章節 | 全民台語聖經漢羅經文 | 註釋 |
8:1 | 大衛ê軍事勝利(代上18:1-17)Chit時了後,大衛phah腓利士人,hō͘ in屈服;大衛koh tùi腓利士人ê手征服Bí-tek-an-má。 | 註釋 串珠 盧俊義 字典 原文 典藏 |
8:2 | 大衛koh去phah摩押,hō͘ in倒tī地裡,用索á來量,量兩條索á長ê hō͘伊死,量滿一條索á長ê hō͘伊活。摩押人to̍h歸服大衛,來進貢。 | 註釋 串珠 盧俊義 字典 原文 典藏 |
8:3 | 大衛phah瑣巴王利合ê kiáⁿ 哈大底謝,hit時,利合去大河想beh恢復伊ê權勢。 | 註釋 串珠 盧俊義 原文 典藏 |
8:4 | 大衛掠伊ê馬兵一千七百kah步兵二萬,大衛kā戰車ê馬割斷牠ê腳筋,只有留一百台車ê馬。 | 註釋 串珠 盧俊義 字典 原文 典藏 |
8:5 | 大馬士革ê亞南人來幫贊瑣巴王哈大底謝,大衛就thâi死亞南人二萬二千。 | 註釋 串珠 盧俊義 原文 典藏 |
8:6 | 就ánne,大衛tī大馬士革ê亞南設立軍營。亞南人to̍h屈服大衛,來進貢。大衛無論去tó位,上主lóng hō͘伊khah贏。 | 註釋 串珠 盧俊義 原文 典藏 |
8:7 | 大衛征服哈大底謝 hiahê人臣所捾金ê屏牌,帶到耶路撒冷。 | 註釋 串珠 盧俊義 字典 原文 典藏 |
8:8 | 大衛王koh tùi屬哈大底謝ê Pí-tha kah Be-lō͘-thah ê城,得tio̍h真chē銅。 | 註釋 串珠 盧俊義 原文 典藏 |
8:9 | 哈拿王Tô-í聽tio̍h大衛phah贏哈大底謝 ê軍隊, | 註釋 串珠 盧俊義 原文 典藏 |
8:10 | Tô-i2to̍h差伊ê kiáⁿ約南去見大衛王,kā伊請安,kā伊祝福,因為伊phah贏哈大底謝。因為哈大底謝 kah Tô-í tiāⁿ-tiāⁿ 交戰,約南ê手mā有帶銀器、金器kah銅器。 | 註釋 串珠 盧俊義 原文 典藏 |
8:11 | 大衛王to̍h用chiahê物做聖,獻hō͘上主,親像早前用伊所khah贏列國ê金銀做聖來獻。 | 註釋 串珠 盧俊義 字典 原文 典藏 |
8:12 | to̍h是tùi亞南、摩押、亞捫人、腓利士人kah亞瑪力所得tio̍h ê,以及tùi瑣巴王利合ê kiáⁿ 哈大底謝所搶來ê。 | 註釋 串珠 盧俊義 原文 典藏 |
8:13 | 大衛tī鹽ê山谷phah死亞南一萬八千人,倒tńg來ê時,to̍h得tio̍h大名聲。 | 註釋 串珠 盧俊義 原文 典藏 |
8:14 | 伊koh tī以東設軍營,to̍h是tī以東全地設軍營。以東人to̍h lóng歸服大衛。大衛無論去tó位,上主lóng hō͘伊khah贏。 | 註釋 串珠 盧俊義 原文 典藏 |
8:15 | (大衛ê大臣代上18:14-17)大衛做以色列人民ê王,大衛秉公行義tī伊ê人民。 | 註釋 串珠 盧俊義 原文 典藏 |
8:16 | 洗魯雅ê kiáⁿ約押做軍長,亞希律 ê kiáⁿ約沙法做史官。 | 註釋 串珠 盧俊義 原文 典藏 |
8:17 | 亞希突ê kiáⁿ撒督kah亞比亞他ê kiáⁿ亞希米勒做祭司,西萊雅做書記。 | 註釋 串珠 盧俊義 原文 典藏 |
8:18 | 耶何耶大ê kiáⁿ比拿亞統轄基利提人kah Pí-lí-thê人,大衛hiahê kiáⁿ做領袖。 | 註釋 串珠 盧俊義 原文 典藏 |