章節 | 全民台語聖經漢羅經文 | 註釋 |
18:1 | 大衛ê軍事勝利(撒下8:1-18)Chit時了後,大衛phah腓利士人,hō͘ in屈服,koh tùi腓利士人ê手征服迦特kah伊ê鄉里。 | 註釋 串珠 原文 典藏 |
18:2 | Koh phah摩押,摩押人to̍h服事大衛,來kā伊進貢。 | 註釋 串珠 原文 典藏 |
18:3 | 瑣巴王哈大利謝去幼發拉底大河,beh堅固伊ê國權,大衛to̍h kā伊phah,一直到哈馬。 | 註釋 串珠 原文 典藏 |
18:4 | 大衛搶伊ê戰車一千台,馬兵七千,步兵二萬,大衛就割拖車ê馬ê大腿ê筋,其中只有留一百台車ê馬。 | 註釋 串珠 字典 原文 典藏 |
18:5 | 大馬士革ê亞南人來幫贊瑣巴王哈大利謝,大衛就thâi亞南人二萬兩千人。 | 註釋 串珠 原文 典藏 |
18:6 | 就ánne,大衛tī大馬士革ê亞南地設立防守ê兵營,亞南人to̍h屈服大衛來kā伊進貢。大衛無論去tó位,上主lóng hō͘伊得勝。 | 註釋 串珠 原文 典藏 |
18:7 | 大衛搶哈大利謝chiahê奴僕ê金ê屏牌,帶來到耶路撒冷。 | 註釋 串珠 字典 原文 典藏 |
18:8 | 大衛koh tùi哈大利謝所管ê Tip-hat kah Kun兩 个城,搶真chē銅,to̍h是所羅門所用來造銅海kah柱,以及chiahê銅器ê。 | 註釋 串珠 字典 原文 典藏 |
18:9 | 哈馬王To-u聽tio̍h大衛phah贏哈大利謝ê軍隊, | 註釋 串珠 原文 典藏 |
18:10 | to̍h差伊ê kiáⁿ Ha-to-lám去見大衛王,kā伊請安,mā kā伊祝福,因為伊有kah哈大利謝交戰來khah贏伊(本來哈大利謝kah To-u to̍h tiāⁿ-tiāⁿ 有交戰ê緣故)。Ha-to-lám續帶金、銀、銅chiahê器具。 | 註釋 串珠 原文 典藏 |
18:11 | 大衛王kā chiahê器具,kah tùi ta̍k國帶來ê金銀,lóng分別做聖獻hō͘上主,to̍h是伊tùi以東、摩押、亞捫族、腓利士人、亞瑪力所搶來ê。 | 註釋 串珠 字典 原文 典藏 |
18:12 | 洗魯雅ê kiáⁿ亞比篩,tī鹽ê山谷thâi死以東人一萬八千。 | 註釋 串珠 原文 典藏 |
18:13 | 伊tī以東地設立防守ê兵營,以東人to̍h lóng屈服大衛。大衛無論去到tó位,上主lóng hō͘伊得勝。 | 註釋 串珠 原文 典藏 |
18:14 | 大衛ê大臣(撒下8:15-18)大衛做以色列全國ê王,koh tī眾人ê中間秉公行義。 | 註釋 串珠 原文 典藏 |
18:15 | 洗魯雅ê kiáⁿ約押做元帥,亞希律ê kiáⁿ約沙法做史官。 | 註釋 串珠 原文 典藏 |
18:16 | 亞希突ê kiáⁿ撒督kah亞比亞他ê kiáⁿ亞希米勒做祭司,Sa-ui-sa做書記官。 | 註釋 串珠 原文 典藏 |
18:17 | 耶何耶大ê kiáⁿ比拿亞管轄基利提人kah比利提人。大衛ê眾kiáⁿ lóng tī王ê身邊做頭人。 | 註釋 串珠 原文 典藏 |