| 章節 | 全民台語聖經全羅經文 | 註釋 |
| 15:1 | Iô-tah Ông A-mí-iam( LTH 13: 1-14: 1)Ne-bat ê kiáⁿ Ia-lô-ba-am chò ông cha̍p-peh nî liáu-āu, A-mí-iam chē-ūi chò Iô-tah ông. | 註釋 串珠 原文 典藏 |
| 15:2 | I tī Ê-lú-sa-lèm chò ông saⁿ nî, i ê lāu-bú ê miâ kiò-chò Má-kah, sī Αp-sa-lôm ê chabó͘ kiáⁿ. | 註釋 串珠 原文 典藏 |
| 15:3 | A-mí-iam chiàu ánne kiâⁿ i ê lāu-pē chá-chêng só͘ kiâⁿ it-chhè ê chōe-ok; i ê sim bô chhin-chhiūⁿ i ê chó͘-sian Ta-bi̍t ê sim, choan-it ǹg Siōng-chú — i ê Siōng-tè. | 註釋 串珠 原文 典藏 |
| 15:4 | Chóng-.sī, Siōng-chú — i ê Siōng-tè in-ūi Ta-bi̍t ê iân-kò͘, hō͘ i tī Ê-lú-sa-lèm ū chi̍t pha teng, hō͘ i ê kiáⁿ sòa-chiap i ê ūi, koh hō͘ Ê-lú-sa-lèm kian-kò͘. | 註釋 串珠 字典 原文 典藏 |
| 15:5 | In-ūi Ta-bi̍t tû-bia̍t Hiat lâng U-lī-a hit kiāⁿ tāichì í-gōa, lóng sī kiâⁿ Siōng-chú só͘ khòaⁿ-chò hó ê, it-seng bô ûi-pōe Siōng-chú só͘ bēng-lēng i ê. | 註釋 串珠 原文 典藏 |
| 15:6 | Lô-bo-àm kah Ia-lô-ba-am it-seng tiāⁿtiāⁿ kau-chiàn. | 註釋 串珠 原文 典藏 |
| 15:7 | A-mí-iam kî-tha ê tāichì, kiàn-nā i só͘ kiâⁿ ê, kám bô kì tī Iô-tah lia̍t ông ê kì-lio̍k? A-mí-iam mā ū kah Ia-lô-ba-am kau-chiàn. | 註釋 串珠 字典 原文 典藏 |
| 15:8 | A-mí-iam kah i ê chó͘-sian tâng khùn, lâng kā i bâi-chòng tī Ta-bi̍t ê siâⁿ. I ê kiáⁿ A-sah sòa-chiap i chò ông. | 註釋 串珠 原文 典藏 |
| 15:9 | Iô-tah Ông A-sah( LTH 15: 16-16: 6)I-su-la-el ông Ia-lô-ba-am chē-ūi jī-cha̍p nî, A-sah khai-sí tī Iô-tah chò ông. | 註釋 串珠 原文 典藏 |
| 15:10 | I tī Ê-lú-sa-lèm chò ông sì-cha̍p-it nî, i ê A-má miâ kiò-chò Má-kah, sī Αp-sa-lôm ê chabó͘ kiáⁿ. | 註釋 串珠 原文 典藏 |
| 15:11 | A-sah kiâⁿ Siōng-chú só͘ khòaⁿ-chò hó ê, chhin-chhiūⁿ i ê chó͘-sian Ta-bi̍t. | 註釋 串珠 原文 典藏 |
| 15:12 | Tùi kok lāi tû-khì lâm-sèng biō-chhiong, koh tû-khì i ê chó͘-sian só͘ chò ê só͘-ū ngó͘-siōng; | 註釋 串珠 字典 原文 典藏 |
| 15:13 | koh hùi-tû i ê A-má — Má-kah thài-hō͘ ê ūi, in-ūi i bat ūi A-si-lah chng khó-ò͘ⁿ ê siōng. A-sah chhò i ê siōng, tī Kit-lông khe piⁿ kā i sio-tiāu. | 註釋 串珠 原文 典藏 |
| 15:14 | To̍k-to̍k soaⁿ-thâu tôaⁿ i bô kā i hòe-.khì, chóng-.sī, A-sah it-seng ēng choan-it ê sim kui-ǹg Siōng-chú. | 註釋 串珠 字典 原文 典藏 |
| 15:15 | I kā i ê lāu-pē só͘ hun-pia̍t chò sèng, í-ki̍p i pún-sin só͘ hun-pia̍t chò sèng ê kim, gîn kah khì-kū, lóng tòa lâi-kàu Siōng-chú ê tiān. | 註釋 串珠 字典 原文 典藏 |
| 15:16 | A-sah kah I-su-la-el ông Ba-siah it-seng ê ji̍t tiāⁿtiāⁿ kau-chiàn. | 註釋 串珠 原文 典藏 |
| 15:17 | I-su-la-el ông Ba-siah khí-lâi kong-kek Iô-tah, khí La̍h-má siâⁿ, beh chó͘-tòng lâng tī Iô-tah ông A-sah hia chhut-ji̍p. | 註釋 串珠 原文 典藏 |
| 15:18 | A-sah chiū kā Siōng-chú sèng-tiān ê kim-khò͘ kah ông-kiong ê kim-khò͘, só͘ chhun lo̍h-.lâi ê kim-gîn lóng kau hō͘ i ê lô͘-po̍k. A-sah ông chhe in kàu tòa tī Ta-má-su-ko ê A-lâm ông Hi-sûn ê sun, Tha-pek-lī-bún ê kiáⁿ Bian-ha-tat hia, kóng, | 註釋 串珠 字典 原文 典藏 |
| 15:19 | " Góa kah lí chhin-chhiūⁿ góa ê lāu-pē kah lí ê lāu-pē ū iok, taⁿ góa ēng kim-gîn chò lé-mi̍h sàng lí, chhiáⁿ lí khì hùi-tû lí kah I-su-la-el ông Ba-siah só͘ li̍p ê iok, hō͘ i lī-khui góa. " | 註釋 串珠 字典 原文 典藏 |
| 15:20 | Bian-ha-tat chiū chun-thàn A-sah ông ê ōe, chhe i hiahê kun-tiúⁿ khì kong-kek I-su-la-el ê siâⁿ; i chiū kong-phòa E-lóng, Tàn, A-bel-Biat-Má-ka, Kin-né-lo̍t choân tē kah Ná-hu-tha-lím choân tē. | 註釋 串珠 原文 典藏 |
| 15:21 | Ba-siah thiaⁿ-.tio̍h chiū thêng kang, bô koh khí La̍h-má siâⁿ; chiū tòa tī Til-chah. | 註釋 串珠 原文 典藏 |
| 15:22 | Chiū ánne, A-sah ông chhut bēng-lēng hō͘ Iô-tah kûn-chiòng, bô chi̍t-ê lâng ē the-sî tit; in chiū poaⁿ-sóa Ba-siah só͘ ēng lâi khí La̍h-má siâⁿ ê chio̍h-thâu kah chhâ; A-sah ông ēng chiahê chio̍h-thâu kah chhâ lâi khí Biān-iá-mín ê Ge-bah kah Mi-su-peh. | 註釋 串珠 原文 典藏 |
| 15:23 | A-sah kî-tha ê tāichì kah i ê lêng-le̍k, í-ki̍p i it-chhè ê só͘ chò kah i só͘ khí ê siâⁿ, kám bô kì tī Iô-tah lia̍t ông ê kì-lio̍k? A-sah nî lāu ê sî, i ê kha ū phòa-pēⁿ. | 註釋 串珠 字典 原文 典藏 |
| 15:24 | A-sah kah i ê chó͘-sian tâng khùn, kah i ê chó͘-sian chòng tī i ê chó͘-sian Ta-bi̍t ê siâⁿ. I ê kiáⁿ Iô-sa-hoat sòa-chiap i chò ông. | 註釋 串珠 原文 典藏 |
| 15:25 | I-su-la-el Ông Ná-tapIô-tah ông A-sah jī nî, Ia-lô-ba-am ê kiáⁿ Ná-tap khai-sí tī I-su-la-el chò ông, i tī I-su-la-el chò ông nn̄g nî. | 註釋 串珠 原文 典藏 |
| 15:26 | Ná-tap kiâⁿ Siōng-chú só͘ khòaⁿ-chò pháiⁿ ê tāichì, i chiàu ánne kiâⁿ i ê lāu-pē ê lō͘, koh hoān tio̍h i ê lāu-pē hō͘ I-su-la-el lâng só͘ hoān ê chōe. | 註釋 串珠 字典 原文 典藏 |
| 15:27 | It-sa-kal cho̍k A-hi-iah ê kiáⁿ Ba-siah pōe-poān Ná-tap. Ba-siah tī Hui-lī-sū lâng ê Gip-be-thòng kā i phah-sí. Hit sî, Ná-tap kah I-su-la-el jîn-bîn ûi-khùn Gip-be-thòng. | 註釋 串珠 原文 典藏 |
| 15:28 | Iô-tah ông A-sah saⁿ nî, Ba-siah kā i phah-sí lâi chhoàn i ê ūi. | 註釋 串珠 原文 典藏 |
| 15:29 | I chi̍t ē chò ông chiū phah-sí Ia-lô-ba-am choân ke; kiàn-nā ū chhoán-khùi ê, bô kā Ia-lô-ba-am lâu kah pòaⁿ-ê, só͘-ū ê lóng kā i bia̍t-tiāu; che sī chiàu Siōng-chú thok I ê lô͘-po̍k Sī-lô lâng A-hi-iah só͘ kóng ê ōe. | 註釋 串珠 原文 典藏 |
| 15:30 | Che sī in-ūi Ia-lô-ba-am só͘ hoān ê chōe kah i hō͘ I-su-la-el lâng só͘ hoān ê chōe, koh in-ūi i só͘ kek-tōng Siōng-chú — I-su-la-el ê Siōng-tè ê siū-khì. | 註釋 串珠 原文 典藏 |
| 15:31 | Ná-tap kî-tha ê tāichì, kiàn-nā i só͘ kiâⁿ ê, kám bô lóng kì tī I-su-la-el lia̍t ông ê kì-lio̍k? | 註釋 串珠 字典 原文 典藏 |
| 15:32 | A-sah kah I-su-la-el ông Ba-siah it-seng tiāⁿtiāⁿ kau-chiàn. | 註釋 串珠 原文 典藏 |
| 15:33 | I-su-la-el Ông Ba-siahIô-tah ông A-sah saⁿ nî, A-hi-iah ê kiáⁿ Ba-siah tī Til-chah chē-ūi chò I-su-la-el jîn-bîn ê ông, kiōng jī-cha̍p sì nî. | 註釋 串珠 原文 典藏 |
| 15:34 | I kiâⁿ Siōng-chú só͘ khòaⁿ-chò pháiⁿ ê tāichì, kiâⁿ Ia-lô-ba-am ê lō͘ kah i hō͘ I-su-la-el lâng só͘ hoān ê chōe. | 註釋 串珠 字典 原文 典藏 |