章節 | 全民台語聖經漢羅經文 | 註釋 |
1:1 | 古列王下令偤太人回國當波斯王古列元年,因為beh應驗上主託耶利米所講ê話,上主就激動波斯王古列ê心,hō͘伊宣布tī 全國,koh寫命令,講: | 註釋 串珠 原文 典藏 |
1:2 | 波斯王古列ánne講:『天頂ê上帝—上主kā天下ê萬國賞賜hō͘我,koh命令我tī偤大ê耶路撒冷kā祂起殿。 | 註釋 串珠 原文 典藏 |
1:3 | Lín中間見若做祂ê子民ê,thang上去偤大ê耶路撒冷,tī耶路撒冷koh起上主—以色列上帝ê殿。願伊ê上帝kah伊同在(祂真正是上帝)。 | 註釋 串珠 原文 典藏 |
1:4 | 見若所chhun落來ê人,無論寄腳tī啥物所在,hit所在ê人tio̍h用金銀、財物kah chengseⁿ,kā伊幫贊,另外mā tio̍h為耶路撒冷上帝ê殿,甘心獻禮物。』」 | 註釋 串珠 字典 原文 典藏 |
1:5 | 就ánne,偤大kah便雅憫ê族長、祭司、利未人,見若hō͘上主激動伊ê心ê,lóng起來,beh上去耶路撒冷,起上主ê殿。 | 註釋 串珠 原文 典藏 |
1:6 | In四箍圍ê人to̍h用銀器、用金、財物、chengseⁿ、寶貝補助in,另外koh有甘心獻ê禮物。 | 註釋 串珠 原文 典藏 |
1:7 | 古列王mā kā上主殿內ê器具the̍h出來,to̍h是前尼布甲尼撒tùi耶路撒冷搬來ê,hē tī伊hiahê神明ê廟ê。 | 註釋 串珠 字典 原文 典藏 |
1:8 | Chiahê器具,波斯王古列託管庫房ê Mit-le-tat the̍h出來點算,交hō͘偤大ê首領Se-si-ba-chal。 | 註釋 串珠 原文 典藏 |
1:9 | In ê數額記tī下面:金盤三十塊,銀盤一千塊,刀二十九支, | 註釋 串珠 字典 原文 典藏 |
1:10 | 金碗三十塊,第二級ê銀碗四百十塊,別種ê器具一千件。金銀ê器具共五千四百件。 | 註釋 串珠 字典 原文 典藏 |
1:11 | Chhōa受掠ê人tùi巴比倫來到耶路撒冷ê時,Se-si-ba-chal kā chiahê lóng帶去。 | 註釋 串珠 原文 典藏 |