歷代志上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
24:1 Chè-si ê Kang-chok
A-lông kiáⁿ-sun ê pan-lia̍t kì tī ē-té: A-lông ê kiáⁿ Ná-tap, A-mí-huh, Ê-lī-a-chal, I-tha-mal.
24:2 Ná-tap kah A-mí-huh pí in lāu-pē khah tāi-seng sí, koh bô kiáⁿ, só͘-í, iû Ê-lī-a-chal kah I-tha-mal lâi tam-tng chè-si ê chit.
24:3 Ta-bi̍t kah Ê-lī-a-chal kiáⁿ-sun tiong-kan ê Cha-tok, kah I-tha-mal kiáⁿ-sun tiong-kan ê A-hi-mé-le̍k, chiàu in ê chhù-sū pun in ê pan-lia̍t.
24:4 Ê-lī-a-chal kiáⁿ-sun tiong-kan ê thâu-lâng, pí I-tha-mal kiáⁿ-sun tiong-kan só͘-ū ê khah chē, chiū pun i ê pan tī ē-té: Ê-lī-a-chal ê kiáⁿ-sun tiong-kan chò cho̍k-tiúⁿ ê ū cha̍p la̍k lâng, I-tha-mal ê kiáⁿ-sun tiong-kan, chiàu i ê lāu-pē ê ke ū peh lâng.
24:5 Ê-lī-a-chal ê kiáⁿ-sun, I-tha-mal ê kiáⁿ-sun, lóng chiàu thiu-chhiam hun-phài, bô hun chit-ê hit-ê; ū ê tī sèng-só͘ chò siú-léng, ū ê tī Siōng-tè ê bīn-chêng chò siú-léng.
24:6 Chò su-kì ê Lē-bī lâng Nâ-than-nâ-el ê kiáⁿ Si-má-iah, tī ông kah hiahê siú-léng kah Cha-tok chè-si, A-bi-a-thal ê kiáⁿ A-hi-mé-le̍k, í-ki̍p chè-si kah Lē-bī lâng hiahê cho̍k-tiúⁿ ê bīn-chêng, kì in ê miâ-jī. Tī Ê-lī-a-chal ê kiáⁿ-sun tiong-kan chhú chi̍t cho̍k, tī I-tha-mal ê kiáⁿ-sun tiong-kan chhú chi̍t cho̍k.
24:7 Thiu-chhiam tit tio̍h tē-it ê sī Io-a-lip, tē-jī ê sī Ia-ta-iah,
24:8 Tē-saⁿ ê sī Ha-lîm, tē-sì ê sī So-lîm,
24:9 Tē-gō͘ ê sī Mal-ki-iah, tē-la̍k ê sī Mi-iá-mín,
24:10 Tē-chhit ê sī Hat-ko-chuh, tē-peh ê sī A-bi-iah,
24:11 Tē-káu ê sī E-siu-ah, tē-cha̍p ê sī Si-ka-niah,
24:12 Tē-cha̍p-it ê sī E-lí-a-sip, tē-cha̍p-jī ê sī Ia-kim,
24:13 Tē-cha̍p-saⁿ ê sī Hup-pah, tē-cha̍p-sì ê sī Ia-si-ba-ap,
24:14 Tē-cha̍p-gō͘ ê sī Bil-gah, tē-cha̍p-la̍k ê sī Im-mel,
24:15 Tē-cha̍p-chhit ê sī He-chil, tē-cha̍p-peh ê sī Ha-pi-siat,
24:16 Tē-cha̍p-káu ê sī Pe-tha-hiah, tē-jī-cha̍p ê sī I-che-kel,
24:17 Tē-jī-cha̍p-i̍t ê sī Iá-kin, tē-jī-cha̍p-jī ê sī Ga-mul,
24:18 Tē-jī-cha̍p-saⁿ ê sī Te-la-iah, tē-jī-cha̍p- sì ê sī Má-chiah.
24:19 Che sī in chò-kang ê pan-lia̍t, thang ji̍p-khì Siōng-chú ê tiān, chiàu in ê chó͘-sian A-lông chun-thàn Siōng-chú — I-su-la-el ê Siōng-tè só͘ hoan-hù ê lē.
24:20 Lē-bī Lâng ê Miâ-toaⁿ
Lē-bī kî-tha ê kiáⁿ-sun kì tī ē-té: Àm-lâm ê kiáⁿ-sun tiong-kan ū Si-bu-el, Si-bu-el ê kiáⁿ-sun tiong-kan ū E-tí-iah.
24:21 Kóng tio̍h Le-ha-biah, Le-ha-biah ê kiáⁿ-sun tiong-kan ū I-si-siah chò thâu.
24:22 I-chu-hal ê kiáⁿ-sun tiong ū Si-lo-mo͘t; Si-lo-mo͘t ê kiáⁿ-sun tiong ū Ia-hat.
24:23 He-bú-lông ê kiáⁿ-sun tiong-kan, tōa-kiáⁿ sī Ia-li-iah, tē-jī ê sī A-ma-li-ah, tē-saⁿ ê sī Ia-ha-chi-el, tē-sì ê sī Ia-ka-màm.
24:24 U-chi-el ê kiáⁿ-sun tiong-kan ū Mi-ka, Mi-ka ê kiáⁿ-sun tiong-kan ū Sa-bi̍t.
24:25 Mi-ka ê hiaⁿ-tī sī I-si-siah, I-si-siah ê kiáⁿ-sun tiong-kan ū Che-ka-lí-ah.
24:26 Me-la-lih ê kiáⁿ sī Mak-lī, Mu-sih; Ia-chi-â ê kiáⁿ ū Be-no.
24:27 Me-la-lih ê kiáⁿ-sun tiong-kan ū Ia-chi-â ê kiáⁿ Be-no, Sio-hâm, Cha̍k-khul, I-be-lī.
24:28 Mak-lī ê kiáⁿ sī Ê-lī-a-chal, Ê-lī-a-chal bô kiáⁿ.
24:29 Kóng tio̍h Ki-si, Ki-si ê kiáⁿ-sun tiong-kan ū E-la-mel.
24:30 Mu-sih ê kiáⁿ sī Mak-li, E-tel, E-le-mo͘t. Chiahê sī Lē-bī ê kiáⁿ-sun, chiàu in ê chong-cho̍k.
24:31 In tī Ta-bi̍t ông kah Cha-tok, A-hi-mé-le̍k kah chè-si, í-ki̍p Lē-bī lâng chiahê cho̍k-tiúⁿ ê bīn-chêng thiu-chhiam, chhin-chhiūⁿ in ê hiaⁿ-tī A-lông ê kiáⁿ-sun. Ta̍k cho̍k chò thâu ê kah i ê sió-tī lóng pêⁿ-pêⁿ.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。