尼希米記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
12:1 Chè-si kah Lē-bī Lâng ê Miâ-toaⁿ
Kah Sa-la-thi-el ê kiáⁿ Cho-lô-ba-bel, E-siu-ah tâng-chê khí-.lâi ê chè-si kah Lē-bī lâng kì tī ē-té: Se-la-iah, I-é-lí-miah, E-chu-la̍h,
12:2 A-ma-lí-ah, Mal-luk, Hat-tu-sih,
12:3 Si-ka-niah, Le-hóm, Me-le-mo͘t,
12:4 It-tó͘, Gin-ne-thóng, A-bi-iah,
12:5 Mi-iá-mín, Ma-a-tiah, Bil-gah,
12:6 Si-má-iah, Io-iá-lip, Ia-ta-iah,
12:7 Sa-lū, A-mo͘k, Hil-kí-iah, Ia-ta-iah. Chiahê lâng tī E-siu-ah ê sî chò chè-si kah in hiaⁿ-tī ê thâu.
12:8 Lē-bī lâng E-siu-ah, Bin-núi, Kat-mi-el, Se-le-biah, Iô-tah, Mat-tá-niah; chit-ê Mat-tá-niah kah i ê hiaⁿ-tī koán-lí oló kám-siā ê tāichì.
12:9 In ê hiaⁿ-tī kah Un-nî, chiàu in ê pan-lia̍t kah in sio-tùi.
12:10 Tōa-chè-si E-siu-ah ê Kiáⁿ-sun
E-siu-ah seⁿ Io-iá-kim, Io-iá-kim seⁿ E-lí-a-sip, E-lí-a-sip seⁿ Io-ho-iá-tah;
12:11 Io-ho-iá-tah seⁿ Io-ná-than, Io-ná-than seⁿ Ia-tu-ah.
12:12 Chè-si Chong-cho̍k ê Cho̍k-tiúⁿ
Tī Io-iá-kim ê sî, chè-si chò cho̍k-tiúⁿ ê, Se-la-iah cho̍k ū Me-la-iah; I-é-lí-miah cho̍k ū Ha-na-niah;
12:13 E-chu-la̍h cho̍k ū Me-siu-lám; A-ma-lí-ah cho̍k ū Io-ha-nân;
12:14 Mal-luk cho̍k ū Io-ná-than; Si-ba-niah cho̍k ū Iô-sé-huh;
12:15 Ha-lîm cho̍k ū At-nah; Me-la-iot cho̍k ū Hel-khái;
12:16 It-tó͘ cho̍k ū Cha-kha-lī-a; Gin-ne-thóng cho̍k ū Me-siu-lám;
12:17 A-bi-iah cho̍k ū Chik-lī; Mi-niah-mín cho̍k kah Mo͘-a-tiah cho̍k ū Phil-thái;
12:18 Bil-gah cho̍k ū Siam-mu-ah; Si-má-iah cho̍k ū Io-ná-than;
12:19 Io-iá-lip cho̍k ū Mat-te-nái; Ia-ta-iah cho̍k ū U-chi;
12:20 Sa-lâi cho̍k ū Ka-lâi; A-mo͘k cho̍k ū Ê-bel;
12:21 Hil-kí-iah cho̍k ū Ha-sia-biah; Ia-ta-iah cho̍k ū Na-than-el.
12:22 Chè-si kah Lē-bī Ka-cho̍k ê Kì-lio̍k
Kóng tio̍h Lē-bī lâng, tng E-lí-a-sip, Io-ho-iá-tah, Io-ha-nân, Ia-tu-ah ê sî, in ê cho̍k-tiúⁿ lóng ū kì miâ, chè-si mā sī ánne, it-ti̍t kàu Phel-siah ông Ta-lió-suh ê sî.
12:23 Lē-bī lâng chò cho̍k-tiúⁿ ê, kì tī le̍k-tāi ê chheh, kàu E-lí-a-sip ê kiáⁿ Io-ha-nân ê sî.
12:24 Hun-phài Sèng-tiān ê Chit-bū
Lē-bī lâng cho̍k-tiúⁿ Ha-sia-biah, Se-le-biah, Kat-mi-el ê kiáⁿ E-siu-ah kah in ê hiaⁿ-tī sio-tùi, chi̍t pan chi̍t pan sio-hiòng teh oló kám-siā, chiàu Siōng-tè ê lô͘-po̍k — Ta-bi̍t bēng-lēng ê.
12:25 Mat-tá-niah, Bak-bu-kiah, Ô-bá-tí-ah, Me-siu-lám, Tal-móng kah Ak-kup sī kò͘-mn̂g ê, to̍h-sī kò͘-siú siâⁿ mn̂g ê khò͘-pâng.
12:26 Chiahê lóng sī tī Io-cha-tak ê sun E-siu-ah ê kiáⁿ Io-iá-kim ê sî kah chóng-tok Nî-hí-miah í-ki̍p chè-si keng-ha̍k kàu-su E-chu-la̍h ê sî.
12:27 Nî-hí-miah Hiàn Siâⁿ Chhiûⁿ
Tng Ê-lú-sa-lèm siâⁿ chhiûⁿ hiàn lé ê sî, in khì Lē-bī lâng só͘ tòa ê só͘-chāi chhōe in, beh chhōa in lâi-kàu Ê-lú-sa-lèm, beh ēng hoaⁿ-hí, kám-siā, chhiùⁿ koa, khau poa̍t, tôaⁿ sek, tôaⁿ khîm kiâⁿ hōng-hiàn ê lé.
12:28 Chhiùⁿ koa ê lâng tùi Ê-lú-sa-lèm sì-kho͘-ûi ê pêng-goân kah tùi Ne-to-hoat ê chng-thâu lâi chū-chi̍p,
12:29 koh tùi Biat-gil-gal, mā tùi Ge-bah kah A-chu-má-biat ê chhân lâi, in-ūi chhiùⁿ koa ê lâng tī Ê-lú-sa-lèm sì-kho͘-ûi ūi kakī kiàn-li̍p chng-thâu.
12:30 Chè-si Lē-bī lâng chheng-khì kakī mā chheng-khì jîn-bîn, í-ki̍p siâⁿ mn̂g kah siâⁿ chhiûⁿ.
12:31 Góa chhōa Iô-tah hiahê siú-léng chiūⁿ-khì siâⁿ chhiûⁿ téng, kā oló kah kám-siā ê hun-chò nn̄g tōa tūi. Chi̍t-tūi tī siâⁿ téng tùi chiàⁿ pêng ǹg pùn-sò mn̂g khì.
12:32 Tòe tī in āu-bīn ê ū Ho-sia-iah kah Iô-tah siú-léng ê chi̍t-pòaⁿ.
12:33 Koh ū A-cha-lí-ah, E-chu-la̍h, Me-siu-lám,
12:34 Iô-tah, Biān-iá-mín, Si-má-iah, I-é-lí-miah.
12:35 Koh ū chè-si ê kiáⁿ kúi-nā-ê lâng gia̍h kó͘-chhoe ê, Io-ná-than ê kiáⁿ Cha-kha-lī-a, Io-ná-than sī Si-má-iah ê kiáⁿ, Si-má-iah sī Mat-tá-niah ê kiáⁿ, Mat-tá-niah sī Mi-ka-iah ê kiáⁿ, Mi-ka-iah sī Cha̍k-khul ê kiáⁿ, Cha̍k-khul sī A-sah ê kiáⁿ;
12:36 kah i ê hiaⁿ-tī Si-má-iah, A-cha-liah, Mi-la-lâi, Ge-la̍h lâi, Má-ai, Na-than-el, Iô-tah, Ha-na-nih, in lóng the̍h Siōng-tè ê lô͘-po̍k — Ta-bi̍t ê ga̍k-khì; keng-ha̍k kàu-su E-chu-la̍h chò in ê thâu-chêng.
12:37 In tī chúi-chôaⁿ mn̂g ê tùi-bīn, tùi Ta-bi̍t siâⁿ ê kiā-á-chàn tńg-.khì, to̍h-sī chiūⁿ siâⁿ chhiûⁿ ê só͘-chāi, sī Ta-bi̍t ông kiong ê téng-bīn, ǹg tang khì-kàu chúi-mn̂g.
12:38 Tē-jī tūi oló kám-siā ê lâng beh kiâⁿ-khì kah hit chi̍t tūi sio tú, góa kah jîn-bîn ê chi̍t-pòaⁿ kin-tòe in, tī siâⁿ chhiûⁿ téng keng-kòe hóe-lô͘ ê lâu, ti̍t-kàu khui-khoah ê siâⁿ chhiûⁿ,
12:39 koh keng-kòe E-hu-laim ê mn̂g, kū ê mn̂g, hî ê mn̂g, Ha-na-nel ê lâu, Ha-me-ah ê lâu, ti̍t-kàu Iûⁿ-mn̂g, chiū thêng-kha khiā tī hō͘-ōe ê mn̂g.
12:40 Chiū ánne, chit nn̄g tūi oló kám-siā ê lâng khiā tī Siōng-tè ê tiān, liân góa kah koaⁿ-tiúⁿ ê chi̍t-pòaⁿ mā lóng khiā tī hia.
12:41 Iáu ū chè-si É-lī-a-kim, Ma-a-se-iah, Mi-niah-mín, Mi-ka-iah, E-lio-e-nái, Cha-kha-lī-a, Han-nán-niah, in lóng gia̍h kó͘-chhoe.
12:42 Koh ū Ma-a-se-iah, Si-má-iah, Ê-lī-a-chal, U-chi, Io-ha-nân, Mal-ki-iah, Ê-lám kah E-chel. Chhiùⁿ koa ê kah in ê thâu-lâng E-chu-la-hi-iah lóng tōa-siaⁿ chhiùⁿ koa.
12:43 Hit ji̍t, kûn-chiòng hiàn tōa-chè-sū koh hoaⁿ-hí; in-ūi Siōng-tè hō͘ in tōa hoaⁿ-hí khoài-lo̍k, chabó͘ lâng kah gín'á mā lóng hoaⁿ-hí, tì-kàu Ê-lú-sa-lèm hoaⁿ-hí ê siaⁿ, hn̄g-hn̄g to̍h thiaⁿ ē tio̍h.
12:44 Tng hit ji̍t, phài lâng koán-lí khò͘-pâng, ūi tio̍h châi-bu̍t, kí-chè ê mi̍h, khí-thâu se̍k ê kah só͘ chhú ê cha̍p-hūn chi-it, tùi ta̍k-ê siâⁿ ê chhân-hn̂g, chiàu lu̍t-hoat só͘ tiāⁿ tio̍h siu lâi kiong-kip chè-si kah Lē-bī lâng ê hūn-gia̍h, lóng khǹg tī hit lāi-bīn. Iô-tah lâng in-ūi ū chè-si kah Lē-bī lâng tam-tng chit-bū, chiū hoaⁿ-hí.
12:45 In siú Siōng-tè só͘ kau-tài ê, mā siú só͘ kau-tài in chheng-khì ê lē. Chhiùⁿ koa ê kah kò͘-mn̂g ê, mā lóng ánne chò, chun-chiàu Ta-bi̍t kah i ê kiáⁿ Só͘-lô-móng ê bēng-lēng.
12:46 In-ūi chá tī Ta-bi̍t kah A-sah ê ji̍t, ū ga̍k-kang koán-lí chhiùⁿ koa ê í-ki̍p oló kám-siā Siōng-tè ê si-koa.
12:47 Tng Cho-lô-ba-bel ê ji̍t kah Nî-hí-miah ê ji̍t, I-su-la-el jîn-bîn kā ta̍k ji̍t eng-kai ū ê hūn-gia̍h kiong-kip chhiùⁿ koa ê kah kò͘-mn̂g ê, mā kā mi̍h hun-pia̍t chò sèng lâi kiong-kip Lē-bī lâng; Lē-bī lâng mā kā mi̍h hun-pia̍t chò sèng lâi kiong-kip A-lông ê kiáⁿ-sun.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。