約伯記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
4:1 Tē-it Pái Tùi-ōe
Thê-man lâng E-lī-hoat ìn kóng:
4:2 Lâng nā beh kah lí tâm-lūn, lí ē khì-hiâm thó-ià bē? Chóng-.sī, siáⁿ lâng ē-tàng kakī iok-sok bô kóng-ōe?
4:3 Lí khòaⁿ, lí bat kà-sī chin chē lâng, loán-jio̍k ê chhiú lí mā hō͘ i giám-ngē.
4:4 Beh poa̍h-tó ê, lí ēng ōe hû-chhî i; kha-thâu-u sng-nńg ê lâng, lí hō͘ i ióng-kiāⁿ.
4:5 Chóng-.sī, taⁿ tāichì lîm-kàu tī lí, lí chiū hun-bê; kha̍p tio̍h lí, lí chiū kiaⁿ-hiâⁿ.
4:6 Lí ê óa-khò kám m̄-sī chāi tī lí ê kèng-ùi Siōng-tè? Lí ê ǹg-bāng kám m̄-sī chāi tī lí ê hêng-ûi sûn-choân?
4:7 Chhiáⁿ lí siūⁿ khòaⁿ māi, bô chōe ê lâng siáⁿ lâng ū sí-bông? Chèng-ti̍t ê lâng tī siáⁿ-mi̍h só͘-chāi siū chián-tû?
4:8 Chiàu góa khòaⁿ, ēng chōe-kò chèng-choh, ēng ok-to̍k chò chéng-chí lâi iā ê lâng, só͘ siu-sêng ê mā sī ánne.
4:9 Siōng-tè pûn khùi, in chiū sí-bông; tùi I tōa siū-khì ê hong, in chiū siau-bia̍t.
4:10 Sai ê háu kah béng sai ê siaⁿ lóng soah; sai-á-thûn ê chhùi-khí lóng phah-tn̄g.
4:11 Lāu sai in-ūi bô thang chia̍h chiū sí; sai-bó ê kiáⁿ mā lóng sì-sòaⁿ.
4:12 Ū tāichì thau-thau-á lîm-kàu tī góa, góa hīⁿ-khang mā thiaⁿ tio̍h i sè-sè ê siaⁿ.
4:13 Tùi àm-sî ī-siōng ê su-sióng, to̍h-sī lâng khùn tāng-bîn ê sî,
4:14 kiaⁿ-hiâⁿ phi̍h-phi̍h chhoah lîm-kàu góa, hō͘ góa ê pah-kut sih-sih chùn.
4:15 Ū sîn-lêng tùi góa bīn-chêng keng-kòe; góa seng-khu ê mn̂g-kńg lóng chhàng khí-.lâi.
4:16 Sîn-lêng thêng-.leh, chóng-.sī, góa khòaⁿ bē bêng i ê hêng-chōng; ū siōng tī góa ba̍k-chiu chêng chēng chuh-chuh, góa thiaⁿ tio̍h ū siaⁿ, kóng:
4:17 Ē sí ê lâng tùi Siōng-tè kám sī gī? Lâng tùi chhòng-chō i ê Siōng-tè kám sī chheng-khì?
4:18 Lí khòaⁿ, I lóng bô sìn-iōng I ê lô͘-po̍k, mā hiâm I ê sù-chiá sī gû-gōng.
4:19 Hô-hòng hiahê tòa tī thô͘ chhù, i ê kin-ki chāi tī thô͘-soa hún, pí chiù-thâng khah khoài sí ê lâng.
4:20 Tùi chá-khí kàu ê-hng, chiū tú tio̍h húi-bia̍t, éng-oán sí-.khì, bô lâng khòa-ì.
4:21 I pò͘-pêⁿ ê soh kám bô tùi tiong-ng poe̍h chhut-.lâi? I ê sí lóng bô tì-hūi.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。