歷代志下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
14:1 A-sah Ông Phah-iâⁿ Kú-si̍t Ông
A-bi-iah kah i ê chó͘-sian tâng khùn, bâi-chòng tī Ta-bi̍t siâⁿ. I ê kiáⁿ A-sah sòa-chiap i chò ông. Tng A-sah ê ji̍t, hit-ê só͘-chāi thài-pêng cha̍p nî.
14:2 A-sah kiâⁿ Siōng-chú — i ê Siōng-tè khòaⁿ-chò hó, chò chèng-ti̍t ê tāichì,
14:3 In-ūi i tû-khì gōa-pang ê sîn-bêng ê tôaⁿ kah soaⁿ-thâu tôaⁿ, hùi hiahê thiāu-siōng,
14:4 chhò hiahê A-si-lah, koh bēng-lēng Iô-tah lâng cháu-chhōe Siōng-chú — in chó͘-sian ê Siōng-tè, chun-thàn I ê lu̍t-hoat kah kài-bēng;
14:5 koh tī Iô-tah ta̍k-ê siâⁿ tû-khì hiahê soaⁿ-thâu tôaⁿ kah ji̍t-thâu siōng, kok tī i ê bīn-chêng tit tio̍h thài-pêng.
14:6 I tī Iô-tah khí kúi-nā chō hiám-iàu ê siâⁿ. In-ūi i ê só͘-chāi pêng-an, tī hit kúi nî lóng bô kau-chiàn, in-ūi Siōng-chú hō͘ i pêng-an.
14:7 I tùi Iô-tah lâng kóng, " Lán tio̍h lâi khí chiahê siâⁿ, sì-kho͘-ûi khí chhiûⁿ kah siâⁿ-lâu, kah mn̂g, kah mn̂g-chhòaⁿ; tē iáu tī lán ê bīn-chêng, in-ūi lán ū kiû Siōng-chú — lán ê Siōng-tè; lán í-keng tùi I kiû, I tī sì-kho͘-ûi siúⁿ-sù hō͘ lán pêng-an." In chiū khí-chō hiahê siâⁿ, lâi tit tio̍h heng-thong.
14:8 A-sah ū tùi Iô-tah chhut ê kun-peng saⁿ-cha̍p bān, giâ pîn-pâi kah chhiuⁿ, koh ū tùi Biān-iá-mín chhut ê jī-cha̍p peh bān, giâ pîn-pâi khui kiong. Chiahê lóng sī tōa la̍t ê ióng-sū.
14:9 Ū Kú-si̍t ông Cha-la̍h chhōa kun-tūi chi̍t-pah bān, chiàn-chhia saⁿ pah tâi, lâi-kàu Ma-lé-siah kā i kong-kek.
14:10 A-sah chiū chhut-khì kā i tí-te̍k, chiū tī Ma-lé-siah ê Che-hoat ê soaⁿ-kok, tāi-ke pâi tīn.
14:11 A-sah kiû-kiò Siōng-chú — i ê Siōng-tè, kóng, " Siōng-chú ah, tī kiông ê kah loán-jio̍k-.ê ê tiong-kan, tû Lí í-gōa lóng bô pang-chān ê. Siōng-chú — goán ê Siōng-tè ah, kiû Lí pang-chān goán, in-ūi goán óa-khò Lí, koh hōng Lí ê miâ khì tí-te̍k hiahê kûn-chiòng. Siōng-chú ah, Lí sī goán ê Siōng-tè, m̄ thang hō͘ lâng khah iâⁿ Lí. "
14:12 Siōng-chú chiū tī A-sah kah Iô-tah lâng ê bīn-chêng phah-iâⁿ Kú-si̍t lâng, Kú-si̍t lâng chiū tô-cháu.
14:13 A-sah kah tòe i ê lâng kā in jiok, lâi-kàu tī Ge-lal. Kú-si̍t lâng sí chin chē, bē tàng koh kiông-sēng, in-ūi in tī Siōng-chú kah I ê kun-tūi ê bīn-chêng pāi-hoāi. Iô-tah lâng chhiúⁿ chin chē châi-bu̍t khì.
14:14 In koh phah Ge-lal sì-kho͘-ûi hiahê siâⁿ, in-ūi Siōng-chú hō͘ in chin kiaⁿ. In mā chhiúⁿ in só͘-ū ê siâⁿ, in-ūi siâⁿ lāi ū chin chē mi̍h thang chhiúⁿ.
14:15 Koh phah hiahê chengseⁿ ê tiâu, khan chin chē iûⁿ kah lo̍k-tô tńg-khì Ê-lú-sa-lèm.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。