章節 | 全民台語聖經漢羅經文 | 註釋 |
28:1 | Hit時,腓利士人聚集軍兵出陣,beh kah以色列人交戰。亞吉對大衛講:「你tio̍h確實知,你kah tòe你ê人lóng tio̍h tòe我出陣。」 | 註釋 串珠 盧俊義 原文 典藏 |
28:2 | 大衛對亞吉講:「是,奴僕所會做ê tāichì,你一定ē知。」亞吉kā大衛講:「Án-ne,我設立你永遠做我ê侍衛長。」 | 註釋 串珠 盧俊義 原文 典藏 |
28:3 | 掃羅去問紅姨Hit時,撒母耳已經死,以色列人民為tio̍h伊哀哭,kā伊埋葬tī 拉瑪,to̍h是tī伊ê本城。掃羅bat趕逐鬼附身ê kah行邪術ê離開伊ê境內。 | 註釋 串珠 盧俊義 原文 典藏 |
28:4 | 腓利士人聚集,紮營tī書念;掃羅聚集以色列人民,紮營tī基利波。 | 註釋 串珠 盧俊義 原文 典藏 |
28:5 | 掃羅看tio̍h腓利士ê軍兵,to̍h真驚,心肝pho̍k-pho̍k-chhéng到極。 | 註釋 串珠 盧俊義 原文 典藏 |
28:6 | 掃羅問上主,上主lóng無用眠夢,á是烏陵,á是先知來kā伊應答。 | 註釋 串珠 盧俊義 字典 原文 典藏 |
28:7 | 掃羅吩咐伊ê奴僕講:「你tio̍h kā我chhōe尪姨,hō͘我thang去伊hia問伊。」奴僕講:「Tī Ian-tol有一个尪姨。」 | 註釋 串珠 盧俊義 原文 典藏 |
28:8 | 掃羅就改換伊ê容貌,穿別種ê衫,有兩 个人kah伊去,暗時去hitê chabó͘人hia。掃羅講:「請你用附你ê身ê神,kā我行法術,我所kā你講ê人,你kā我牽伊出來。」 | 註釋 串珠 盧俊義 字典 原文 典藏 |
28:9 | Cha-bó͘人對伊講:「你看,你知掃羅ê所做,伊tùi境內剪除chiahê鬼附身ê,kah行邪術ê。你ná ē設計beh害死我ê性命?」 | 註釋 串珠 盧俊義 字典 原文 典藏 |
28:10 | 掃羅kí上主對她chiùchōa講:「我kí永遠活ê上主來chiùchōa,你bē因為chitê tāichì受刑罰。」 | 註釋 串珠 盧俊義 原文 典藏 |
28:11 | Cha-bó͘人講:「我tio̍h kā你牽啥人起來?」掃羅講:「Kā我khan撒母耳起來。」 | 註釋 串珠 原文 典藏 |
28:12 | Cha-bó͘人看tio̍h撒母耳,to̍h大聲叫,chabó͘人kā掃羅講:「你ná ē騙我,因為你是掃羅。」 | 註釋 串珠 盧俊義 原文 典藏 |
28:13 | 王對她講:「M̄免驚,你看tio̍h啥物?」Cha-bó͘人kā掃羅講:「我看tio̍h神明tùi地裡起來。」 | 註釋 串珠 盧俊義 原文 典藏 |
28:14 | 掃羅講:「伊ê形狀án怎?」她講:「有一个老人起來,身軀moa長衫。」掃羅知是撒母耳,to̍h仆tī土腳kā伊拜。 | 註釋 串珠 盧俊義 字典 原文 典藏 |
28:15 | 撒母耳kā掃羅講:「你ná ē kā我攪擾,牽我起來?」掃羅講:「我困苦到極;因為腓利士人kah我交戰,上帝mā離開我,無koh用先知á是眠夢來應答我,所以,我請你來,thang指示我tio̍h án怎行。」 | 註釋 串珠 盧俊義 原文 典藏 |
28:16 | 撒母耳講:「上主已經離開你,koh做你ê對敵,你ná ē來問我? | 註釋 串珠 盧俊義 原文 典藏 |
28:17 | 上主照祂託我所講ê話行tī你,上主已經tùi你ê手搶奪國位,交hō͘你ê同伴大衛。 | 註釋 串珠 盧俊義 原文 典藏 |
28:18 | 因為你無遵thàn上主ê話:祂bat行祂ê大受氣tī亞瑪力,所以,上主今á日ánne行tī你ê身上。 | 註釋 串珠 盧俊義 原文 典藏 |
28:19 | 而且上主ē kā你kah以色列交tī腓利士人ê手中,明á載你kah你hiahê kiáⁿē kah我同在,上主ē kā以色列ê軍兵交tī腓利士人ê手中。」 | 註釋 串珠 盧俊義 原文 典藏 |
28:20 | 掃羅忽然身軀倒直直tī地裡,因為撒母耳ê話,to̍h真驚,致到lóng無力,因為伊一日一暝lóng無食啥物。 | 註釋 串珠 盧俊義 字典 原文 典藏 |
28:21 | Cha-bó͘人óa近掃羅,看tio̍h伊真心悶,對伊講:「你ê女婢聽你ê話,無顧kakī ê性命,聽你所kā我講ê話。 | 註釋 串珠 盧俊義 原文 典藏 |
28:22 | Taⁿ求你聽女婢ê話,容允我tī你ê面前排淡薄食物,hō͘你食,你行路chiah有氣力。」 | 註釋 串珠 盧俊義 字典 原文 典藏 |
28:23 | 掃羅推辭講:「我m̄食。」總是,伊ê奴僕kah chabó͘人好嘴勸伊,伊chiah聽in ê嘴tùi地裡起來,坐tī床裡。 | 註釋 串珠 盧俊義 字典 原文 典藏 |
28:24 | Cha-bó͘人厝內有一隻肥ê牛á,趕緊kā牠thâi,koh the̍h麵粉,chhiau做無酵餅來煏, | 註釋 串珠 盧俊義 字典 原文 典藏 |
28:25 | 排tī掃羅kah伊ê奴僕ê面前,in to̍h食。Hit暝 in to̍h出發去。 | 註釋 串珠 盧俊義 原文 典藏 |