歷代志下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
19:1 Sian-ti Chek-pī Iô-sa-hoat
Iô-tah ông Iô-sa-hoat pêng-an tńg-khì Ê-lú-sa-lèm, lâi-kàu i ê chhù.
19:2 Sian-kiàn Ha-na-nih ê kiáⁿ E-hú chhut-lâi gêng-chiap Iô-sa-hoat ông, kā i kóng, " Lí pang-chān pháiⁿ lâng, thiàⁿ oàn-hūn Siōng-chú ê lâng, kám ū thò-tòng? In-ūi ánne, Siōng-chú ê siū-khì ē lîm-kàu lí.
19:3 M̄ koh, lí iáu ū hó sū tī-.leh, in-ūi lí ū tùi chit-ê só͘-chāi tû-khì A-si-tha-lot, koh tiāⁿ tio̍h lí ê sim lâi cháu-chhōe Siōng-chú.
19:4 Iô-sa-hoat ê Kái-kek
Iô-sa-hoat tòa tī Ê-lú-sa-lèm, āu-lâi koh chhut-khì sûn-sī jîn-bîn ê tiong-kan, tùi Bel-sí-bah kàu E-hu-laim soaⁿ-tē, chhōa jîn-bîn kui-ǹg Siōng-chú — in chó͘-sian ê Siōng-tè.
19:5 Koh tī kéng lāi siat-li̍p sím-phòaⁿ-koaⁿ, tī Iô-tah kian-kò͘ ê siâⁿ, ta̍k-ê siâⁿ lóng sī ánne.
19:6 I kā hiahê sím-phòaⁿ-koaⁿ kóng, " Kín-sīn lín ê só͘ chò ê, in-ūi lín sím-phòaⁿ m̄-sī ūi tio̍h lâng, sī ūi tio̍h Siōng-chú. Lín sím-phòaⁿ ê sî, I ē kah lín tông-chāi.
19:7 Taⁿ lín tio̍h kiaⁿ-ùi Siōng-chú, kín-sīn chò tāichì, in-ūi Siōng-chú — lán ê Siōng-tè bô ū put-gī, bô phian-thán, bô chiap-siū lâng ê o͘-se. "
19:8 Iô-sa-hoat tùi Lē-bī lâng, chè-si kah I-su-la-el cho̍k-tiúⁿ tiong, siat-li̍p lâng lâi tī Ê-lú-sa-lèm ūi Siōng-chú phòaⁿ-toàn tāichì kah sio-kò. In chiū tńg-khì Ê-lú-sa-lèm.
19:9 I koh bēng-lēng in kóng, " Lín tio̍h kiaⁿ-ùi Siōng-chú, chīn-tiong ēng sêng-si̍t ê sim lâi kiâⁿ chit-ê tāichì.
19:10 Kiàn-nā lín ê hiaⁿ-tī tòa tī in hiahê siâⁿ ê, nā ū oan-ke ê tāichì lâi kìⁿ lín, bô-lūn siáⁿ-mi̍h tāichì, á-.sī ūi tio̍h lâu hoeh, á-.sī tī lu̍t-hoat kah kài-bēng, á-.sī lu̍t-lē kah hoat-tō͘ ê tiong-kan, lín tio̍h kā in kéng-kài, m̄ thang tek-chōe Siōng-chú, tì-sú Siōng-chú ê siū-khì lîm-kàu lín kah lín ê hiaⁿ-tī; lín ánne chò, chiū bô chōe.
19:11 Lí khòaⁿ, kiàn-nā sio̍k Siōng-chú ê tāichì, ū tōa-chè-si A-ma-lí-ah kā lín koán-lí; kiàn-nā sio̍k ông ê tāichì, ū Iô-tah ê cho̍k-tiúⁿ I-si-ma-el ê kiáⁿ Che-ba-tiah kā lín koán-lí. Tī lín ê bīn-chêng ū Lē-bī lâng chò koaⁿ-tiúⁿ, lín tio̍h hó-táⁿ chò tāichì, goān Siōng-chú kah hó lâng tông-chāi. "
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。