歷代志下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
17:1 Iô-sa-hoat Chò Ông
A-sah ê kiáⁿ Iô-sa-hoat sòa-chiap i chò ông, kakī kiông-sēng, tí-te̍k I-su-la-el.
17:2 An-tì kun-peng tī Iô-tah hiahê kian-kò͘ ê siâⁿ, tī Iô-tah tē kok só͘-chāi kah i ê lāu-pē A-sah só͘ cheng-ho̍k E-hu-laim hiahê siâⁿ, siat hông-siú ê peng.
17:3 Siōng-chú kah Iô-sa-hoat tông-chāi, in-ūi i chiàu ánne kiâⁿ i ê chó͘-sian Ta-bi̍t khí-thâu kiâⁿ ê lō͘, bô chhōe hiahê Ba-al,
17:4 To̍k-to̍k cháu-chhōe i ê lāu-pē ê Siōng-tè, kiâⁿ I ê kài-bēng, bô chiàu I-su-la-el lâng ê só͘ kiâⁿ.
17:5 Só͘-í, Siōng-chú kian-kò͘ i ê kok-ūi, Iô-tah kûn-chiòng hiàn lé-mi̍h hō͘ Iô-sa-hoat, i chiū ū chin chē châi-bu̍t kah êng-kng.
17:6 I hùn-chì kiâⁿ Siōng-chú ê tō-lō͘, koh tùi Iô-tah tû-khì hiahê soaⁿ-thâu tôaⁿ kah A-si-lah.
17:7 I chò ông tē-saⁿ nî chiū chhe i ê jîn-sîn Bian-ha-il, O-ba-tiah, Che-ka-lí-ah, Na-than-el, Mi-ka-iah, khì Iô-tah ta̍k-ê siâⁿ kà-sī jîn-bîn.
17:8 Kah in khì ê ū Lē-bī lâng Si-má-iah, Ne-thá-niah, Che-ba-tiah, A-sa-hel, Se-mi-la-mo͘t , Io-ná-than, A-to-nî-iah, To-bi-iah, To-ba-to-ni-iah, koh ū chè-si E-lí-sia-mah, Io-lâm mā kah in chò-hóe khì.
17:9 In tī Iô-tah kà-sī lâng, ū tòa Siōng-chú lu̍t-hoat ê chheh, piàn kiâⁿ Iô-tah ta̍k-ê siâⁿ, kà-sī hiahê jîn-bîn.
17:10 Iô-sa-hoat ê Kong-lô
Siōng-chú hō͘ Iô-tah sì-kho͘-ûi ta̍k pang-kok chin kiaⁿ, m̄-káⁿ kah Iô-sa-hoat kau-chiàn.
17:11 Hui-lī-sū lâng ū ê sàng lé-mi̍h chìn-kòng gîn hō͘ Iô-sa-hoat, A-la-puh lâng mā tòa kui kûn chengseⁿ lâi hō͘ i, to̍h-sī mî-iûⁿ-káng chhit-chheng chhit-pah chiah, soaⁿ-iûⁿ-káng chhit-chheng chhit-pah chiah.
17:12 Iô-sa-hoat chiām-chiām kiông-tōa kàu-ke̍k, tī Iô-tah khí iâⁿ-chē kah kim-khò͘ ê siâⁿ.
17:13 I tī Iô-tah chiahê siâⁿ ū chin chē kang-chok, koh tī Ê-lú-sa-lèm ū chiàn-sū, to̍h-sī tōa koân-lêng ê ióng-sū.
17:14 In ê sò͘-gia̍h chiàu chong-cho̍k kì tī ē-bīn: Iô-tah cho̍k ê iâⁿ-tiúⁿ At-nah chò thóng-léng, chhōa tōa koân-lêng ê ióng-sū saⁿ-cha̍p bān;
17:15 koh lo̍h-.lâi sī thóng-léng Io-ha-nân, chhōa jī-cha̍p peh bān ióng-sū;
17:16 koh lo̍h-.lâi sī Chik-lī ê kiáⁿ A-má-chiah, i kam-goān hiàn kakī hō͘ Siōng-chú, chhōa tōa koân-lêng ê ióng-sū jī-cha̍p bān.
17:17 Biān-iá-mín cho̍k ū tōa koân-lêng ê ióng-sū E-li-a-tah, chhōa gia̍h kiong-chìⁿ kah kōaⁿ pîn-pâi ê jī-cha̍p bān;
17:18 koh lo̍h-.lâi sī Io-cha-bat, chhōa chún-pī kau-chiàn ê cha̍p-peh bān.
17:19 Chiahê lóng sī teh sū-hāu ông ê, lēng-gōa ū ông só͘ an-tì tī Iô-tah ta̍k-ê kian-kò͘ ê siâⁿ ê.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。