| 章節 | 全民台語聖經漢羅經文 | 註釋 |
| 31:1 | 以色列人回鄉上主講：「Hit時，我beh做以色列ta̍k房頭ê上帝，in ē做我ê子民。」 | 註釋 串珠 原文 典藏 |
| 31:2 | 上主ánne講：以色列hō͘刀thâi無了ê人民，tī曠野得tio̍h恩典，我beh hō͘ in得tio̍h安息。 | 註釋 串珠 字典 原文 典藏 |
| 31:3 | 早前上主對我顯現，講：我用永遠ê疼，疼你，因為ánne，我用慈愛牽你。 | 註釋 串珠 原文 典藏 |
| 31:4 | 以色列ê在室女，我beh koh kā你建立，你to̍h ē得tio̍h建立；你beh koh用lin-long鼓做打扮，kah快樂ê人做陣跳舞出去。 | 註釋 串珠 字典 原文 典藏 |
| 31:5 | 你ēkoh栽種葡萄園tī撒馬利亞chiahê山，栽種ê會栽種，來享受它ê果子。 | 註釋 串珠 字典 原文 典藏 |
| 31:6 | 因為有一日，以法連山守望ê人ē大聲hoah：起來！咱來去錫安，到上主—咱ê上帝hia。 | 註釋 串珠 原文 典藏 |
| 31:7 | 上主ánne講：Lín tio̍h為雅各唱歡喜ê歌，為萬國中做頭ê國出大聲，傳播oló講：上主ah，救祢ê子民—以色列人所chhun落來ê人。 | 註釋 串珠 原文 典藏 |
| 31:8 | 你看，我beh chhōa in tùi北方來，聚集in tùi地極來；kah in來ê，有chheⁿmê ê、跛腳ê、帶娠ê、beh生kiáⁿ ê，kui大陣做伙來。 | 註釋 串珠 原文 典藏 |
| 31:9 | In會啼哭來，我beh tī祈禱中chhōa in，我beh tī正直bē跋倒ê路chhōa in來到河邊，因為我是以色列ê父，以法連做我ê大kiáⁿ。 | 註釋 串珠 字典 原文 典藏 |
| 31:10 | 上主講：列國，lín tio̍h聽上主ê話，傳報tī遠ê島嶼，講：趕散以色列êē kā伊聚集，koh kā伊顧守，親像牧者顧守伊ê羊群。 | 註釋 串珠 字典 原文 典藏 |
| 31:11 | 因為上主已經救贖雅各，kā伊贖回脫離比伊khah強ê ê手。 | 註釋 串珠 原文 典藏 |
| 31:12 | Inē到錫安koân ê所在唱歌，koh ē親像河水teh流，到上主恩典ê地，得tio̍h五穀、酒、油、羊群kah細隻ê牛群。In ê心ē親像灌ak ê園，lóng無koh憂苦。 | 註釋 串珠 字典 原文 典藏 |
| 31:13 | Hit時，在室女會跳舞來歡喜，少年人kah老人mā ē做伙歡喜；因為我beh hō͘ in ê悲哀變做歡喜，mā beh kā in安慰，hō͘ in tī憂悶了後來，快樂。 | 註釋 串珠 原文 典藏 |
| 31:14 | 我beh用油膩hō͘祭司ê心滿足；我ê人民mā ē因為我ê恩惠滿意。這是上主講ê。 | 註釋 串珠 原文 典藏 |
| 31:15 | 上主憐憫以色列上主ánne講：Tī拉瑪聽tio̍h聲，啼哭koh大悲傷，拉結哭她ê kiáⁿ兒，m̄願受安慰，因為她ê kiáⁿ死去à。 | 註釋 串珠 原文 典藏 |
| 31:16 | 上主ánne講：Tio̍h禁止你ê聲，m̄ thang啼哭，禁止你ê目chiu ，m̄ thang流目屎，因為你做工ē得tio̍h報賞；in ētùi對敵ê國tńg來。這是上主講ê。 | 註釋 串珠 原文 典藏 |
| 31:17 | 上主講：你ê尾景有ǹg望，你ê kiáⁿ兒ē倒tńg來kakī ê境內。 | 註釋 串珠 原文 典藏 |
| 31:18 | 我實在有聽tio̍h以法連kakī 痛恨，講：你督責我，我to̍h受督責；我親像教bē上chōa ê牛á，求祢hō͘我oa̍t倒tńg，我to̍h oa̍t倒tńg，因為祢是我ê上帝—上主。 | 註釋 串珠 字典 原文 典藏 |
| 31:19 | 我oa̍t倒tńg以後to̍h反悔；受教示以後to̍hphah腳腿痛悔；我to̍h見笑漏氣，因為我擔當少年ê時ê凌辱。 | 註釋 串珠 原文 典藏 |
| 31:20 | 上主講：以法連kám是我疼ê kiáⁿ？Kám是thang歡喜ê gín-á？我見若kā伊責備，iáu koh深深數念伊；所以，我ê心腸為tio̍h伊bē平安，我一定beh憐憫伊。 | 註釋 串珠 原文 典藏 |
| 31:21 | 以色列ê人民，你tio̍h為kakī 立指路牌，khiā引路柱，你tio̍h注意ǹg大路，to̍h是你所去ê原路；你tio̍h倒tńg來，tńg來tī你chiahê城。 | 註釋 串珠 字典 原文 典藏 |
| 31:22 | 偏邪ê chabó͘ gín-á，你四界流浪無定tio̍h ē到tang時？上主tī地chiūⁿ創一項新ê tāichì，to̍h是chabó͘人beh保護chapo͘人。 | 註釋 串珠 原文 典藏 |
| 31:23 | 上帝子民ê光明前途萬軍ê上主—以色列ê上帝ánne講：「我hō͘受掠ê人倒tńg來ê時，tī偤大地kah它hiahê城，人ēkoh用chitê話講：公義ê厝，聖ê山，願上主kā你賜福。 | 註釋 串珠 原文 典藏 |
| 31:24 | 偤大kah hiahê城ê人以及作穡人、四界飼羊ê人，lóng ē做伙tòa tī hia。 | 註釋 串珠 字典 原文 典藏 |
| 31:25 | 因為心神厭倦ê人，我已經hō͘伊滿足；心神憂悶ê人，我已經hō͘伊知足。 | 註釋 串珠 原文 典藏 |
| 31:26 | 先知講：「我睏醒teh想，我ê睏真歡喜！」 | 註釋 串珠 原文 典藏 |
| 31:27 | 上主講：「你看，日子teh beh到，我beh hō͘以色列ê子民kah偤大家，人kah chengseⁿ lóng傳種。 | 註釋 串珠 原文 典藏 |
| 31:28 | 我早前án怎專心kā in拔出、拆毀、chhia倒、滅亡、困苦，chitmá mā beh照ánne專心kā in建立、栽種。這是上主講ê。 | 註釋 串珠 原文 典藏 |
| 31:29 | 當hiahê日，人無koh講：老父食酸ê葡萄，kiáⁿ ê嘴齒痠軟。 | 註釋 串珠 字典 原文 典藏 |
| 31:30 | Ta̍k人ē因為kakī ê罪來死；見若食酸ê葡萄ê，in ê嘴齒會軟去。 | 註釋 串珠 字典 原文 典藏 |
| 31:31 | 上主講：「你看，日子teh beh到，我beh kah以色列ê子民以及偤大家立新ê約， | 註釋 串珠 原文 典藏 |
| 31:32 | m̄是照我kah in ê祖先所立ê約，tī我牽in ê手，chhōa in出埃及地ê時所立ê。我雖然做in ê丈夫，in猶原違背我ê約。這是上主講ê。」 | 註釋 串珠 原文 典藏 |
| 31:33 | 上主講：「Hiahê日了後，我kah以色列ê子民所beh立ê約是chitê：to̍h是我beh用我ê律法hē tī in ê心內，刻tī in ê心肝。我beh做in ê上主，in ē做我ê子民。 | 註釋 串珠 原文 典藏 |
| 31:34 | In無koh ta̍k人教示in ê厝邊kah in ta̍k人ê兄弟，講：『Lín tio̍h bat上主』，因為in tùi大到細lóng ēbat我。因為我beh赦免in ê罪過，無kohē記得in ê罪。這是上主講ê。」 | 註釋 串珠 原文 典藏 |
| 31:35 | 上主設日頭做日時ê光，設月kah星ê定例做暗時ê光，搖動大海，hō͘它ê湧hōa-hōa哮，萬軍ê耶和華to̍h是祂ê名。祂有ánne講： | 註釋 串珠 原文 典藏 |
| 31:36 | Chiahê定例若ē tī我ê面前廢除，以色列ê kiáⁿ孫chiah ētī我ê面前絕斷，永遠bē成做國。這是上主講ê。 | 註釋 串珠 原文 典藏 |
| 31:37 | 上主ánne講：若tī頂面ê天會量得，tī地ê下面chiahê根基會測度得，我to̍h一定因為以色列ê kiáⁿ孫一切ê所行來棄sak伊。這是上主講ê。 | 註釋 串珠 原文 典藏 |
| 31:38 | 上主講：「你看，日子teh beh到，chitê城ē kā上主起造，tùi Ha-na-nel ê樓到角頭ê門。 | 註釋 串珠 字典 原文 典藏 |
| 31:39 | 量ê索koh牽出去，一直到Ga-lep山，oa̍t tńg去到Go-ah。 | 註釋 串珠 字典 原文 典藏 |
| 31:40 | Hiat身屍kah piàⁿ火灰tī全部ê山谷kah所有ê田園，一直到汲淪溪，koh直到東pêng「馬ê門」ê角頭lóng beh做聖，歸tī上主，無koh拔出，無koh chhia倒，一直到永遠。」 | 註釋 串珠 字典 原文 典藏 |