歷代志上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
20:1 Ta-bi̍t Cheng-ho̍k Lap-bah Siâⁿ
( SMH 12: 26-31)
Nî-thâu, lia̍t ông chhut-lâi kau-chiàn ê sî, Io-ap chhōa kun-peng húi-hoāi Am-móng lâng ê tē, kā Lap-bah ûi-khùn; Ta-bi̍t iû-goân tòa tī Ê-lú-sa-lèm. Io-ap phah La̍h-pa ê siâⁿ, kā i cheng-ho̍k.
20:2 Ta-bi̍t chhiúⁿ in ê ông só͘ tì kim ê bián-liû, chhìn i ê kim tāng chi̍t tha-lan-t, koh ū siuⁿ pó-chio̍h; lâng kā chit-ê bián-liû tì tī Ta-bi̍t ê thâu-khak. Ta-bi̍t tùi siâⁿ lāi chhiúⁿ i ê châi-bu̍t chin chē.
20:3 Kā siâⁿ lāi ê lâng thoa chhut-.lâi, ēng kì-á, ēng thih-pê, ēng pó͘-thâu kā in thâi-sí, Ta-bi̍t ēng ánne khoán-thāi Am-móng ta̍k-ê siâⁿ. Ta-bi̍t chiū kah chèng lâng lóng tńg-khì Ê-lú-sa-lèm.
20:4 Kong-táⁿ Hui-lī-sū ê Tōa-hàn Lâng
( SMH 21: 15-22)
Liáu-āu, tī Ge-chel kah Hui-lī-sū lâng kau-chiàn. Ho-siah lâng Si-bé-kai thâi-sí tōa-hàn lâng chi̍t-ê kiáⁿ, miâ kiò-chò Si-phài, Hui-lī-sū lâng chiū khut-ho̍k.
20:5 Koh kah Hui-lī-sū lâng kau-chiàn, hit sî, Ia-il ê kiáⁿ El-ha-nan thâi-sí Gat lâng, Go-lī-at ê hiaⁿ-tī La-mih. Chit-ê lâng ê chhiuⁿ-pèⁿ tōa kah chhin-chhiūⁿ pò͘-ki ê te̍k-sim.
20:6 Koh tī Gat kau-chiàn, tī hia ū chi̍t-ê tōa-hàn lâng, chhiú kah kha lóng ū la̍k ki chéng-thâu-á, kiōng ū jī-cha̍p sì ki, i mā sī tōa-hàn lâng ê kiáⁿ.
20:7 Chit-ê lâng bú-bān I-su-la-el lâng ê sî, Ta-bi̍t ê a-hiaⁿ Si-me-ah ê kiáⁿ Io-ná-than lâi kā i thâi-sí.
20:8 Chiahê lâng lóng sī tī Gat ê tōa-hàn lâng seⁿ ê, in lóng sí tī Ta-bi̍t ê chhiú kah i ê jîn-sîn ê chhiú.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。