章節 | 全民台語聖經漢羅經文 | 註釋 |
9:1 | 示巴女王來拜訪(王上10:1-13)示巴ê女王聽tio̍h所羅門ê名聲,to̍h來到耶路撒冷,beh用oh得解明ê tāichì試探所羅門;tòe她ê人真chē,有駱駝載芳料kah黃金真chē,mā有寶石。她見所羅門ê時,to̍h kā心內一切所存ê kah伊講話。 | 註釋 串珠 字典 原文 典藏 |
9:2 | 所羅門照她所問ê,lóng kā她應,無一項所羅門bē了解thang kā她講。 | 註釋 串珠 原文 典藏 |
9:3 | 示巴女王看tio̍h所羅門ê智慧,kah伊所起ê厝, | 註釋 串珠 原文 典藏 |
9:4 | 桌頂ê食物,人臣排列teh坐,奴僕跟tòe服事,以及in ê衫褲kah伊ê酒政,以及in ê衫褲,koh看tio̍h伊peh上主殿ê崎á,就魂不附體。 | 註釋 串珠 字典 原文 典藏 |
9:5 | 她對王講:「我tī本國聽tio̍h你ê tāichì kah你ê智慧,lóng是真實! | 註釋 串珠 原文 典藏 |
9:6 | 總是,我m̄信in ê話,到我來親目看tio̍h,你看,你ê智慧ê大,人所kā我講ê iáu無kah一半,你贏過我所聽tio̍h ê名聲。 | 註釋 串珠 原文 典藏 |
9:7 | 福氣ah,你ê人,福氣ah,你ê奴僕,ē tàng tiāⁿ-tiāⁿ khiā tī你ê面前聽你ê智慧。 | 註釋 串珠 原文 典藏 |
9:8 | 上主—你ê上帝是應該oló ê,祂歡喜你,hō͘你坐祂ê位,thang為tio̍h上主—你ê上帝做王,因為你ê上主疼以色列,ài永遠kā它堅固,所以,設立你做in ê王,hō͘你秉公行義。」 | 註釋 串珠 字典 原文 典藏 |
9:9 | 女王用一百二十他連得ê金,kah真chē芳料,kah寶石送王,m̄ bat有芳料親像示巴女王送所羅門王ê。 | 註釋 串珠 字典 原文 典藏 |
9:10 | 希南ê奴僕kah所羅門ê奴僕,tùi俄斐帶金來ê,koh帶檀香柴kah寶石來。 | 註釋 串珠 字典 原文 典藏 |
9:11 | 王用檀香柴為上主ê殿kah王宮做欄杆,koh為唱歌ê人做琴kah瑟。Tī偤大地前m̄ bat看tio̍h親像chit款ê。 | 註釋 串珠 字典 原文 典藏 |
9:12 | 所羅門王tī示巴女王所帶來送王ê以外,koh照伊一切所愛所求ê lóng hō͘伊。就ánne,女王kah伊ê人臣倒tńg去她ê本國。 | 註釋 串珠 原文 典藏 |
9:13 | 所羅門王ê財富(王上10:14-25)所羅門ta̍k年所得tio̍h ê金,共六百六十六他連得, | 註釋 串珠 字典 原文 典藏 |
9:14 | 以外iáu有senglí人kah客商所帶來ê,koh有阿拉伯列王kah國內ê首領,lóng帶金、銀來hō͘所羅門。 | 註釋 串珠 字典 原文 典藏 |
9:15 | 所羅門王用過phah ê金做大牌兩百面,每面大牌ê金六百舍客勒; | 註釋 串珠 字典 原文 典藏 |
9:16 | koh用過phah ê金做屏牌三百面,每面用金三百舍客勒,王kā它hē tī黎巴嫩樹林ê厝。 | 註釋 串珠 字典 原文 典藏 |
9:17 | 王koh用象牙做一个大寶座,用純金kā它安裝。 | 註釋 串珠 字典 原文 典藏 |
9:18 | 寶座有六層ê崎á,koh有金ê腳踏椅kah寶座相連。雙pêng有靠手,靠手邊有兩隻獅khiā ·leh。 | 註釋 串珠 字典 原文 典藏 |
9:19 | Koh有十二隻獅,khiā tī六層崎á ê chit pêng kah hit-pêng;別國lóng無製造親像ánne。 | 註釋 串珠 字典 原文 典藏 |
9:20 | 所羅門王一切lim ê器具lóng是金ê,黎巴嫩樹林ê厝所有ê器具mā是純金ê。所羅門ê年間,人看銀做無啥物價值。 | 註釋 串珠 字典 原文 典藏 |
9:21 | 因為王ê船隻kah希南ê奴僕做伙去他施,chiahê他施ê船載金、銀、象牙、猴kah孔雀,三年tńg來一pái。 | 註釋 串珠 字典 原文 典藏 |
9:22 | 所羅門王ê好額kah智慧贏過天下列王。 | 註釋 串珠 原文 典藏 |
9:23 | 天下列王lóng來ài beh見所羅門ê面,聽伊ê智慧,to̍h是上帝賞賜tī伊ê心內ê。 | 註釋 串珠 原文 典藏 |
9:24 | In ta̍k个帶進貢ê物,to̍h是銀器、金器、衫褲、軍器、芳料、馬kah騾,ta̍k年有定tio̍h ê例。 | 註釋 串珠 字典 原文 典藏 |
9:25 | 所羅門為tio̍h馬kah車,有馬稠四千,koh有馬兵一萬二千,kā in安置tī hiahê囤車ê城,mā kah王tī耶路撒冷。 | 註釋 串珠 字典 原文 典藏 |
9:26 | 所羅門管轄列王,tùi大河到腓利士地,到埃及ê交界。 | 註釋 串珠 原文 典藏 |
9:27 | 王tī耶路撒冷hō͘銀變kah ná親像石頭,hō͘柏香樹親像平原ê桑材樹,是因為有真chē。 | 註釋 串珠 字典 原文 典藏 |
9:28 | 有人tùi埃及,tùi ta̍k所在,帶馬來hō͘所羅門。 | 註釋 串珠 字典 原文 典藏 |
9:29 | 所羅門ê統治記事(王上11:41-43)所羅門其他ê tāichì,tùi頭到尾,kám無記tī拿單先知ê冊,kah示羅人亞希雅先知ê冊,kah先見易多默示ê冊,關係尼八ê kiáⁿ耶羅波安ê? | 註釋 串珠 原文 典藏 |
9:30 | 所羅門tī耶路撒冷做以色列全國ê王,共四十年。 | 註釋 串珠 原文 典藏 |
9:31 | 所羅門kah伊ê祖先同睏,埋葬tī伊ê老父大衛ê城。伊ê kiáⁿ羅波安續接伊做王。 | 註釋 串珠 原文 典藏 |