尼希米記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
3:1 Tiông-kiàn Siâⁿ chhiûⁿ
Hit sî, tōa-chè-si E-lí-a-sip kah i ê hiaⁿ-tī hiahê chè-si, khí-lâi khí-chō Iûⁿ-mn̂g, kā i hun-pia̍t chò sèng, an hit-ê mn̂g-sìⁿ, to̍h-sī kàu Ha-me-ah ê chiú-keⁿ lâu, mā kàu Ha-na-nel ê chiú-keⁿ lâu, lóng hun-pia̍t chò sèng.
3:2 Sòa-chiap i ê sī I-é-lī-kho siâⁿ lâng khí-chō; sòa-chiap i ê sī Im-lī ê kiáⁿ Cha̍k-khul khí-chō.
3:3 Hap-se-ná hiahê kiáⁿ khí-chō Hî-mn̂g; hē i ê îⁿ, an i ê mn̂g-sìⁿ kah i ê só, i ê mn̂g-chhòaⁿ.
3:4 Sòa-chiap i ê sī Hat-ko-chuh ê sun, U-lī-a ê kiáⁿ Me-le-mo͘t siu-lí. Sòa-chiap i ê sī Bí-sī-sat-pia̍t ê sun, Be-lé-kiah ê kiáⁿ Me-siu-lám siu-lí. Sòa-chiap i ê sī Ba-nah ê kiáⁿ Cha-tok siu-lí.
3:5 Sòa-chiap i ê sī The-ko-oah lâng siu-lí; chóng-.sī, in ê kùi-cho̍k bô tam-tng in ê chú ê kang.
3:6 Pa-se-a ê kiáⁿ Io-ho-iá-tah kah Pí-só͘-tāi ê kiáⁿ Me-siu-lám siu-lí kū mn̂g, hē i ê êⁿ-á, an i ê mn̂g-sìⁿ, i ê só kah i ê mn̂g-chhòaⁿ.
3:7 Sòa-chiap i ê sī Gi-bóng lâng Bí-la̍h-thê, Me-lóng lâng Ngá-tùn kah Gi-bóng lâng, í-ki̍p sio̍k hô gōa ê chóng-tok só͘ koán ê Mi-su-peh lâng siu-lí.
3:8 Sòa-chiap i ê sī kim-chhiūⁿ Hal-ha-iah ê kiáⁿ U-chi-el siu-lí; sòa-chiap i ê sī chò phang-liāu ê Ha-na-niah siu-lí. Chiahê lâng kian-kò͘ Ê-lú-sa-lèm, ti̍t-kàu khoah ê chhiûⁿ.
3:9 Sòa-chiap i ê sī koán-lí Ê-lú-sa-lèm ê chi̍t-pòaⁿ ê, Hu-ul ê kiáⁿ Le-hoa-iah siu-lí.
3:10 Sòa-chiap i ê sī Ha-lu-ma-huh ê kiáⁿ Ia-ta-iah, tī kakī ê chhù tùi-bīn siu-lí. Sòa-chiap i ê sī Ha-siap-niah ê kiáⁿ Hat-tu-sih siu-lí.
3:11 Ha-lîm ê kiáⁿ Mal-ki-iah kah Pa-hat-mo͘-ap ê kiáⁿ Hat-tu-sih siu-lí chi̍t tōaⁿ, í-ki̍p hóe-lô͘ ê lâu.
3:12 Sòa-chiap i ê sī koán-lí Ê-lú-sa-lèm hit chi̍t-pòaⁿ ê. Ha-lo͘-he-sih ê kiáⁿ Sia-lúm kah i hiahê chabó͘ kiáⁿ siu-lí.
3:13 Tòa tī Ha-nun kah Cha-nó͘-oah ê jîn-bîn siu-lí soaⁿ-kok ê mn̂g, kā i khí-chō, an i ê mn̂g-sìⁿ, i ê só kah i ê mn̂g-chhòaⁿ, í-ki̍p siâⁿ chhiûⁿ chi̍t chheng tiú, ti̍t-kàu pùn-sò ê mn̂g.
3:14 Koán-lí Bia̍t-ha-ke-lém tē ê Le-kap ê kiáⁿ Mal-ki-iah siu-lí pùn-sò mn̂g, kā i khí-chō, an i ê mn̂g-sìⁿ kah i ê só, i ê mn̂g-chhòaⁿ.
3:15 Koán-lí Mi-su-peh tē ê Kol-ho-cheh ê kiáⁿ Sia-lông siu-lí chúi-chôaⁿ ê mn̂g; kā i khí-chō, kā i khàm, an i ê mn̂g-sìⁿ kah i ê só, i ê kông, í-ki̍p óa-kīn ông ê hn̂g ê Si-ló-ám tî ê chhiûⁿ, ti̍t-kàu hit-ê tùi Ta-bi̍t siâⁿ lo̍h-.lâi ê kiā-á.
3:16 Sòa-chiap i ê sī koán-lí Biat-chul tē ê chi̍t-pòaⁿ, A-chu-buk ê kiáⁿ Nî-hí-miah siu-lí, ti̍t-kàu Ta-bi̍t hûn-bōng ê tùi-bīn, koh kàu khui hó ê tî, í-ki̍p ióng-sū ê chhù.
3:17 Chō Siâⁿ chhiûⁿ ê Lē-bī Lâng
Sòa-chiap i ê sī Lē-bī lâng Ba-nî ê kiáⁿ Le-hóm siu-lí. Sòa-chiap i ê sī koán-lí Ke-i-lah tē ê chi̍t-pòaⁿ. Ha-sia-biah ūi i só͘ tī-lí ê tē lâi siu-lí.
3:18 Sòa-chiap i ê to̍h-sī in ê hiaⁿ-tī, koán-lí Ke-i-lah tē hit chi̍t-pòaⁿ, He-ná-tat ê kiáⁿ Ba-óa-i siu-lí.
3:19 Sòa-chiap i ê sī koán-lí Mi-su-peh ê, E-siu-ah ê kiáⁿ E-chel siu-lí chi̍t tōaⁿ, to̍h-sī tī chiūⁿ-khì kun-chong-kio̍k ê tùi-bīn oat-kak ê só͘-chāi.
3:20 Sòa-chiap i ê sī Cha-bái ê kiáⁿ Pa-lo-sih, chīn-la̍t siu-lí chi̍t tōaⁿ, tùi oat-kak kàu tōa-chè-si E-lí-a-sip chhù ê mn̂g.
3:21 Sòa-chiap i ê sī Hat-ko-chuh ê sun, U-lī-a ê kiáⁿ Me-le-mo͘t siu-lí chi̍t tōaⁿ, tùi E-lí-a-sip chhù ê mn̂g, ti̍t-kàu E-lí-a-sip chhù ê chīn-thâu.
3:22 Chō Siâⁿ chhiûⁿ ê Chè-si
Sòa-chiap i ê sī tòa tī pêng-goân ê lâng hiahê chè-si siu-lí.
3:23 Sòa-chiap i ê sī Biān-iá-mín kah Ha-siup tī i ê chhù ê tùi-bīn siu-lí. Sòa-chiap i ê sī A-na-niah ê sun Ma-a-se-iah ê kiáⁿ A-cha-lí-ah tī i ê chhù ê hū-kīn siu-lí.
3:24 Sòa-chiap i ê sī He-ná-tat ê kiáⁿ Bin-núi siu-lí chi̍t tōaⁿ, tùi A-cha-lí-ah ê chhù, kàu oat-kak, koh kàu siâⁿ kak.
3:25 U-chài ê kiáⁿ Ba-la̍h tī oat-kak ê tùi-bīn kah ông ê koân ê chhù phòng chhut-.lâi ê chiú-keⁿ lâu, óa-kīn hō͘-ōe ê īⁿ hit chi̍t tōaⁿ. Sòa-chiap i ê sī Pa-lo-sih ê kiáⁿ Pe-tá-iah siu-lí.
3:26 ( Na-thi-in tiàm tī O͘-phoe-l, kàu ǹg tang chúi-mn̂g ê tùi-bīn kah phòng chhut-.lâi ê chiú-keⁿ lâu. )
3:27 Kî-tha Khí-chō ê Lâng
Sòa-chiap i ê sī The-ko-oah lâng koh siu-lí chi̍t tōaⁿ, tī hit-ê phòng chhut-.lâi ê tōa-lâu tùi-bīn, ti̍t-kàu O͘-phoe-l ê chhiûⁿ.
3:28 Tī bé ê mn̂g ê téng-bīn, hiahê chè-si ta̍k-ê tī i ê chhù ê tùi-bīn siu-lí.
3:29 Sòa-chiap i ê sī Im-mel ê kiáⁿ Cha-tok, tī kakī ê chhù ê tùi-bīn siu-lí. Sòa-chiap i ê sī kò͘-siú tang-mn̂g Si-ka-niah ê kiáⁿ Si-má-iah siu-lí.
3:30 Sòa-chiap i ê sī Si-le-mi-ah ê kiáⁿ Ha-na-niah kah Sa-la̍h ê tē-la̍k kiáⁿ Ha-nun koh siu-lí chi̍t tōaⁿ. Sòa-chiap i ê sī Be-lé-kiah ê kiáⁿ Me-siu-lám, tī i ê pâng-keng ê tùi-bīn siu-lí.
3:31 Sòa-chiap i ê sī kim-chhiūⁿ Mal-ki-iah siu-lí kàu Na-thi-in kah senglí lâng ê chhù, tī Ha-mi-hu-kat mn̂g ê tùi-bīn, ti̍t-kàu siâⁿ kak ê lâu.
3:32 Kim-chhiūⁿ kah senglí lâng siu-lí, tùi siâⁿ kak ê lâu kàu Iûⁿ-mn̂g.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。