章節 | 全民台語聖經漢羅經文 | 註釋 |
50:1 | 巴比倫受佔領上主託耶利米先知論巴比倫,論迦勒底人ê地,所講ê話: | 註釋 串珠 原文 典藏 |
50:2 | 「Lín tio̍h tī列邦中傳播hō͘ in聽tio̍h,tio̍h khiā大旗;tio̍h hō͘ in聽tio̍h,公開講:巴比倫受攻破,Be-l見笑,Me-lo-tak phah-pháiⁿ,伊ê佛 lóng見笑,伊ê偶像lóng phah-pháiⁿ。 | 註釋 串珠 字典 原文 典藏 |
50:3 | 「因為有一國tùi北方起來攻擊伊,beh hō͘伊ê地拋荒,無人tòa,人kah chengseⁿ lóng走去。」 | 註釋 串珠 原文 典藏 |
50:4 | 以色列人Tńg去本國上主講:「Hit日hit時,以色列人ē來,inē kah偤大人做伙來,in ē行路,ná行ná哮,來chhōe in ê上帝—上主。 | 註釋 串珠 原文 典藏 |
50:5 | In問錫安ê tāichì,面ǹg hia,講:『來lah,lín tio̍h結永遠無bē記得ê約,來kah上主聯合。』 | 註釋 串珠 字典 原文 典藏 |
50:6 | 「我ê人民做迷路ê羊,in ê牧者hō͘ in行叉路,hō͘ in oat去山裡。In tùi大山行到小山,bē記得in安息ê所在。 | 註釋 串珠 字典 原文 典藏 |
50:7 | 見若tú tio̍h in ê會吞食in。In chiahê對敵講:『阮無罪,因為in得罪上主,to̍h是公義tòa ê所在,mā是in ê祖先所ǹg望ê上主。』 | 註釋 串珠 原文 典藏 |
50:8 | 「Lín tio̍h tùi巴比倫中逃走,tùi迦勒底人ê地出去,tio̍h親像公ê山羊tī羊群ê頭前。 | 註釋 串珠 字典 原文 典藏 |
50:9 | 我beh激起真chē大國tùi北方做伙來攻擊巴比倫,in ē排陣來攻擊;它ē tùi hia受攻破。In ê箭ē親像gâu射ê勇士ê箭,lóng無空空倒tńg來。 | 註釋 串珠 字典 原文 典藏 |
50:10 | 迦勒底ē hō͘人搶去;見若搶它ê lóng ē滿意。這是上主講ê。」 | 註釋 串珠 字典 原文 典藏 |
50:11 | 巴比倫陷落上主講:「巴比倫人,搶我ê產業ê,因為lín歡喜快樂,因為lín跳來跳去,親像踏五穀ê牛母,mā teh哮親像勇ê 馬。 | 註釋 串珠 字典 原文 典藏 |
50:12 | Lín ê老母會見笑到極,生你ê一定漏氣。你看,伊ēhông列tī chiahê國ê路尾,成做曠野,做乾燥ê地,做沙漠。 | 註釋 串珠 原文 典藏 |
50:13 | 因為上主ê大受氣,一定無人tòa tī hia,會全然拋荒;見若經過巴比倫êē tio̍h驚kah gāng去,mā ē因為她所tú tio̍h chiahê災禍,來kā她恥笑。 | 註釋 串珠 原文 典藏 |
50:14 | 「開弓ê人,lín tio̍h tī巴比倫ê四箍圍排陣,tio̍h射箭kā它攻擊,m̄ thang保惜lín ê箭,因為它有得罪上主。 | 註釋 串珠 字典 原文 典藏 |
50:15 | Lín tio̍h tī它ê四箍圍喝喊(hoah-hiàm);伊已經投降。伊ê營寨倒壞à,城牆拆毀à;因為這是上主報仇ê tāichì。Lín tio̍h ǹg伊報仇;伊án怎款待人,mā tio̍h ánne kā伊款待。 | 註釋 串珠 字典 原文 典藏 |
50:16 | Lín tio̍h tùi巴比倫剪除掖種ê kah收割ê時gia̍h鐮á ê。因為驚壓制ê刀劍ta̍k人ē倒tńg去本族,ta̍k人ē走到本所在。」 | 註釋 串珠 字典 原文 典藏 |
50:17 | 以色列人回國上主講:「以色列人是四散ê羊,是hō͘獅趕走ê。Tāi先是亞述王kā伊吞食,路尾chitê巴比倫王—尼布甲尼撒at斷伊ê骨頭。」 | 註釋 串珠 字典 原文 典藏 |
50:18 | 所以,萬軍ê上主—以色列ê上帝ánne講:「你看,我beh刑罰巴比倫王kah伊ê地,親像我bat刑罰亞述王ánne。 | 註釋 串珠 原文 典藏 |
50:19 | 我beh koh chhōa以色列人tńg來伊ê草場,伊beh tī迦密 kah巴珊食草,koh tī以法連山kah基列地,伊ê心得tio̍h飽足。 | 註釋 串珠 原文 典藏 |
50:20 | Hit日hit時,我beh查以色列ê罪過,mā lóng查無;我beh chhōe偤大ê罪惡,mā lóng chhōe無;因為我所留落來ê子民我ē kā in赦免。」 | 註釋 串珠 原文 典藏 |
50:21 | 上主審判巴比倫上主講:「Tio̍h tńg去攻擊Me-la-tha-im ê地kah tòa tī Pe-ko͘t ê人民。Tio̍h jiok去kā in全部thâi死,照我所吩咐你ê一切去行。 | 註釋 串珠 原文 典藏 |
50:22 | 境內有交戰ê聲kah大毀滅。 | 註釋 串珠 原文 典藏 |
50:23 | Phah全地ê大支槌ná ē phah斷毀壞?巴比倫tī列國中ná ē teh拋荒? | 註釋 串珠 字典 原文 典藏 |
50:24 | 巴比倫,我為你設活tauh,你hō͘它tauh tio̍h mā m̄知。你hō͘人chhōe ·tio̍h、掠tio̍h,因為你kah上主做對敵。 | 註釋 串珠 字典 原文 典藏 |
50:25 | 上主已經開祂ê軍裝庫,gia̍h出祂大受氣ê器械;因為主—萬軍ê上主,有tāichì beh tī迦勒底人ê地發生。 | 註釋 串珠 字典 原文 典藏 |
50:26 | Lín tio̍h tùi極遠ê邊界來攻擊她,開她ê粟倉,kā她hiat做土堆,全部kā她滅掉,無留kah半項。 | 註釋 串珠 字典 原文 典藏 |
50:27 | Tioh8thâi她所有ê牛káng,hō͘ in落去受thâi。In有災禍ah!因為辦in ê日,hitê期已經到。」 | 註釋 串珠 字典 原文 典藏 |
50:28 | (有tùi巴比倫地逃走出來ê人ê聲,tī錫安報告上主—咱ê上帝來報仇,to̍h是祂beh為tio̍h祂ê殿來報仇。) | 註釋 串珠 字典 原文 典藏 |
50:29 | 「Tio̍h招集射箭ê兵,to̍h是所有會開弓ê,來攻擊巴比倫。Tī她ê四箍圍紮營,來kā她phah,m̄ thang hō͘她走kah一个,照她所做ê來kā她報應;伊án怎款待人,tio̍h照ánne來kā她款待,因為她驕傲悖逆上主—以色列ê聖ê。 | 註釋 串珠 字典 原文 典藏 |
50:30 | 因為ánne,她ê少年人ētī伊ê街路倒落去。當hit日,她所有ê兵á lóng ē滅亡。這是上主講ê。 | 註釋 串珠 字典 原文 典藏 |
50:31 | 「你看,驕傲ê巴比倫人,我beh做你ê對敵,因為我辦你ê日,hitê期已經到。 | 註釋 串珠 原文 典藏 |
50:32 | 驕傲ê腳踢tio̍h來跋倒,無人kā伊扶起來。我beh hō͘火tī你hiahê城to̍h起來,kā她四箍圍所有ê全部燒燒去。」 | 註釋 串珠 原文 典藏 |
50:33 | 萬軍ê上主ánne講:「以色列人kah偤大人平平受壓制;所有掠in ê lóng kā in顧tiâu-tiâu,m̄肯放in去。 | 註釋 串珠 原文 典藏 |
50:34 | 救贖in ê有大氣力,祂ê名叫做萬軍ê上主。祂ē為in申冤,hō͘全地得tio̍h平安,mā hō͘ tòa tī巴比倫ê人民phi̍h-phi̍h chhoah。」 | 註釋 串珠 原文 典藏 |
50:35 | 上主講:有刀劍會臨到迦勒底人kah tòa tī巴比倫ê人民,kah in ê貴族,kah in ê星象家。 | 註釋 串珠 字典 原文 典藏 |
50:36 | 有刀劍會臨到誇口ê人,in to̍h成做戇人;有刀劍臨到伊ê勇士,in to̍h起驚惶。 | 註釋 串珠 字典 原文 典藏 |
50:37 | 有刀劍臨到伊ê馬、伊ê車kah其中ê雜色人;inē親像chabó͘人。有刀劍臨到伊ê寶物,伊to̍h受搶奪。 | 註釋 串珠 字典 原文 典藏 |
50:38 | 有炕旱臨到伊所有ê水,to̍h ē乾乾去;因為這是雕刻偶像ê地,人因為神佛來顛狂。 | 註釋 串珠 字典 原文 典藏 |
50:39 | 所以,曠野ê走獸kah豺狼會tòa tī hia,刀劍mā ē tiàm tī hit中間,永遠無人煙,代代無人tòa。 | 註釋 串珠 字典 原文 典藏 |
50:40 | 上主講:的確無人tòa tī hia,mā無人寄腳tī in中間,ē親像我—上帝chhia倒所多瑪、蛾摩拉kah附近ê城ánne。 | 註釋 串珠 原文 典藏 |
50:41 | 你看,有人民tùi北方來,mā有大國kah真chē君王受激動,tùi地極來。 | 註釋 串珠 原文 典藏 |
50:42 | In gia̍h弓kah鎗,殘忍無憐憫;in ê聲親像海湧hōa-hōa哮。In騎馬排隊,親像上陣ê人,巴比倫ê城,in beh來攻擊你。 | 註釋 串珠 字典 原文 典藏 |
50:43 | 巴比倫王聽tio̍h in ê風聲,手就軟落去;痛苦kā伊擒tiâu,痛疼親像beh生kiáⁿ ê chabó͘人。 | 註釋 串珠 原文 典藏 |
50:44 | 你看,伊ē親像獅tùi約旦河邊ê樹林起來,攻擊堅固tòa ê所在。一目nih久,我beh hō͘ in逃走,離開chitê所在。啥人受揀選,我to̍h派伊治理chitê地。啥人ē比-得我?啥人ē kā我定一个期?有啥物牧者ē tàng khiā tī我ê面前? | 註釋 串珠 字典 原文 典藏 |
50:45 | 所以,lín tio̍h聽上主所計畫beh攻擊巴比倫ê計策,以及祂所定tio̍h beh攻擊迦勒底ê旨意。In定tio̍h beh kā hiahê細隻羊群拖去。祂mā ē hō͘ in tòa ê所在荒廢。 | 註釋 串珠 字典 原文 典藏 |
50:46 | 因為巴比倫倒壞ê聲,地就搖動,in大聲hoah ê聲傳到tī列邦中。 | 註釋 串珠 原文 典藏 |