| 章節 | 全民台語聖經漢羅經文 | 註釋 |
| 37:1 | 西底家求耶利米代禱約西亞ê kiáⁿ西底家王代替約雅敬ê kiáⁿ 哥尼雅做王，巴比倫王尼布甲尼撒 bat tī偤大地kā伊設立做王。 | 註釋 串珠 原文 典藏 |
| 37:2 | 總是，伊kah伊ê人臣，以及國內ê人民lóng m̄聽上主ê話，to̍h是上帝託耶利米先知所講ê。 | 註釋 串珠 原文 典藏 |
| 37:3 | 西底家王差示利米雅ê kiáⁿ Iu-kal，kah祭司瑪西雅ê kiáⁿ西番雅，去見耶利米先知，講：「求你替阮對上主—咱ê上帝祈禱。」 | 註釋 串珠 原文 典藏 |
| 37:4 | Hit時，耶利米tī人民ê中間出入，因為in iáu未kā伊關落監。 | 註釋 串珠 字典 原文 典藏 |
| 37:5 | 法老ê軍兵已經tùi埃及出來，hiahê圍困耶路撒冷ê迦勒底人聽tio̍h in ê風聲，就撤營離開耶路撒冷。 | 註釋 串珠 原文 典藏 |
| 37:6 | 上主ê話臨到耶利米先知，講： | 註釋 串珠 原文 典藏 |
| 37:7 | 「上主—以色列ê上帝ánne講：偤大王差lín來我chia問我，lín tio̍h ánne kā伊講：『你看，hiahê出來beh幫贊lín ê法老ê軍兵ē倒tńg去埃及本國。 | 註釋 串珠 原文 典藏 |
| 37:8 | 迦勒底人ēkoh來攻擊chitê城，ē kā她征服，mā ē用火kā她燒。』 | 註釋 串珠 原文 典藏 |
| 37:9 | 上主ánne講：Lín m̄ thang騙kakī 想講：迦勒底人一定ē離開阮，其實in無beh離開。 | 註釋 串珠 原文 典藏 |
| 37:10 | Lín若phah敗kā lín攻擊ê迦勒底ê軍隊，in中間只chhun受傷ê人，in ta̍k人mā ētùi伊ê布棚內起來，用火燒chitê城。」 | 註釋 串珠 原文 典藏 |
| 37:11 | 耶利米受掠入監迦勒底ê軍兵，因為驚法老ê軍兵，就撤營離開耶路撒冷， | 註釋 串珠 原文 典藏 |
| 37:12 | hit時，耶利米出耶路撒冷，beh去便雅憫ê地；ài tī人民ê中間得tio̍h伊ê產業。 | 註釋 串珠 原文 典藏 |
| 37:13 | 伊來到便雅憫門hia，有顧門ê官，伊ê名叫做I-li-iah，是哈拿尼亞ê孫—示利米雅ê kiáⁿ，伊to̍h掠耶利米先知，講：「你是teh投降迦勒底人ho͘ⁿh！」 | 註釋 串珠 原文 典藏 |
| 37:14 | 耶利米講：「無影，我m̄是投降迦勒底人。」I-li-iah m̄聽伊ê話，to̍h掠耶利米，kā伊送去到貴族hia。 | 註釋 串珠 原文 典藏 |
| 37:15 | Chiahê貴族受氣耶利米，to̍h kā伊phah，kā伊關tī書記約拿單ê厝ê監裡，因為in用hit間做監牢。 | 註釋 串珠 字典 原文 典藏 |
| 37:16 | 耶利米來到地陷ê穴內，耶利米tòa hia真chē日。 | 註釋 串珠 字典 原文 典藏 |
| 37:17 | 西底家王差人去chhōa耶利米來，王tī宮內偷偷á問伊講：「Kám有啥物話tùi上主來？」耶利米應講：「有！」koh講：「你ē交tī巴比倫王ê手。」 | 註釋 串珠 原文 典藏 |
| 37:18 | 耶利米koh對西底家王講：「我有啥物得罪你，á是得罪你ê人臣kah chiahê人民，chiah hō͘你kā我關落監？ | 註釋 串珠 字典 原文 典藏 |
| 37:19 | 你chiahê先知對lín預言，講巴比倫王一定bē來chitê所在kā lín攻擊，taⁿ in tī tó位？ | 註釋 串珠 原文 典藏 |
| 37:20 | Taⁿ我ê主—我ê王，請你聽我ê話，准我所求，m̄ thang hō͘我倒tńg去書記約拿單ê厝，免得我死tī hia。」 | 註釋 串珠 原文 典藏 |
| 37:21 | 西底家王to̍h命令kā耶利米關tī拘留所ê院，ta̍k日tùi做餅ê街the̍h一粒麵包hō͘伊，直到城內無麵包chiah soah。Án-ne，耶利米猶原tòa tī拘留所ê院內。 | 註釋 串珠 字典 原文 典藏 |