章節 | 全民台語聖經漢羅經文 | 註釋 |
14:1 | Tùi流亡Tńg來上主ē憐憫雅各,ē koh揀選以色列,kā in安置tī in ê本所在;寄腳êē來歸óa in,kah雅各家聯合。 | |
14:2 | 列邦ē kā in帶倒tńg來本所在。以色列ê子民ē tī上主ê地得tio̍h in來做奴僕、女婢,mā ē搶掠早前kā in搶掠ê人,管轄早前kā in壓制ê人。 | |
14:3 | 巴比倫王tī陰間當上主hō͘你脫離艱苦kah煩惱,以及人勉強你做ê苦工,得tio̍h平安ê日子ê時, | |
14:4 | 你ē做chitê歌來論巴比倫王,講:「制壓人ê ná ē竟然死去!勒索人ê ná ē竟然死去! | |
14:5 | 上主有at斷pháiⁿ人ê柺á kah管轄人ê權柄, | |
14:6 | to̍h是tī受氣中連連phah chiahê人民,tī受氣中管轄列國koh行迫害無人thang阻止。 | |
14:7 | Taⁿ全地得tio̍h安息kah平靜;人lóng出歡喜ê聲。 | |
14:8 | 松樹kah黎巴嫩ê柏香樹lóng因為你歡喜,講:『Tùi你倒落去以後,無人ēkoh起來剉阮。』 | |
14:9 | 「你落去ê時,陰間to̍h為你振動,來kā你迎接;koh因為你,驚動hiahê bat tī世間做領袖ê陰魂,mā hō͘ hiahê bat做列國君王ê人lóng tùi伊ê座位khiā起來。 | |
14:10 | In lóng ē應你講:『你mā變做軟弱親像阮?你kám mā kah阮仝款? | |
14:11 | 你ê威風kah你ê琴瑟ê聲lóng落到陰間!鋪tī你ê下面ê是蟲,蓋tī你ê頂面ê是蛆。』 | |
14:12 | 天光早起ê啟明星,你ná ē tùi天墜落來!你chitê攻破列國ê人ná ē受phah倒tī地chiūⁿ? | |
14:13 | 你ê心內bat講:我beh上到天頂,我beh tī上主眾星ê頂面舉起我ê座位;我beh坐tī聚會ê山,tī北方ê極頭。 | |
14:14 | 我beh上到比雲khah koân ê頂面,我beh kah至koân ·ê平等。 | |
14:15 | 總是,你ē墜落去陰間,到tī深坑ê極頭。 | |
14:16 | 凡若看tio̍h你ê人lóng ē注目看你,注意想你,講: | |
14:17 | 『Hō͘大地搖動,hō͘列國振動,hō͘世界拋荒,hō͘城牆chhia倒,koh無tháu放受掠ê人倒tńg去in tau ê,kám是chitê人?』 | |
14:18 | 「列國ê君王ta̍k个lóng有榮光睏tī伊ê墓。 | |
14:19 | 獨獨你受hiat-ka̍k,bē tàng入去你ê墓,親像thang討厭ê枝;你用受thâiê人做衫,to̍h是受刀鑿死kah墜落去坑中石頭ê;你koh親像受thún踏ê身屍。 | |
14:20 | 你bē tàng kah in同齊埋葬,因為你敗壞你ê國,thâi死你ê人民。 Pháiⁿ人ê kiáⁿ孫一定永遠無名。 | |
14:21 | 「因為祖先ê罪,tio̍h準備kā in ê kiáⁿ孫thâi死,免得in koh興起來佔地,tī遍世間起城。」 | |
14:22 | 上主beh毀滅巴比倫萬軍ê上主講:我beh起來kā in攻擊,beh tùi巴比倫除滅伊ê名kah所chhun落來ê人,以及伊ê kiáⁿ孫。這是上主講ê。 | |
14:23 | 我beh hō͘伊ê地成做河豬所tiàm ê所在,koh變做水池。我beh用滅亡ê掃帚kā它掃除。這是萬軍ê上主講ê。」 | |
14:24 | 上主beh毀滅亞述萬軍ê上主有chiùchōa講:「我所想ê絕對會成就;我所定tio̍h ê絕對會建立。 | |
14:25 | 我beh tī我ê地phah敗亞述人,tī我ê山kā in thún踏。伊ê枷擔會離開我ê人民,伊ê重擔會離開我ê人民ê肩胛頭。」 | |
14:26 | 這是已經定tio̍h beh行tī全地ê旨意;這是伸tī萬國頂面ê手。 | |
14:27 | 萬軍ê上主已經定tio̍h旨意,啥人ē tàng kā它廢除?祂ê手已經伸出去,啥人ē tàng hō͘它kiu倒tńg來? | |
14:28 | 上主beh毀滅腓利士亞哈斯王死hit年,有chitê默示: | |
14:29 | 腓利士ê全地,m̄ thang因為phah你ê柺á已經折斷來歡喜。因為tùi蛇ê卵會生出毒蛇,牠所生ê是會飛ê火蛇。 | |
14:30 | Sàn-chhiah人ê大kiáⁿē得tio̍h食飽,欠缺ê人ē安然倒teh。我beh用飢荒餓死你ê種類,它會thâi死你所chhun落來ê人民。 | |
14:31 | 門tio̍h啼哭!城tio̍h大聲hoah!腓利士全地,你ē消滅à。因為有煙tùi北pêng來,而且in ê兵丁無kah一个落陣(làu-tīn)。 | |
14:32 | Beh án怎應列國ê使者?Tio̍h講:「上主建立錫安,祂ê子民中間困苦ê人ē投歇tī hit內面。」 |