民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
7 各族長奉獻祭物
摩西起會幕了後,to̍h用油kā它抹,kā它分別做聖,koh kā其中ê器具kah壇kah它ê器具,lóng kā它抹來分別做聖。
2 Hit日,以色列ê眾首領,to̍h是in ta̍k族ê族長lóng來奉獻。In to̍h是ta̍k支族ê首領,管理hiahê經過點算ê人。
3 In kā禮物送到上主ê面前,to̍h是六台有遮蓋ê車kah十二隻牛káng。每兩 个首領一台車,ta̍k个首領一隻牛。In kā chiahê物件lóng帶到會幕前。
4 上主吩咐摩西講:
5 「你tio̍h tùi in收來,thang做會幕ê路用,kā hiahê物件hō͘利未人,各照in所做ê工。」
6 摩西就ánne kā車kah牛收起來,交hō͘利未人。
7 Kā兩台車kah四隻牛交革順ê kiáⁿ孫,照in所做ê工。
8 Koh kā四台車kah八隻牛,交hō͘米拉利ê kiáⁿ孫,照in所做ê工;in lóng hō͘祭司亞倫ê kiáⁿ以他瑪管轄。
9 總是,車kah牛無交hō͘哥轄ê kiáⁿ孫,因為聖所ê工屬tī in,用肩胛頭扛。
10 用油抹壇ê日,首領lóng來,行獻壇ê禮,ta̍k个首領to̍h tī壇前獻in ê禮物。
11 上主kā摩西講:「Chiahê首領獻禮物,ta̍k个tio̍h tī伊ê日來獻,來行獻壇ê禮。」
12 頭一日獻禮物ê,是屬偤大ê支族亞米拿達ê kiáⁿ拿順。
13 伊ê禮物是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒,chit兩 个貯滿調和油ê幼麵粉,做素祭;
14 一个金甌,重十舍客勒,貯香滿滿;
15 一隻牛káng-á,一隻綿羊káng,一隻未滿年ê羊káng-á,做燒祭;
16 一隻山羊káng做贖罪祭;
17 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是亞米拿達ê kiáⁿ拿順ê禮物。
18 第二日,以薩迦ê首領,蘇押ê kiáⁿ拿坦業來獻。
19 伊所獻ê禮物,to̍h是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒,chit兩 个貯滿調和油ê幼麵粉,做素祭;
20 一个金甌,重十舍客勒,貯香滿滿;
21 一隻牛káng-á,一隻綿羊káng,一隻未滿年ê羊káng-á,做燒祭;
22 一隻山羊káng,做贖罪祭;
23 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是蘇押ê kiáⁿ拿坦業ê禮物。
24 第三日是西布倫kiáⁿ孫ê首領,希倫ê kiáⁿ以利押。
25 伊ê禮物to̍h是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒,chit兩 个貯滿調和油ê幼麵粉,做素祭;
26 一个金甌,重十舍客勒,貯香滿滿;
27 一隻牛káng-á,一隻綿羊káng,一隻未滿年ê羊káng-á,做燒祭;
28 一隻山羊káng做贖罪祭;
29 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是希倫ê kiáⁿ以利押ê禮物。
30 第四日,是流便kiáⁿ孫ê首領,示丟珥ê kiáⁿ以利蓿。
31 伊ê禮物to̍h是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒;chit兩 个貯滿調和油ê幼麵粉,做素祭;
32 一个金甌,動十舍客勒,貯香滿滿;
33 一隻牛káng-á,一隻綿羊káng,一隻未滿年ê羊káng-á,做燒祭;
34 一隻山羊káng做贖罪祭;
35 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是示丟珥ê kiáⁿ以利蓿ê禮物。
36 第五日是西緬kiáⁿ孫ê首領,蘇利沙代ê kiáⁿ示路蔑。
37 伊ê禮物to̍h是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒;chit兩 个貯滿調和油ê幼麵粉,做素祭;
38 一个金甌,重十舍客勒,貯香滿滿;
39 一隻牛káng-á,一隻綿羊káng,一隻未滿年ê羊káng-á,做燒祭;
40 一隻山羊káng,做贖罪祭;
41 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是蘇利沙代ê kiáⁿ示路蔑ê禮物。
42 第六日是迦得kiáⁿ孫ê首領,丟珥ê kiáⁿ以利雅薩。
43 伊ê禮物to̍h是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒;chit兩 个貯滿調和油ê幼麵粉,做素祭;
44 一个金甌,重十舍客勒,貯香滿滿;
45 一隻牛káng-á,一隻綿羊káng,一隻未滿年ê羊káng-á,做燒祭;
46 一隻山羊káng,做贖罪祭;
47 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是丟珥ê kiáⁿ以利雅薩ê禮物。
48 第七日是以法連kiáⁿ孫ê首領,亞米忽ê kiáⁿ以利沙瑪。
49 伊ê禮物to̍h是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒,chit兩 个貯滿調和油ê幼麵粉,做素祭;
50 一个金甌,重十舍客勒,貯香滿滿;
51 一隻牛káng-á,一隻綿羊káng,一隻未滿年ê羊káng-á,做燒祭;
52 一隻山羊káng,做贖罪祭;
53 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是亞米忽ê kiáⁿ以利沙瑪ê禮物。
54 第八日是瑪拿西kiáⁿ孫ê首領,比大蓿ê kiáⁿ迦瑪列。
55 伊ê禮物to̍h是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒;chit兩 个貯滿調和油ê幼麵粉,做素祭;
56 一个金甌,重十舍客勒,貯香滿滿;
57 一隻牛káng-á,一隻綿羊káng,一隻未滿年ê羊káng-á,做燒祭;
58 一隻山羊káng,做贖罪祭;
59 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是比大蓿ê kiáⁿ 迦瑪列ê禮物。
60 第九日是便雅憫kiáⁿ孫ê首領,基多尼ê kiáⁿ亞比但。
61 伊ê禮物to̍h是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒;chit兩 个貯滿調和油ê幼麵粉,做素祭;
62 一个金甌,重十舍客勒,貯香滿滿;
63 一隻牛káng-á,一隻綿羊káng,一隻未滿年ê羊káng-á,做燒祭;
64 一隻山羊káng,做贖罪祭;
65 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是基多尼ê kiáⁿ亞比但ê禮物。
66 第十日是但kiáⁿ孫ê首領,亞米沙代ê kiáⁿ亞希以謝。
67 伊ê禮物to̍h是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒,chit兩 个貯滿調和油ê幼麵粉,做素祭;
68 一个金甌,重十舍客勒,貯香滿滿;
69 一隻牛káng-á,一隻綿羊káng,一隻未滿年ê羊káng-á,做燒祭;
70 一隻山羊káng,做贖罪祭;
71 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是亞米沙代ê kiáⁿ亞希以謝ê禮物。
72 第十一日是亞設kiáⁿ孫ê首領,俄蘭ê kiáⁿ帕結。
73 伊ê禮物to̍h是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒,chit兩 个貯滿調和油ê幼麵粉,做素祭;
74 一个金甌,重十舍客勒,貯香滿滿;
75 一隻牛káng-á,一隻綿羊káng,一隻未滿年ê羊káng-á,做燒祭;
76 一隻山羊káng,做贖罪祭;
77 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是俄蘭ê kiáⁿ帕結ê禮物。
78 第十二日是拿弗他利kiáⁿ孫ê首領,以南ê kiáⁿ亞希拉。
79 伊ê禮物to̍h是一个銀盤,重一百三十舍客勒,一个銀碗,重七十舍客勒,lóng是照聖所ê舍客勒,chit兩 个貯滿調和油ê幼麵粉,做素祭;
80 一个金甌,重十舍客勒,貯香滿滿;
81 一隻牛káng-á,一隻綿羊káng,一隻未滿年ê羊káng-á,做燒祭;
82 一隻山羊káng,做贖罪祭;
83 兩隻牛káng,五隻綿羊káng,五隻山羊káng,五隻未滿年ê羊káng-á,做謝恩祭。Chiahê是以南ê kiáⁿ亞希拉ê禮物。
84 用油抹壇ê日,以色列chiahê首領,伊tio̍h行獻壇ê禮所獻ê,to̍h是銀盤十二個,銀碗十二個,金甌十二個;
85 ta̍k个銀盤重一百三十舍客勒,ta̍k个碗重七十舍客勒;所有器具ê銀,照聖所ê舍客勒,總共有二千四百舍客勒。
86 十二個金甌貯香滿滿,照聖所ê舍客勒,ta̍k个au重十舍客勒;chiahê au ê金,重總共一百二十舍客勒。
87 做燒祭ê chengseⁿ,總共牛káng十二隻,羊káng十二隻,未滿年ê羊káng-á十二隻,kah做伙獻ê素祭做贖罪祭ê山羊káng十二隻;
88 做謝恩祭ê chengseⁿ,總共牛káng二十四隻,綿羊káng六十隻,山羊káng六十隻,未滿年ê羊káng-á六十隻。Chiahê to̍h是用油抹壇了後,為tio̍h行獻壇ê禮所獻ê。
89 摩西入去會幕beh kah上主講話ê時,聽tio̍h法櫃施恩所ê頂面,兩 个ki-lō͘-peng ê中間,kah伊講話ê聲,to̍h是上主kah伊講話。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。