歷代志上 線上收聽:中文和合本 現代中文譯本修訂版 現代台語 台語聖經 客語 希伯來文讀經 下載檔案 關於語音聖經
27 軍事kah民事ê組織
以色列人ê族長、營長、連長kah官長,lóng有分班定tio̍h,ta̍k班有二萬四千人,全年照月輪流,替換出入來服事王。
2 正月第一班ê班長是Chap-ti-el ê kiáⁿ Ia-sio-be-am,伊ê班內有二萬四千人。
3 伊是法勒斯ê kiáⁿ孫,管轄正月值班所有ê軍長。
4 二月ê班長是A-hoah人Tó-tāi,koh有Mik-lo-t mā是hit班ê頭人,伊ê班內有二萬四千人。
5 三月第三个軍長是大祭司耶何耶大ê kiáⁿ比拿亞,伊ê班內有二萬四千人。
6 Chitê比拿亞是三十人中間ê勇士,管理hit三十人,伊ê班內koh有伊ê kiáⁿ A-mi-cha-bat。
7 四月第四个班長是約押ê小弟亞撒黑,續接伊ê,是伊ê kiáⁿ西巴第雅,伊ê班內有二萬四千人。
8 五月第五个班長是I-chu-lah人Siam-hut,伊ê班內有二萬四千人。
9 六月第六个班長是提哥亞人Ik-ke-sih ê kiáⁿ以拉,伊ê班內有二萬四千人。
10 七月第七个班長是以法連族,Pe-lóng人He-le-chuh,伊ê班內有二萬四千人。
11 八月第八个班長是謝拉族戶沙人Si-bé-kai,伊ê班內有二萬四千人。
12 九月第九个班長是便雅憫族,亞拿突人亞比以謝,伊ê班內有二萬四千人。
13 十月第十个班長是謝拉族,尼陀法人Ma-ha-lâi,伊ê班內有二萬四千人。
14 十一月第十一个班長是以法連族,比拉頓 ê kiáⁿ比拿亞,伊ê班內有二萬四千人。
15 十二月第十二個班長是Ot-ni-el族,尼陀法人Hel-tāi,伊ê班內有二萬四千人。
16 以色列各支族ê官員
管理以色列眾支族ê,記tī下底:管流便族ê是細基利ê kiáⁿ以利以謝,管西緬族ê是瑪迦ê kiáⁿ示法提雅;
17 管利未人ê是Ke-mu-el ê kiáⁿ哈沙比雅;管亞倫ê族ê是撒督;
18 管偤大人ê是大衛ê阿兄以利戶;管以薩迦族ê是米迦勒ê kiáⁿ暗利;
19 管西布倫族ê是Ô-bá-tí-ah ê kiáⁿ I-si-ma-iah;管拿弗他利人ê是亞斯列ê kiáⁿ耶利摩;
20 管以法連族ê是A-cha-chiah ê kiáⁿ何細亞;管瑪拿西半支族ê是毗大雅ê kiáⁿ約珥;
21 管基列地瑪拿西半支族ê是撒迦利亞ê kiáⁿ It-tó͘;管便雅憫族ê是押尼珥ê kiáⁿ Ia-si-el;
22 管但族ê是耶羅罕ê kiáⁿ亞撒列。Chiahê是以色列眾支族ê首領。
23 以色列人二十歲以下ê,大衛無點算,因為上主bat講,祂ē加添以色列人親像天頂ê星。
24 洗魯雅ê kiáⁿ約押開始kā它點算,總是,tùi chitê tāichì有上主ê受氣到tī以色列,所以,無算到soah尾,它ê數額mā無記tī大衛王ê歷代志錄。
25 王室財產ê主管
掌管王ê金庫ê是A-ti-el ê kiáⁿ A-chu-ma-bet。掌管田野、城邑、鄉庄、城堡ê金庫ê是烏西雅ê kiáⁿ約拿單。
26 掌管作田ê農夫,是基綠ê kiáⁿ E-chu-lī。
27 掌管葡萄園ê是拉瑪人示每,掌管葡萄園ê酒池ê是Sip-mi人Chap-ti。
28 掌管平原ê橄欖樹kah桑材是Ge-tel人Ba-al-ha-nân;掌管油池ê是Io-a-si。
29 掌管沙崙飼牛群ê是沙崙人Sit-lái;掌管山谷飼牛群ê是At-lái ê kiáⁿ沙法。
30 掌管駱駝ê是以實瑪利人O͘-bil。管驢á ê是Me-lóng人E-tí-iah。
31 掌管羊群ê是夏甲人Ia-chih。Chiahê lóng是kā大衛王掌管產業ê。
32 大衛ê私人顧問
大衛ê阿叔約拿單做謀士,chitê人有智慧koh做書記。Hak-mo-nih ê kiáⁿ耶悅做王眾kiáⁿ ê同伴。
33 亞希多弗mā做王ê謀士,亞基人戶篩做王ê朋友。
34 續接亞希多弗ê,有比拿亞ê kiáⁿ耶何耶大kah亞比亞他。約押做王ê陸軍總長。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。