約伯記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
17:1 Góa ê khùi choa̍t à, góa ê ji̍t-chí kàu chīn-pōng ā; góa ê hûn-bōng chún-pī piān-piān ā.
17:2 Si̍t-chāi ū khau-sé góa ê lâng tī góa ê sì-kho͘-ûi; góa ê ba̍k-chiu tiāⁿtiāⁿ khòaⁿ tio̍h in chhì-kek góa ê tāichì.
17:3 Goān Lí hō͘ góa chún-tǹg, chhin-chū kā góa chò pó, ū siáⁿ lâng khéng kah góa tah chhiú li̍p-iok?
17:4 In-ūi Lí jia-khàm in ê sim, hō͘ in bô bêng-lí, só͘-í, Lí bô beh hō͘ in seng koân.
17:5 Lâng nā kā i ê pêng-iú kau khì hō͘ lâng chhiúⁿ-toa̍t, i ê kiáⁿ ê ba̍k-chiu ē sit-bêng.
17:6 Góa chiâⁿ-chò chèng lâng ê chhiàu-tâm; góa hō͘ lâng phùi nōa tī bīn-.ni̍h.
17:7 Góa ê ba̍k-chiu in-ūi iu-būn lâi ba̍k-hîn, góa ê pah-thé lóng chhin-chhiūⁿ iáⁿ.
17:8 In-ūi ánne, chèng-ti̍t ê lâng ē tio̍h-kiaⁿ kah gāng-.khì, bô chōe ê lâng ē kek-lē kakī lâi kong-kek bô kèng-khiân ê lâng.
17:9 Gī lâng mā ē kian-siú i só͘ kiâⁿ ê lō͘, chhiú chheng-khì ê lâng ē ná ke-thiⁿ i ê khùi-la̍t.
17:10 Chóng-.sī, lín chèng lâng chhiáⁿ lín koh lâi, in-ūi lín tiong-kan góa chhōe bô chi̍t-ê tì-hūi ê lâng.
17:11 Góa ê ji̍t-chí í-keng kòe oân, góa ê kè-ōe kah góa ê sim-su lóng í-keng toān-choa̍t.
17:12 In lia̍h mê chò ji̍t, kóng, kng teh chiap-kīn o͘-àm.
17:13 Góa nā ǹg-bāng im-kan chò góa ê chhù, góa nā pho͘ bîn-chhn̂g tī o͘-àm tiong;
17:14 góa nā tùi hiú-nōa kóng: Lí sī góa ê lāu-pē; tùi thâng kóng: Lí sī góa ê lāu-bú, góa ê chí-mōe.
17:15 Án-ne, góa ê ǹg-bāng tī tó-ūi? Góa ê ǹg-bāng siáⁿ lâng khòaⁿ ē tio̍h?
17:16 Kàu chò chi̍t-ē an-hioh tī thô͘-.ni̍h ê sî, che ǹg-bāng ē lo̍h kàu im-kan ê mn̂g-chhòaⁿ hia.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。