| 章節 | 全民台語聖經漢羅經文 | 註釋 |
| 27:1 | 以撒祝福雅各以撒年老，目chiu 花看bē tio̍h，to̍h叫伊ê大kiáⁿ以掃來，kā伊講：「我ê kiáⁿ。」以掃應講：「我tī chia。」 | 註釋 串珠 蔡茂堂 康來昌 原文 典藏 |
| 27:2 | 以撒講：「我taⁿ老ā，m̄知tó一日ē死。 | 註釋 串珠 蔡茂堂 康來昌 原文 典藏 |
| 27:3 | Taⁿ gia̍h你ê ke-si，to̍h是箭袋kah弓，去山裡，為我phah獵。 | 註釋 串珠 蔡茂堂 康來昌 字典 原文 典藏 |
| 27:4 | 照我所kah意ê，煮hō͘它有好滋味，phâng來hō͘我食，hō͘我tī未死chìn前，kā你祝福。」 | 註釋 串珠 蔡茂堂 康來昌 原文 典藏 |
| 27:5 | 以撒kā伊ê kiáⁿ以掃講話ê時，利百加聽tio̍h。以掃去山裡beh phah獵，thang帶野味tńg來。 | 註釋 串珠 蔡茂堂 康來昌 原文 典藏 |
| 27:6 | 利百加to̍h對她ê kiáⁿ雅各講：「你看，我聽tio̍h lín老父kā你ê阿兄以掃講： | 註釋 串珠 蔡茂堂 康來昌 原文 典藏 |
| 27:7 | 『你kā野獸帶來，kā牠煮好滋味，hō͘我食。我beh tī未死chìn前，tī上主ê面前kā你祝福。』 | 註釋 串珠 蔡茂堂 康來昌 原文 典藏 |
| 27:8 | Taⁿ我ê kiáⁿ，你tio̍h聽我ê話，照我所吩咐你ê去做。 | 註釋 串珠 蔡茂堂 康來昌 原文 典藏 |
| 27:9 | 你去羊群hia，kā我掠兩隻肥ê山羊á來，我beh照你ê老父所kah意ê，kā牠煮好食。 | 註釋 串珠 蔡茂堂 康來昌 字典 原文 典藏 |
| 27:10 | 你phâng去lín老父hia，hō͘伊食，hō͘伊tī未死chìn前kā你祝福。」 | 註釋 串珠 蔡茂堂 康來昌 原文 典藏 |
| 27:11 | 雅各對伊ê老母利百加講：「M̄ koh，我ê阿兄以掃身軀有毛，我ê是光滑。 | 註釋 串珠 蔡茂堂 康來昌 原文 典藏 |
| 27:12 | 設使我ê老父摸tio̍h我，ē kā我看做是欺騙人ê，我to̍h ē惹來咒詛，bē得tio̍h祝福。」 | 註釋 串珠 蔡茂堂 康來昌 原文 典藏 |
| 27:13 | 伊ê老母講：「我ê kiáⁿ，你惹來ê咒詛歸tī我。做你聽我ê話，去掠山羊á來hō͘我。」 | 註釋 串珠 蔡茂堂 康來昌 原文 典藏 |
| 27:14 | 雅各to̍h去掠山羊á來hō͘伊ê老母，老母就照老父所kah意ê，煮好滋味ê食物。 | 註釋 串珠 蔡茂堂 康來昌 原文 典藏 |
| 27:15 | 利百加koh hiaⁿh大kiáⁿ以掃收tī伊厝內ê súi衫，hō͘她ê細漢kiáⁿ雅各穿， | 註釋 串珠 蔡茂堂 康來昌 字典 原文 典藏 |
| 27:16 | 用山羊á皮包雅各ê手kah伊頷頸光滑ê所在， | 註釋 串珠 蔡茂堂 康來昌 字典 原文 典藏 |
| 27:17 | koh kā她所煮好ê食物kah餅，hē tī她ê kiáⁿ雅各ê手。 | 註釋 串珠 蔡茂堂 康來昌 字典 原文 典藏 |
| 27:18 | 雅各來到in老父hia，講：「我ê阿爸。」伊講：「我tī chia。我ê kiáⁿ，你是啥人？」 | 註釋 串珠 蔡茂堂 康來昌 原文 典藏 |
| 27:19 | 雅各對伊ê老父講：「我是你ê大kiáⁿ以掃，我已經照你所吩咐我ê去做。請你起來坐，食我所phah tio̍h ê，好thang kā我祝福。」 | 註釋 串珠 蔡茂堂 康來昌 原文 典藏 |
| 27:20 | 以撒對伊ê kiáⁿ講：「我ê kiáⁿ，你án怎chiah緊to̍h phah tio̍h？」伊講：「因為你ê上帝—上主hō͘我有遭遇chiah來得tio̍h。」好 | 註釋 串珠 蔡茂堂 康來昌 原文 典藏 |
| 27:21 | 以撒kā雅各講：「我ê kiáⁿ，你óa來我chia，我beh摸你，看你真正是我ê kiáⁿ以掃，á m̄是。」 | 註釋 串珠 蔡茂堂 康來昌 原文 典藏 |
| 27:22 | 雅各to̍h óa近伊ê老父以撒，伊to̍h摸雅各，講：「聲是雅各ê聲，手是以掃ê手。」 | 註釋 串珠 蔡茂堂 康來昌 原文 典藏 |
| 27:23 | 以撒分別bē明，因為伊ê手有毛，親像伊ê阿兄以掃ê手，to̍h kā伊祝福。 | 註釋 串珠 蔡茂堂 康來昌 原文 典藏 |
| 27:24 | 伊koh講：「你kám真正是我ê kiáⁿ以掃？」伊講：「我是。」 | 註釋 串珠 蔡茂堂 康來昌 原文 典藏 |
| 27:25 | 以撒講：「phâng來hō͘我，我beh食我ê kiáⁿ所得tio̍h ê野味，thang好kā你祝福。」雅各就phânghou7伊，伊to̍h食，ma7phâng酒hō͘伊，伊to̍hlim。 | 註釋 串珠 蔡茂堂 康來昌 字典 原文 典藏 |
| 27:26 | 伊ê老父以撒對伊講：「我ê kiáⁿ，進前來chim我。」 | 註釋 串珠 蔡茂堂 康來昌 原文 典藏 |
| 27:27 | 伊to̍h進前，chim伊ê老父；伊ê老父鼻tio̍h伊ê衫ê芳味，to̍h kā伊祝福講：我ê kiáⁿ ê芳味，親像上主賜福ê田ê芳味。 | 註釋 串珠 蔡茂堂 康來昌 字典 原文 典藏 |
| 27:28 | 願上帝賞賜hō͘你天頂ê甘露，世上ê肥地，五穀kah新ê酒真chē。 | 註釋 串珠 蔡茂堂 康來昌 字典 原文 典藏 |
| 27:29 | 眾人服事你， 列國跪拜你， 你做你兄弟ê主， 你ê老母ê kiáⁿ kā你跪拜； 咒詛你ê受咒詛， 祝福你ê得tio̍h福氣。 | 註釋 串珠 蔡茂堂 康來昌 原文 典藏 |
| 27:30 | 以掃求以撒祝福以撒kā雅各祝福了後，當雅各tútú tùi伊ê老父以撒hia出來ê時，伊ê阿兄以掃phah獵tńg來。 | 註釋 串珠 蔡茂堂 康來昌 原文 典藏 |
| 27:31 | 伊mā煮好滋味ê食物，phâng來hō͘伊ê老父，講：「我ê阿爸，請起來食kiáⁿ所phah tio̍h ê，thang好kā我祝福。」 | 註釋 串珠 蔡茂堂 康來昌 原文 典藏 |
| 27:32 | 伊ê老父以撒kā伊講：「你是啥人？」以掃講：「我是你ê kiáⁿ，to̍h是你ê大kiáⁿ以掃。」 | 註釋 串珠 蔡茂堂 康來昌 原文 典藏 |
| 27:33 | 以撒大驚，phi̍h-phi̍h chhoah，講：「He是啥人？你iáu未來ê chìn前，phâng伊所phah tio̍h ê來hō͘我。我食了，koh kā伊祝福，伊一定beh得tio̍h福氣。」 | 註釋 串珠 蔡茂堂 康來昌 原文 典藏 |
| 27:34 | 以掃聽tio̍h老父ê話，開聲叫苦大哭，對伊ê老父講：「我ê阿爸，我，你mā tio̍h kā我祝福。」 | 註釋 串珠 蔡茂堂 康來昌 原文 典藏 |
| 27:35 | 以撒講：「你ê小弟用詭計，來搶你ê福份。」 | 註釋 串珠 蔡茂堂 康來昌 原文 典藏 |
| 27:36 | 以掃講：「伊ê名叫做雅各，kám無真合？伊欺騙我兩pái。前搶我大kiáⁿ ê名分，你看，taⁿ伊koh搶我ê福份。」伊koh講：「你Kám無留一份祝福hō͘我？」 | 註釋 串珠 蔡茂堂 康來昌 原文 典藏 |
| 27:37 | 以撒應以掃講：「我已經立伊做你ê主，mā kā伊ê眾兄弟hō͘伊做奴僕，mā用五穀新酒kā伊養飼。我ê kiáⁿ，taⁿ我iáu ē tàng kā你做啥物？」 | 註釋 串珠 蔡茂堂 康來昌 字典 原文 典藏 |
| 27:38 | 以掃kā伊ê老父講：「阿爸，你ê祝福kám只有一pái？我ê阿爸，我，你mā tio̍h kā我祝福。」 | 註釋 串珠 蔡茂堂 康來昌 原文 典藏 |
| 27:39 | 以掃出聲啼哭。伊ê老父以撒應伊講：「你所tòa ê所在bē有世上ê肥地，mā無天頂ê甘露。 | 註釋 串珠 蔡茂堂 康來昌 原文 典藏 |
| 27:40 | 你tio̍h óa靠刀劍生活，koh tio̍h服事你ê小弟；到你奮興ê時，chiah ētùi你ê頷頸脫開伊ê枷擔。」 | 註釋 串珠 蔡茂堂 康來昌 字典 原文 典藏 |
| 27:41 | 以掃因為伊ê老父kā雅各祝福，就怨恨雅各。心內想講：「為老父辦喪事ê時近là，到hit時，我behthâi死我ê小弟雅各。」 | 註釋 串珠 蔡茂堂 康來昌 原文 典藏 |
| 27:42 | 有人kā伊ê大kiáⁿ以掃ê話kā利百加講，她to̍h差人去叫她ê細漢kiáⁿ雅各來，kā伊講：「你ê阿兄以掃behthâi你，來消伊ê怨恨。 | 註釋 串珠 蔡茂堂 康來昌 原文 典藏 |
| 27:43 | Taⁿ我ê kiáⁿ，你tio̍h聽我ê話。起來，走去哈蘭，我ê阿兄拉班hia， | 註釋 串珠 蔡茂堂 康來昌 原文 典藏 |
| 27:44 | kah伊tòa幾日，thèng候你ê阿兄受氣消去。 | 註釋 串珠 蔡茂堂 康來昌 原文 典藏 |
| 27:45 | 到你ê阿兄受氣soah，bē記得你對伊所做ê tāichì，hit時我to̍h差人chhōa你tùi hia tńg來。我ná ē一日內同時失去lín兩人？」 | 註釋 串珠 蔡茂堂 康來昌 原文 典藏 |
| 27:46 | 利百加kā以撒講：「我因為chiahê赫人ê chabó͘ kiáⁿ，連性命都無ài。設使雅各mā娶chit所在ê chabó͘ kiáⁿ做bó͘，親像赫人ê chabó͘ kiáⁿ hit款，ánne，我活leh有啥物路用？」 | 註釋 串珠 蔡茂堂 康來昌 原文 典藏 |