-chè chiū hoah kiù lâng.
35:10 Chóng-.sī, bô lâng kóng: Chhòng-chō góa ê Siōng-tè tī tó-ūi? I sī hō͘ lâng àm-sî chhiùⁿ koa ê.
35:11 I sī kà-sī lán iâⁿ-kòe tē-chiūⁿ ê cháu-siù, hō͘ lán ū tì-hūi iâⁿ-kòe khong-tiong ê poe-chiáu.
35:12 In tī hia tōa-siaⁿ hoah, chóng-.sī, bô lâng kā in ū ìn-tap, in-ūi pháiⁿ lâng kiau-ngō͘-ê iân-kò͘.
35:13 Hi-ké ê ōe Siōng-tè bô beh thiaⁿ, Choân-lêng-.ê mā m̄ kā i khòaⁿ-kò͘.
35:14 Hô-hòng lí kóng, lí bô khòaⁿ tio̍h I; chit-ê àn-kiāⁿ tī I ê bīn-chêng, lí tio̍h chhiáⁿ thèng-hāu I!
35:15 Chóng-.sī, taⁿ in-ūi I bô siū-khì lâi kā lí chek-hoa̍t, mā bô te̍k-pia̍t chù-ì lí ê bú-bān;
35:16 só͘-í, Io-buh khui chhùi lóng sī hi-ké, kóng chin chē bû-ti ê ōe.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。