章節 | 全民台語聖經漢羅經文 | 註釋 |
4:1 | 掖種籽ê譬喻(太13:1-9;路8:4-8)耶穌koh一pái tī加利利湖邊教示人。有一大陣人聚集óa來,祂soah tio̍h上船去坐tòa浮tī水面ê船頂。群眾lóng óa來khiā tī湖ê岸邊。 | 註釋 串珠 康來昌 字典 原文 典藏 |
4:2 | 耶穌用譬喻教示in真chē項事。祂教示in講: | C註釋 註釋 串珠 康來昌 原文 典藏 |
4:3 | 「Tio̍h注意聽!有一个作穡人出去掖種籽。 | 註釋 串珠 康來昌 原文 典藏 |
4:4 | 伊掖ê時,有ê ka-la̍uh tī路邊。鳥á飛來,to̍h kā種籽食了了。 | 註釋 串珠 康來昌 字典 原文 典藏 |
4:5 | 有ê ka-la̍uh tī石頭á地,土肉淺ê所在,因為土肉無深,真緊就發芽。 | 註釋 串珠 康來昌 原文 典藏 |
4:6 | M̄ koh,日頭一下出就曝tio̍h,因為無根就乾去。 | 註釋 串珠 康來昌 原文 典藏 |
4:7 | 有ê ka-la̍uh tī刺á內,刺á一下大欉to̍h kā種籽hip死,所以,無結果子。 | 註釋 串珠 康來昌 字典 原文 典藏 |
4:8 | 有ê ka-la̍uh tī好ê土地,就發芽大欉起來,結實。有ê結實三十倍,有ê六十倍,有ê一百倍。」 | 註釋 串珠 康來昌 異文 原文 典藏 |
4:9 | 耶穌koh講:「有耳孔thang聽ê人tio̍h聽!」 | 註釋 串珠 康來昌 原文 典藏 |
4:10 | 譬喻ê目的(太13:10-17;路8:9-10)耶穌單獨tī hia ê時,群眾kah十二使徒óa來問祂chiahê譬喻ê意思。 | 註釋 串珠 康來昌 原文 典藏 |
4:11 | 耶穌to̍h kā in講:「上帝國度ê奧祕已經hō͘ lín知,m̄ koh,對hiahê一般人,ta̍k項lóng tio̍h用譬喻來kā in講。 | 註釋 串珠 康來昌 原文 典藏 |
4:12 | In看有teh看,mā lóng bē明白;in聽有teh聽,mā lóng bē了解。(註:賽6:9) In若tùi譬喻來明白了解,to̍h ē回心轉意歸向上帝,in ê罪to̍h ē得tio̍h赦免。」 | 註釋 串珠 康來昌 原文 典藏 |
4:13 | 解說掖種籽ê譬喻(太13:18-23;路8:11-15)耶穌koh問in講:「Lín連chitê譬喻都bē了解,是無?Án-ne ná ē知其他ê譬喻? | 註釋 串珠 康來昌 原文 典藏 |
4:14 | 掖種籽ê人是teh宣揚上帝ê福音。 | 註釋 串珠 康來昌 原文 典藏 |
4:15 | 掖tī路邊ê,是指人聽tio̍h福音了後,撒旦隨時來kā所掖tī in心內ê福音搶去。 | 註釋 串珠 康來昌 字典 原文 典藏 |
4:16 | 掖tī石頭á地ê,是指in聽tio̍h福音to̍h隨時歡喜來接受, | 註釋 串珠 康來昌 原文 典藏 |
4:17 | m̄ koh,福音tī in ê心內無釘根,不過是暫時niā-niā。若為tio̍h福音tú tio̍h患難á是迫害,ē隨時放sak。 | 註釋 串珠 康來昌 原文 典藏 |
4:18 | 掖tī刺á內ê是指人聽tio̍h福音了後, | 註釋 串珠 康來昌 字典 原文 典藏 |
4:19 | soah因為有世間ê掛慮,錢財ê迷惑,kah其他ta̍k種ê私慾入去心內,kā福音遮蓋teh,soah lóng bē結實。 | 註釋 串珠 康來昌 原文 典藏 |
4:20 | Hiahê掖tī好土地ê,是指人聽tio̍h福音有接受就結實,有ê三十倍,有ê六十倍,有ê一百倍。」 | 註釋 串珠 康來昌 原文 典藏 |
4:21 | 燈kah量器ê譬喻(路8:16-18)耶穌koh kā in講:「Kám有人gia̍h燈來hē tī米斗下面á是眠床腳?Kám m̄是會chhāi tī燈台頂? | 註釋 串珠 康來昌 字典 原文 典藏 |
4:22 | 因為隱密ê無一項bē顯出,掩蓋ê無一項bē露現。 | C註釋 註釋 串珠 康來昌 原文 典藏 |
4:23 | 有耳孔thang聽ê人tio̍h聽!」 | 註釋 串珠 康來昌 原文 典藏 |
4:24 | 耶穌koh kā in講:「Tio̍h注意lín所聽ê。Lín用啥物量器來量hō͘人,上帝mā beh用仝款ê量器量hō͘ lín,甚至ē koh khah加添hō͘ lín。 | 註釋 串珠 康來昌 異文 原文 典藏 |
4:25 | 對有用恩賜服事主ê人,上帝會賞賜koh khah chē hō͘伊;對無用恩賜服事主ê人,連伊所有ê一屑á恩賜mā beh kā伊搶去。」 | C註釋 註釋 串珠 康來昌 原文 典藏 |
4:26 | 種籽成長ê譬喻耶穌Koh講:「上帝國度親像人掖種籽tòa伊ê土地。 | 註釋 串珠 康來昌 原文 典藏 |
4:27 | 祂暗時去睏,日時起來,hitê種籽發芽koh漸漸大欉,伊m̄知án怎ē ánne。 | 註釋 串珠 康來昌 原文 典藏 |
4:28 | 土地自然生產五穀;起頭是秧á puh芽,後來,吐穗,最後to̍h飽穗結成五穀。 | 註釋 串珠 康來昌 異文 字典 原文 典藏 |
4:29 | 五穀熟ê時,to̍h用鐮le̍k'á收割,因為收割ê時期到à。」 | 註釋 串珠 康來昌 字典 原文 典藏 |
4:30 | 芥菜籽ê譬喻(太13:31-32,34;路13:18-19)耶穌又koh講:「上帝國度咱beh án怎來形容?Tio̍h用啥物譬喻來說明? | 註釋 串珠 康來昌 原文 典藏 |
4:31 | 上帝國度親像一粒芥菜籽,雖然是地chiūⁿ種籽中間siōng細粒ê, | 註釋 串珠 康來昌 字典 原文 典藏 |
4:32 | m̄ koh,掖落地了後,就漸漸大欉起來,比所有ê菜蔬khah大欉,koh發出大支樹椏,空中ê鳥都ē tàng tī樹蔭下做巢。」 | 註釋 串珠 康來昌 字典 原文 典藏 |
4:33 | 耶穌使用譬喻(太13:34-35)耶穌用真chē親像chit款ê譬喻對群眾傳福音,祂lóng用in ē tàng了解ê譬喻。 | 註釋 串珠 康來昌 原文 典藏 |
4:34 | 事實上,祂ta̍k pái lóng用譬喻對in講;m̄ koh,kantaⁿ kah門徒做伙ê時,chiah ta̍k項詳細kā in說明。 | 註釋 串珠 康來昌 原文 典藏 |
4:35 | 耶穌平靜風湧(太8:23-27;路8:22-25)Hit日ê暗頭á,耶穌kā門徒講:「咱過來去hit-pêng岸。」 | 註釋 串珠 康來昌 原文 典藏 |
4:36 | In離開群眾上船,kah tī船頂ê耶穌做伙去。Iáu有別隻船mā做伙去。 | 註釋 串珠 康來昌 字典 原文 典藏 |
4:37 | 忽然間起大風,水湧潑入來船裡,致使水teh beh滿船。 | 註釋 串珠 康來昌 字典 原文 典藏 |
4:38 | M̄ koh,耶穌tī船尾倒tī枕頭teh睏。門徒kā祂叫醒,講:「老師,阮teh beh無命lò͘,祢kám無teh要緊?」 | 註釋 串珠 康來昌 字典 原文 典藏 |
4:39 | 耶穌就醒起來,責備風,koh命令水湧講:「靜落來!」風to̍h停,水湧mā定落來。 | 註釋 串珠 康來昌 原文 典藏 |
4:40 | 耶穌to̍h kā in講:「Lín ná ē hiah驚?Lín iáu無信心,是無?」 | 註釋 串珠 康來昌 異文 原文 典藏 |
4:41 | Into̍h大驚,互相講來講去,講:「Chitê是啥人?連風kah水湧都lóng順服祂!」 | 註釋 串珠 康來昌 原文 典藏 |