章節 | 全民台語聖經漢羅經文 | 註釋 |
25:1 | 耶路撒冷陷落(代下36:13-21;耶52:3-11)西底家背叛巴比倫王。當伊坐位第九年,十月初十,巴比倫王尼布甲尼撒chhōa伊ê軍隊來攻擊耶路撒冷,tī城ê對面紮營,koh tī四箍圍做土堆來攻擊城。 | 註釋 串珠 字典 原文 典藏 |
25:2 | 就ánne,城受圍困,一直到西底家王十一年。 | 註釋 串珠 原文 典藏 |
25:3 | 四月初九,城內飢荒真傷重,致使hit所在ê人民lóng無米糧。 | 註釋 串珠 字典 原文 典藏 |
25:4 | 城受攻破,所有ê兵á透暝tùi óa近王ê園,兩 个城牆中ê門hit條路逃走。迦勒底人tútú tī四箍圍攻擊城,王to̍h tùi亞拉巴ê路逃走。 | 註釋 串珠 字典 原文 典藏 |
25:5 | 迦勒底ê軍兵jiok王,tī耶利哥城ê平原jiok tio̍h伊,伊ê軍隊lóng離開伊四散去。 | 註釋 串珠 原文 典藏 |
25:6 | In掠tio̍h王,押到利比拉巴比倫王hia,to̍h kā伊審判。 | 註釋 串珠 原文 典藏 |
25:7 | Tī西底家ê目chiu 前,thâi死西底家hiahê kiáⁿ,koh iah西底家兩蕊目chiu ,用鐵鏈kā伊鏈起來,kā伊押到巴比倫。 | 註釋 串珠 字典 原文 典藏 |
25:8 | 聖殿被毀壞(代下36:13-21;耶52:3-11)巴比倫王尼布甲尼撒王十九年,五月初七,跟tòe巴比倫王ê侍衛長尼布撒拉旦來到耶路撒冷, | 註釋 串珠 原文 典藏 |
25:9 | 用火燒上主ê殿kah王宮,koh用火燒耶路撒冷所有ê厝,to̍h是富貴家ê厝。 | 註釋 串珠 字典 原文 典藏 |
25:10 | 跟tòe侍衛長迦勒底ê軍隊,to̍h拆毀耶路撒冷四箍圍ê城牆。 | 註釋 串珠 原文 典藏 |
25:11 | Hit時,侍衛長尼布撒拉旦,kā留tī城內所chhun落來ê人民kah hiahê投降巴比倫王ê,以及群眾中所chhun落來ê,lóng掠去。 | 註釋 串珠 原文 典藏 |
25:12 | 獨獨侍衛長留siōng sànchhiah ·ê,hō͘ in治理葡萄園kah種作。 | 註釋 串珠 原文 典藏 |
25:13 | 上主殿內ê銅柱kah上主殿內ê盆座,以及銅海,迦勒底人lóng kā它phah破,kā hiahê銅運到巴比倫, | 註釋 串珠 字典 原文 典藏 |
25:14 | koh帶去鼎、托á、剪刀、碗,kah所用一切ê銅器, | 註釋 串珠 字典 原文 典藏 |
25:15 | 火爐、盤,所有金器ê金、銀器ê銀,侍衛長lóng帶去。 | 註釋 串珠 字典 原文 典藏 |
25:16 | Koh帶所羅門王為上主ê殿所造ê兩支柱,一个銅海kah hiahê座,chiahê器具ê銅chē kah bē tàng秤(chhìn)它ê輕重。 | 註釋 串珠 字典 原文 典藏 |
25:17 | Chit支柱高十八肘,它ê頂面有銅ê柱斗,柱斗高三肘;柱斗ê四箍圍有網á kah石榴,lóng是銅做ê。第二支柱siâng一款,mā有網á。 | 註釋 串珠 字典 原文 典藏 |
25:18 | 偤大人民Hông掠去巴比倫(耶52:24-27)侍衛長掠大祭司西萊雅kah第二級ê祭司西番亞 kah三个顧門ê, | 註釋 串珠 字典 原文 典藏 |
25:19 | koh tùi城內掠一个管兵ê官,kah tī城內所tú tio̍h tiāⁿ-tiāⁿ 見王ê面ê五個人,kah軍長ê書記點算人民ê,以及城中所tú ·tio̍h ê人民六十人。 | 註釋 串珠 原文 典藏 |
25:20 | 侍衛長尼布撒拉旦kā chiahê人掠到利比拉,巴比倫王hia。 | 註釋 串珠 原文 典藏 |
25:21 | 巴比倫王tī哈馬地ê利比拉kā in phah,kā inthâi死,ánne偤大ê人民受掠離開本地。 | 註釋 串珠 原文 典藏 |
25:22 | 偤大省長基大利(耶40:7-9;41:1-3)講tio̍h偤大國chhun落來ê人民,to̍h是巴比倫王尼布甲尼撒所留落來ê,王設立沙番ê孫,亞希甘ê kiáⁿ,基大利kā in管轄。 | 註釋 串珠 原文 典藏 |
25:23 | 眾軍長kah屬in ê人,聽tio̍h巴比倫王設立基大利kā in管轄。就ánne,尼探雅ê kiáⁿ以實瑪利,Ka-lī-a ê kiáⁿ約哈難,尼陀法ê人Tan-hu-met ê kiáⁿ西萊雅,瑪迦人ê kiáⁿ Ia-cha-niah,kah屬in ê人,lóng來到米斯巴見基大利。 | 註釋 串珠 原文 典藏 |
25:24 | 基大利對in kah屬in ê人chiùchōa講:「Lín m̄免驚迦勒底ê人臣,做lín tòa chit所在,服事巴比倫王,to̍h thang得tio̍h福氣。」 | 註釋 串珠 原文 典藏 |
25:25 | 七月間,王親以利沙瑪ê孫,尼探雅ê kiáⁿ以實瑪利,chhōa十個人kah伊做伙來,phah死基大利以及kah伊tī米斯巴ê偤大人kah迦勒底人。 | 註釋 串珠 原文 典藏 |
25:26 | 就ánne,眾人無論大細,kah hiahê軍長lóng起來去埃及,因為驚迦勒底人ê緣故。 | 註釋 串珠 原文 典藏 |
25:27 | 約雅斤王被Tháu放(耶52:31-34)偤大王約雅斤受掠了後第三十七年,巴比倫王E-bil-me-lo-tak元年,十二月二十七,舉起偤大王約雅斤,放伊出監; | 註釋 串珠 字典 原文 典藏 |
25:28 | mā用好話kā伊安慰,hō͘伊ê位比其他chiahê王ê位khah koân,to̍h是kah伊做伙tī巴比倫ê hiahê王。 | 註釋 串珠 字典 原文 典藏 |
25:29 | Thǹg去伊監內所穿ê衫,一世人kah巴比倫王做伙食。 | 註釋 串珠 字典 原文 典藏 |
25:30 | 巴比倫王賞賜伊所需要ê食物,每日hō͘伊一份,一世人lóng是ánne。 | 註釋 串珠 原文 典藏 |