章節 | 全民台語聖經漢羅經文 | 註釋 |
2:1 | 假教師ê真面貌以前有假先知tī民間出現,chitmá仝款mā有假教師tī lín ê中間出現。In暗中引進毀滅性ê異端入來,甚至m̄承認kā in贖回ê主宰,致使kakī 真緊就滅亡。 | 註釋 串珠 盧俊義 康來昌 樹狀圖 原文 典藏 |
2:2 | M̄ koh,iáu是有真chē人學in ê淫亂生活,真理ê道路soah為tio̍h in來受譭謗。 | 註釋 串珠 盧俊義 康來昌 樹狀圖 字典 原文 典藏 |
2:3 | Chiahê假教師因為貪心,會捏造故事來pián lín ê錢財。上帝對in ê審判早to̍h決定ā,in liâmpiⁿ to̍h ē滅亡。 | 註釋 串珠 盧俊義 康來昌 樹狀圖 原文 典藏 |
2:4 | 上帝並無容允犯罪ê天使,所以kā in hiat落去陰府,kā in關tī烏暗ê深坑,tī hia thèng候審判。 | 註釋 串珠 盧俊義 康來昌 樹狀圖 字典 原文 典藏 |
2:5 | 上帝mā無容允古早ê世界,所以用大水淹滅hiahê無敬畏上帝ê世間人,kantaⁿ拯救宣揚公義ê挪亞hit八人。 | 註釋 串珠 盧俊義 康來昌 樹狀圖 原文 典藏 |
2:6 | 上帝處罰所多瑪kah蛾摩拉ê城市,用火kā in毀滅,hō͘後來,無敬畏上帝ê奴僕做警戒。 | 註釋 串珠 盧俊義 康來昌 樹狀圖 原文 典藏 |
2:7 | 上帝有拯救義人羅得,因為伊tiāⁿ-tiāⁿ 為tio̍h邪惡淫亂ê人來深深憂悶。 | 註釋 串珠 盧俊義 康來昌 樹狀圖 原文 典藏 |
2:8 | Chitê義人羅得tòa tī in中間,ta̍k日看tio̍h mā聽tio̍h hiahê邪惡ê tāichì,心內非常痛苦。 | 註釋 串珠 盧俊義 康來昌 樹狀圖 原文 典藏 |
2:9 | 上帝知tio̍h怎樣拯救敬虔ê人脫離試煉,mā知kā不義ê人留到審判ê日去受刑罰, | 註釋 串珠 盧俊義 康來昌 樹狀圖 原文 典藏 |
2:10 | 特別是hiahê放縱肉體情慾koh藐視上帝權威ê人。假教師ê邪惡角色Chiahê假教師大膽koh驕傲,甚至褻瀆尊貴ê天使。 | 註釋 串珠 盧俊義 康來昌 樹狀圖 原文 典藏 |
2:11 | 雖然天使ê氣力kah權能比hiahê假教師khah大,伊mā無tī上帝ê面前用譭謗ê話kā in控告。 | 註釋 串珠 盧俊義 康來昌 樹狀圖 原文 典藏 |
2:12 | M̄ koh,chiahê人親像無靈性ê動物,生成tio̍h hō͘人掠去thâi。In譭謗kakī m̄知ê tāichì。Inē kah動物仝款受毀滅,受tio̍h kakī 不義行為ê報應。 | 註釋 串珠 盧俊義 康來昌 樹狀圖 字典 原文 典藏 |
2:13 | 對in來講,享樂to̍h是tī日時就沉淪tī情慾ê滿足來歡喜。Kah lín做伙食桌ê時,in m̄知thang見笑koh無顧體面,放縱宴樂。 | 註釋 串珠 盧俊義 康來昌 樹狀圖 原文 典藏 |
2:14 | In ê目chiu kantaⁿ ài看邪淫;in犯罪無soah;in迷惑心無堅固ê人;in ê心慣勢貪財,應該tio̍h受上帝ê咒詛。 | 註釋 串珠 盧俊義 康來昌 樹狀圖 原文 典藏 |
2:15 | In離開正路來行迷路,行比珥ê kiáⁿ 巴蘭所行ê路。巴蘭貪愛不義ê錢財, | 註釋 串珠 盧俊義 康來昌 樹狀圖 字典 原文 典藏 |
2:16 | m̄ koh,為tio̍h kakī ê犯法來受責備;一隻bē講話ê驢á,竟然用人ê聲來阻止先知巴蘭ê lāmsám。 | 註釋 串珠 盧俊義 康來昌 樹狀圖 字典 原文 典藏 |
2:17 | Chiahê人親像無水ê泉,親像hō͘狂風掃過ê雲霧。上帝已經tī烏暗ê深淵kā in留一个所在teh thèng候in。 | 註釋 串珠 盧俊義 康來昌 樹狀圖 原文 典藏 |
2:18 | In講誇口ê戇話,用肉體ê情慾kah邪淫來誘惑hiahê tútú脫離失迷生活ê人。 | 註釋 串珠 盧俊義 康來昌 樹狀圖 原文 典藏 |
2:19 | In應允hō͘人自由,m̄ koh,kakī 做腐敗生活ê奴隸,因為人若受啥物控制,to̍h ē做hit項ê奴隸。 | 註釋 串珠 盧俊義 康來昌 樹狀圖 原文 典藏 |
2:20 | 人認bat救主耶穌基督,來脫離世間hiahê污穢以後,若koh再hō͘ hiahê腐敗ê勢力纏身,koh再受壓制,chit款人ê結局ē比以前koh khah慘。 | 註釋 串珠 盧俊義 康來昌 樹狀圖 原文 典藏 |
2:21 | In既然認bat公義ê道路,竟然koh來違背所傳hō͘ in ê神聖誡命,ánne寧可tùi起頭to̍h lóng m̄ bat khah好。 | 註釋 串珠 盧俊義 康來昌 樹狀圖 字典 原文 典藏 |
2:22 | Hit款人ê情形tú親像俗語所講:「狗á倒tńg去食kakī 所吐ê物,豬á洗清氣隨時koh去nòa tī土糜ê中央。」 | 註釋 串珠 盧俊義 康來昌 樹狀圖 字典 原文 典藏 |