約伯記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
23:1 Io-buh ìn kóng:
23:2 Taⁿ góa ê ai-oàn sǹg-chò pōe-ge̍k; góa só͘ siū ê chek-hoa̍t pí góa ê thó͘-khùi khah tāng.
23:3 Goān góa ē chai tùi án-chóaⁿ lâi cháu-chhōe Siōng-tè, hō͘ góa thang kàu I ê chō-ūi!
23:4 Góa ē kā àn-kiāⁿ pâi-lia̍t tī I ê bīn-chêng, góa ê chhùi ū kàu-gia̍h thang piān-bêng.
23:5 Góa mā tit tio̍h chai I ìn góa ê ōe, mā bêng-pe̍k I tùi góa só͘ kóng ê ōe.
23:6 I kám ē ēng tōa koân-lêng kah góa kè-kàu? Tek-khak bô ánne; I ē àⁿ-lo̍h thiaⁿ góa.
23:7 Ēng chèng-ti̍t ê ōe tī hia kah I piān-lūn; ánne, góa ē éng-oán thoat-lī tùi góa ê sím-phòaⁿ.
23:8 Lí khòaⁿ, góa chìn-chêng khì, I bô tī hia; góa thè-āu khì, mā bô khòaⁿ tio̍h I;
23:9 tī tò pêng I teh chò tāichì, góa bô khòaⁿ tio̍h I; tī chiàⁿ pêng I bih khí-.lâi, góa mā bô khòaⁿ tio̍h I.
23:10 Chóng-.sī, I chai góa só͘ kiâⁿ ê lō͘; I chhì-thàm góa liáu-āu, góa ē chhin-chhiūⁿ kòe toàn-liān ê kim.
23:11 Góa ê kha tòe I ê kha-pō͘; góa chip-siú I ê lō͘, mā bô phian-chhoa̍h.
23:12 I chhùi-tûn ê bēng-lēng góa m̄ bat ûi-pōe; góa chun-tiōng I chhùi lāi ê ōe, iâⁿ-kòe góa só͘ tio̍h ēng ê bí-niûⁿ.
23:13 I ū it-tēng ê sim-chì, siáⁿ lâng ē kā I oa̍t tńg-.lâi? I ê sim só͘ ì-ài ê, chiū chiàu ánne kiâⁿ.
23:14 Só͘ kā góa tiāⁿ tio̍h ê, I ē hō͘ i chiâⁿ; chit khoán ê tāichì I iáu ū chin chē.
23:15 Só͘-í, góa tī I ê bīn-chêng gī-gī chhoah; góa siūⁿ tio̍h chiū kiaⁿ.
23:16 In-ūi Siōng-chú hō͘ góa sit táⁿ, Choân-lêng-.ê hō͘ góa gī-gī chhoah;
23:17 in-ūi góa ê kiaⁿ-hiâⁿ m̄-sī ūi tio̍h o͘-àm, mā m̄-sī in-ūi o͘-àm jia-khàm góa ê bīn.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。