章節 | 全民台語聖經漢羅經文 | 註釋 |
10:1 | 關係離婚ê教示(太19:1-12)耶穌離開hia來到偤太地區,過去約旦河hit-pêng。群眾koh聚集去耶穌hia,祂koh照常教示in。 | 註釋 串珠 康來昌 異文 原文 典藏 |
10:2 | 有一kóa法利賽派ê人beh試探耶穌,óa來問祂講:「人kám thang離伊ê bó͘?」 | 註釋 串珠 康來昌 異文 原文 典藏 |
10:3 | 耶穌應講:「摩西ê律法án怎規定?」 | 註釋 串珠 康來昌 原文 典藏 |
10:4 | In講:「摩西允准人寫離婚書來離伊ê bó͘。」 | 註釋 串珠 康來昌 字典 原文 典藏 |
10:5 | 耶穌kā in講:「摩西因為lín ê心硬,chiah制定chitê誡命hō͘ lín。 | 註釋 串珠 康來昌 原文 典藏 |
10:6 | 總是,源起頭,上帝創造人有男有女。(註:創1:27) | 註釋 串珠 康來昌 異文 原文 典藏 |
10:7 | 因為ánne,chapo͘人tio̍h離開父母來kah伊ê bó͘結聯; | 註釋 串珠 康來昌 異文 原文 典藏 |
10:8 | 兩 个成做一體。(註:創2:24) Án-ne,in m̄是兩 个,是成做一體。 | 註釋 串珠 康來昌 原文 典藏 |
10:9 | 所以,上帝所配合ê,人m̄ thang kā它拆散。」 | 註釋 串珠 康來昌 原文 典藏 |
10:10 | 入去厝內,門徒koh問耶穌chitê問題。 | 註釋 串珠 康來昌 原文 典藏 |
10:11 | 耶穌kā in講:「人若離伊ê bó͘ koh娶別个 chabó͘人,to̍h是犯姦淫來辜負伊ê bó͘; | 註釋 串珠 康來昌 原文 典藏 |
10:12 | bó͘若棄sak她ê丈夫來嫁別个翁,mā是犯姦淫。」 | 註釋 串珠 康來昌 原文 典藏 |
10:13 | 耶穌祝福細漢Gín-á(太19:13-15;路18:15-17)有人chhōa細漢gín-á來耶穌hia,beh hō͘耶穌hōaⁿ手祝福。門徒kā in責備。 | 註釋 串珠 康來昌 異文 原文 典藏 |
10:14 | 耶穌看tio̍h,真無歡喜,kā門徒講:「Hō͘ hiahê細漢gín-á來我chia,m̄ thang kā in阻擋。因為親像chit款gín-á ê人,chiah ē tàng成做上帝國度ê子民。 | 註釋 串珠 康來昌 原文 典藏 |
10:15 | 我實在kā lín講,若無親像gín-á ánne接受上帝國度,絕對bē tàng入去。」 | 註釋 串珠 康來昌 原文 典藏 |
10:16 | 耶穌to̍h kā gín-á抱起來,kā in hōaⁿ手祝福。 | 註釋 串珠 康來昌 原文 典藏 |
10:17 | 好額人ê疑問(太19:16-30;路18:18-30)耶穌出去tī路裡,有一个人走來跪tī祂ê面前,問講:「好ê老師ah,我tio̍h án怎做chiah ē tàng得tio̍h永遠ê活命?」 | 註釋 串珠 康來昌 字典 原文 典藏 |
10:18 | 耶穌kā伊講:「你ná ē稱呼我是好ê?上帝以外無一个是好ê。 | 註釋 串珠 康來昌 原文 典藏 |
10:19 | Chiahê誡命你已經lóng知:M̄-thangthâi死人;M̄-thang姦淫;M̄-thang偷the̍h;M̄-thang做假ê見證;M̄-thang khek虧人;Tio̍h孝敬你ê父母。」(註:出12:16) | 註釋 串珠 康來昌 異文 原文 典藏 |
10:20 | Hitê人應講:「老師ah,chiahê我tùi細漢to̍h lóng有teh遵守。」 | 註釋 串珠 康來昌 原文 典藏 |
10:21 | 耶穌注目kā伊看,用疼心kā伊講:「你iáu欠一項,你tio̍h去賣你所有ê財產來hō͘ sànchhiah人。Án-ne,你to̍h有積聚財寶tī天頂;然後chiah來tòe我。」 | 註釋 串珠 康來昌 異文 原文 典藏 |
10:22 | Hitê人聽tio̍h chiahê話,面就失色,憂頭結面離開耶穌,因為伊有真chē財產。 | 註釋 串珠 康來昌 原文 典藏 |
10:23 | 耶穌kā群眾看一liàn chiah對門徒講:「好額人beh入上帝國度真困難!」 | 註釋 串珠 康來昌 字典 原文 典藏 |
10:24 | 門徒聽了chiahê話,感覺真奇怪。耶穌koh講:「細kiáⁿ,óa靠錢財beh入上帝國度真正困難! | 註釋 串珠 康來昌 異文 原文 典藏 |
10:25 | 駱駝穿過針鼻比好額人入上帝國度iáu khah簡單。」 | 註釋 串珠 康來昌 異文 字典 原文 典藏 |
10:26 | 門徒koh khah tio̍h驚,起疑問,講:「Án-ne啥人chiah ē tàng得救?」 | 註釋 串珠 康來昌 異文 原文 典藏 |
10:27 | 耶穌注目kā in看,講:「Chit項tāichì人做bē到;對上帝來講m̄是ánne,因為上帝ta̍k項lóng ē。」 | 註釋 串珠 康來昌 原文 典藏 |
10:28 | 彼得to̍h對耶穌講:「阮已經放sak一切來tòe祢à。」 | 註釋 串珠 康來昌 原文 典藏 |
10:29 | 耶穌應講:「我實在kā lín講,人若為tio̍h我kah福音ê緣故來放sak厝宅、兄弟、姊妹、老母、老父、kiáⁿ兒、田園, | 註釋 串珠 康來昌 原文 典藏 |
10:30 | in tī今世ē得tio̍h百倍ê厝宅、兄弟、姊妹、老母、kiáⁿ兒、田園,同時mā ē受迫害;m̄ koh,tī來世inē得tio̍h永遠ê活命。 | 註釋 串珠 康來昌 原文 典藏 |
10:31 | 總是,真chē做頭前ê人ē變做路尾,路尾ê人mā ē變做頭前。」 | 註釋 串珠 康來昌 異文 原文 典藏 |
10:32 | 耶穌第三pái預言祂ê死亡kah Koh活(太20:17-19;路18:31-34)耶穌kah門徒上耶路撒冷。Tī路裡,耶穌行tī頭前,門徒tio̍h驚kah gāng去,跟tòe ê人mā真驚惶。耶穌koh chhōa十二使徒去邊á,kā祂teh beh tú ·tio̍h ê tāichì kā in講。 | 註釋 串珠 康來昌 字典 原文 典藏 |
10:33 | 祂講:「Chit-má咱beh上耶路撒冷,人子會hông出賣去交hō͘ hiahê祭司長kah經學教師。Inē kā祂定死罪,koh kā祂交hō͘外邦人。 | 註釋 串珠 康來昌 原文 典藏 |
10:34 | Inē kā祂戲弄、phùi瀾、鞭phah、害死,三日後祂ēkoh活。」 | 註釋 串珠 康來昌 異文 字典 原文 典藏 |
10:35 | 雅各kah約翰ê要求(太20:20-28)然後西庇太ê kiáⁿ雅各kah約翰óa來kā耶穌講:「老師ah,求祢答應阮對祢所求ê tāichì。」 | 註釋 串珠 康來昌 原文 典藏 |
10:36 | 耶穌問講:「Lín ài我為lín做啥物?」 | 註釋 串珠 康來昌 異文 原文 典藏 |
10:37 | In講:「Tī祢得tio̍h榮光ê時,求祢hō͘阮一个坐祢ê正pêng,一个坐祢ê倒pêng。」 | 註釋 串珠 康來昌 原文 典藏 |
10:38 | 耶穌kā in講:「Lín m̄知kakī teh求啥物。我所lim ê杯,lín kám ē tàng lim?我受ê洗禮,lín kám ē tàng受?」 | 註釋 串珠 康來昌 字典 原文 典藏 |
10:39 | In講:「阮會。」耶穌kā in講:「我所lim ê杯,lín beh lim,我所受ê洗禮,lín beh受。 | 註釋 串珠 康來昌 字典 原文 典藏 |
10:40 | 總是,坐我ê正pêng á是倒pêng,m̄是我ē tàng做主。上帝為tio̍h啥人準備,to̍h ēhō͘ hitê人。」 | 註釋 串珠 康來昌 異文 原文 典藏 |
10:41 | 其他十個門徒聽tio̍h,to̍h對雅各kah約翰受氣。 | 註釋 串珠 康來昌 原文 典藏 |
10:42 | 耶穌叫in來,kā in講:「Lín知外邦人ê中間,hō͘人尊做統治者ê人ē做主來kā in治理,in ê官員mā有權kā in管轄。 | 註釋 串珠 康來昌 康來昌 原文 典藏 |
10:43 | 獨獨lín中間無應該ánne。Lín中間ài beh做大ê人tio̍h做眾人ê差用; | 註釋 串珠 康來昌 康來昌 異文 原文 典藏 |
10:44 | lín中間ài beh做頭ê人tio̍h做眾人ê奴僕。 | 註釋 串珠 康來昌 康來昌 原文 典藏 |
10:45 | 因為人子來chitê世間m̄是beh hō͘人服事,反tńg是beh來服事人,甚至犧牲kakī ê性命來贖回真chē人。」 | 註釋 串珠 康來昌 康來昌 原文 典藏 |
10:46 | 耶穌醫好Chheⁿ-mê ê巴底買(太20:29-34;路18:35-43)耶穌kah門徒來到耶利哥城。In kah一大陣人出耶利哥城ê時,有一个chheⁿmê ê乞食,Tí-mái ê kiáⁿ巴底買,坐tī路邊。 | 註釋 串珠 康來昌 字典 原文 典藏 |
10:47 | Hitê chheⁿmê ê乞食聽tio̍h拿撒勒人耶穌tùi hia經過,to̍h大聲hoah:「大衛ê kiáⁿ孫,耶穌,可憐我!」 | 註釋 串珠 康來昌 原文 典藏 |
10:48 | 真chē人kā伊責備,叫伊恬恬,m̄ koh,伊koh khah大聲hoah:「大衛ê kiáⁿ孫ah,可憐我!」 | 註釋 串珠 康來昌 原文 典藏 |
10:49 | 耶穌停落來,講:「叫伊來。」Into̍h叫chheⁿmê ·ê來,kā伊講:「放心,起來,祂teh叫你。」 | 註釋 串珠 康來昌 原文 典藏 |
10:50 | Chheⁿ-mê e5to̍h放落伊ê衫,跳起來去到耶穌hia。 | 註釋 串珠 康來昌 字典 原文 典藏 |
10:51 | 耶穌kā伊講:「你ài我kā你做啥物?」 Chheⁿ-mê-ê講:「老師,求祢hō͘我ēkoh看見。」 | 註釋 串珠 康來昌 原文 典藏 |
10:52 | 耶穌kā伊講:「你tńg去,你ê信心已經hō͘你得tio̍h醫好。」Chheⁿ-mê ê隨時koh ē看見,就tòe耶穌去。 | 註釋 串珠 康來昌 字典 原文 典藏 |