章節 | 全民台語聖經漢羅經文 | 註釋 |
18:1 | 寡婦kah判官ê譬喻耶穌koh kā 門徒講一个譬喻,教示in tio̍h tiāⁿ-tiāⁿ 祈禱,m̄ thang厭倦。 | 註釋 串珠 原文 典藏 |
18:2 | 祂講:「Tī某一个城市有一个判官,伊無敬畏上帝,mā無尊重人。 | 註釋 串珠 原文 典藏 |
18:3 | Tī hitê城內有一个寡婦tiāⁿ-tiāⁿ 去chhōe伊講:『我有一个訴訟ê對頭,求你替我主持公道。』 | 註釋 串珠 原文 典藏 |
18:4 | 判官真久lóng無kā她答應,後來,kakī 想講:『我雖然無敬畏上帝,mā無尊重人。 | 註釋 串珠 原文 典藏 |
18:5 | M̄ koh,因為chitê寡婦tiāⁿ-tiāⁿ 來攪擾,我寧可緊來替她主持公道,免得她koh來kā我kô-kô纏。』」 | 註釋 串珠 原文 典藏 |
18:6 | 主koh講:「Lín tio̍h聽chitê不義ê判官所講ê話! | 註釋 串珠 原文 典藏 |
18:7 | 何況上帝揀選ê子民暝日大聲對祂哀求,上帝kám ē延chhiân真久chiah來替in主持公道? | 註釋 串珠 原文 典藏 |
18:8 | 我kā lín講,上帝會趕緊替in主持公道。總是,人子來臨ê時,祂tī世間kám ē看tio̍h chit款ê信心?」 | 註釋 串珠 原文 典藏 |
18:9 | 法利賽派ê人kah抽稅ê人ê譬喻耶穌koh再對hiahê看kakī 做義人koh看輕別人ê人講一个譬喻。 | 註釋 串珠 原文 典藏 |
18:10 | 耶穌講:「有兩 个人入去聖殿祈禱,一个是法利賽派ê人,一个是抽稅ê人。 | 註釋 串珠 字典 原文 典藏 |
18:11 | 法利賽派ê人khiā-teh祈禱講:『上帝ah,我感謝祢,因為我無親像其他ê人貪財、不義、姦淫,mā無親像chitê抽稅ê人。 | 註釋 串珠 原文 典藏 |
18:12 | 我每七日禁食兩pái,koh奉獻全部收入ê十分之一。』 | 註釋 串珠 原文 典藏 |
18:13 | M̄ koh,hitê抽稅ê人khiā tòa遠遠ê所在,連gia̍h頭ǹg天to m̄敢,kantaⁿ悲傷講:『上帝ah,憐憫我chitê有罪ê人。』 | 註釋 串珠 原文 典藏 |
18:14 | 我kā lín講,hō͘上帝赦罪tńg去厝裡ê,是chitê抽稅ê人,m̄是hitê法利賽派ê人,因為驕傲ê人一定ē受降低;謙卑ê人ē受提高。」 | 註釋 串珠 原文 典藏 |
18:15 | 耶穌祝福細漢Gín-á(太19:13-15;可10:13-16)有人連細漢gín-á mā chhōa來beh hō͘耶穌hōaⁿ手。門徒看tioh8to̍h kā in責備。 | 註釋 串珠 原文 典藏 |
18:16 | M̄ koh,耶穌叫hiahê細漢gín-á來,講:「容允細漢gín-á來我chia,m̄ thang kā伊阻擋,因為親像gín-á ê人chiah ē tàng成做上帝國度ê子民。 | 註釋 串珠 原文 典藏 |
18:17 | 我實在kā lín講,若無親像細漢gín-á ánne來承接上帝國度,絕對bē tàng入去。」 | 註釋 串珠 原文 典藏 |
18:18 | 好額ê官員(太19:16-30;可10:17-31)有一个偤太人ê官員來問耶穌講:「好ê老師ah,我tio̍h án怎做chiah ē tàng得tio̍h永遠ê活命?」 | 註釋 串珠 原文 典藏 |
18:19 | 耶穌kā伊講:「你ná ē稱呼我是好à?上帝以外無一个是好。 | 註釋 串珠 原文 典藏 |
18:20 | 你當然lóng bat chiahê誡命,to̍h是:M̄-thang姦淫,m̄ thangthâi死人,m̄ thang偷the̍h,m̄ thang lāmsám做見證,tio̍h孝敬你ê父母。」(註:申5:16-20;出20:12-16) | 註釋 串珠 原文 典藏 |
18:21 | Hitê人講:「Chiahê誡命我自細漢to̍h lóng有teh遵守。」 | 註釋 串珠 原文 典藏 |
18:22 | 耶穌聽tio̍h chiahê話to̍h kā伊講:「你iáu欠一項;tio̍h去賣你所有ê財產來分hō͘ sànchhiah人,ánne,你to̍h有積聚財寶tī天頂,然後chiah來tòe我。」 | 註釋 串珠 原文 典藏 |
18:23 | Hitê人聽tio̍h chiahê話真憂悶,因為伊真好額。 | 註釋 串珠 原文 典藏 |
18:24 | 耶穌看tio̍h hitê人teh憂悶to̍h講:「好額人beh入去上帝國度真困難! | 註釋 串珠 字典 原文 典藏 |
18:25 | 因為駱駝穿過針鼻,比好額人入上帝國度iáu khah簡單!」 | 註釋 串珠 字典 原文 典藏 |
18:26 | 聽見chiahê話ê人問講:「Án-ne,啥人chiah ē tàng得tio̍h救?」 | 註釋 串珠 原文 典藏 |
18:27 | 耶穌應講:「人所做bē到ê,上帝lóng ē。」 | 註釋 串珠 原文 典藏 |
18:28 | 彼得講:「阮已經放sakkakī 所有ê來teh tòe祢。」 | 註釋 串珠 原文 典藏 |
18:29 | 耶穌kā in講:「我實在kā lín講,人若為tio̍h上帝國度來放sak厝宅、bó͘、兄弟、父母á是kiáⁿ兒, | 註釋 串珠 原文 典藏 |
18:30 | tī今世ē得tio̍h幾nā倍ê報賞,tī來世ē得tio̍h永遠ê活命。」 | 註釋 串珠 原文 典藏 |
18:31 | 耶穌第三pái預言祂ê死亡kah Koh活(太20:17-19;可10:32-34)耶穌chhōa十二使徒去邊á kā in講:「你看,taⁿ咱beh上耶路撒冷,先知所記載關係人子ê一切lóng ē應驗。 | 註釋 串珠 原文 典藏 |
18:32 | 祂ēhō͘人出賣交hō͘外邦人,inē kā伊恥笑、侮辱、phùi瀾。 | 註釋 串珠 原文 典藏 |
18:33 | Inē用鞭kā祂phah,來害死祂,第三日上帝ē hō͘祂koh活。」 | 註釋 串珠 字典 原文 典藏 |
18:34 | 門徒tùi chiahê tāichì lóng bē了解,chiahê話hō͘ in感覺莫名奇妙。In m̄知耶穌teh講啥物。 | 註釋 串珠 原文 典藏 |
18:35 | 耶穌醫好Chheⁿ-mê ê乞食(太20:29-34;可10:46-52)耶穌teh beh到耶利哥城ê時,有一个chheⁿmê ·ê坐tī路邊teh求乞。 | 註釋 串珠 字典 原文 典藏 |
18:36 | Hitê chheⁿmê ·ê聽tio̍h真chē人tùi hia經過,to̍h問是啥物tāichì。 | 註釋 串珠 原文 典藏 |
18:37 | 人kā伊講:「拿撒勒人耶穌teh beh tùi chia經過。」 | 註釋 串珠 原文 典藏 |
18:38 | 伊to̍h大聲hoah:「大衛ê kiáⁿ孫,耶穌,憐憫我!」 | 註釋 串珠 原文 典藏 |
18:39 | 行tī頭前ê人kā伊責備,叫伊tio̍h恬恬,m̄ koh,伊koh khah大聲hoah:「大衛ê kiáⁿ孫ah,憐憫我!」 | 註釋 串珠 原文 典藏 |
18:40 | 耶穌停腳,叫人kā伊牽來。伊óa來ê時,耶穌問伊講, | 註釋 串珠 原文 典藏 |
18:41 | 「你ài我kā你做啥物?」伊to̍h講:「主ah,求祢hō͘我ē tàng看見。」 | 註釋 串珠 原文 典藏 |
18:42 | 耶穌kā伊講:「好,hō͘你ē tàng看見!你ê信心救tio̍h你à。」 | 註釋 串珠 原文 典藏 |
18:43 | 伊隨時看見,就tòe耶穌去,歸榮光hō͘上帝。群眾看tio̍h chitê tāichì lóng oló上帝。 | 註釋 串珠 原文 典藏 |