章節 | 全民台語聖經全羅經文 | 註釋 |
11:1 | Nn̄g-ê Kiàn-Chèng-jînGóa ū niá-siū chi̍t ki chhin-chhiūⁿ koái-á ê chhioh, koh ū siaⁿ tùi góa kóng, " Khí-.lâi, khì niû Siōng-tè ê sèng-tiān kah chè-tôaⁿ, mā tio̍h sǹg tī hia kèng-pài ê jîn-sò͘. | 註釋 串珠 盧俊義 盧俊義 字典 原文 典藏 |
11:2 | Sèng-tiān ê gōa-īⁿ m̄-bián niû, in-ūi gōa-īⁿ í-keng kau hō͘ gōa-pang lâng, in ē thún-ta̍h sèng-siâⁿ sì-cha̍p-jī goe̍h-ji̍t. | 註釋 串珠 盧俊義 盧俊義 字典 原文 典藏 |
11:3 | Góa ē chhe-phài nn̄g-ê chhēng môa-pò͘-saⁿ ê kiàn-chèng-jîn, in beh thoân Siōng-tè ê sìn-sit chi̍t-chheng nn̄g-pah la̍k-cha̍p kang. " | 註釋 串珠 盧俊義 盧俊義 字典 原文 典藏 |
11:4 | Chit nn̄g-ê kiàn-chèng-jîn, to̍h-sī khiā tī choân tē ê Chú bīn-chêng hit nn̄g châng kaⁿ-ná chhiū kah nn̄g-ê teng-tâi. | 註釋 串珠 盧俊義 盧俊義 字典 原文 典藏 |
11:5 | Nā ū lâng beh kā in siong-hāi, in ē tùi chhùi thò͘ hóe chhut-.lâi, kā tùi-te̍k sio-bia̍t; nā ū lâng ài beh hāi in, it-tēng chhin-chhiūⁿ ē ánne siū sat-hāi. | 註釋 串珠 盧俊義 盧俊義 原文 典藏 |
11:6 | Chit nn̄g-ê kiàn-chèng-jîn, ū koân thang kā thiⁿ koaiⁿ khí-.lâi, thang hō͘ in teh thoân tō-lí ê ji̍t-chí bē lo̍h hō͘; in mā ū koân chiáng-koán chúi, hō͘ i piàn-chò hoeh, koh chiàu in só͘ ài, put-koán-sî thang ēng ta̍k chióng ê chai-hō kong-kek tāi-tē. | 註釋 串珠 盧俊義 盧俊義 原文 典藏 |
11:7 | In chò kiàn-chèng liáu-āu, tùi bô-té chhim kheⁿ khí-.lâi ê hit chiah béng-siù ē kah in kau-chiàn. Béng-siù ē chiàn-iâⁿ koh kā in kā-sí. | 註釋 串珠 盧俊義 盧俊義 字典 原文 典藏 |
11:8 | In ê sin-si ē tó tī tōa siâⁿ ê ke-lō͘; lâng kā chit-ê siâⁿ-chhī pí-phēng chò So͘-tóm kah Ai-gi̍p, in ê Chú mā tī hia hō͘ lâng tèng si̍p-jī-kè. | 註釋 串珠 盧俊義 盧俊義 字典 原文 典藏 |
11:9 | Tùi ta̍k-ê bîn-cho̍k, ta̍k-ê cho̍k-kûn, ta̍k chióng gí-giân, ta̍k-ê kok-ka ê tiong-kan, ū lâng lâi khòaⁿ in ê sin-si saⁿ kang pòaⁿ, koh m̄-chún lâng kā in bâi-chòng. | 註釋 串珠 盧俊義 盧俊義 字典 原文 典藏 |
11:10 | Tòa tī tē-chiūⁿ ê lâng, ē in-ūi in ê sí lâi hoaⁿ-hí khoài-lo̍k, kau-ōaⁿ lé-mi̍h; in-ūi chit nn̄g-ê sian-ti ū hō͘ tòa tī tē-chiūⁿ ê lâng siū chin chē khó͘-to̍k. | 註釋 串珠 盧俊義 盧俊義 原文 典藏 |
11:11 | Kòe hit saⁿ kang pòaⁿ liáu-āu, ū oa̍h-khì tùi Siōng-tè hia lâi ji̍p-khì in lāi-bīn, in chiū peh khí-lâi khiā, khòaⁿ-.tio̍h ê lâng lóng tōa tio̍h-kiaⁿ. | 註釋 串珠 盧俊義 盧俊義 原文 典藏 |
11:12 | Hit nn̄g-ê sian-ti chiū thiaⁿ tio̍h tùi thiⁿ lâi ū tōa-siaⁿ tùi in kóng, " Khí-lâi chia! " In chiū tī tùi-te̍k ê ba̍k-chiu chêng, chē hûn chiūⁿ thiⁿ. | 註釋 串珠 盧俊義 盧俊義 原文 典藏 |
11:13 | Tú hit sî, hoat-seng tōa tē-tāng, hit chō siâⁿ tò cha̍p-hūn chi-it; in-ūi tē-tāng sí-.khì ê ū chhit-chheng lâng; kî-tha ê lâng tōa tio̍h-kiaⁿ, kui êng-kng hō͘ thiⁿ-téng ê Siōng-tè. | 註釋 串珠 盧俊義 盧俊義 原文 典藏 |
11:14 | Tē-jī-ê chai-hō í-keng kòe-.khì, tē-saⁿ-ê chai-hō liâmpiⁿ kàu. | 註釋 串珠 盧俊義 盧俊義 原文 典藏 |
11:15 | Tē-chhit Ki Kó͘-chhoeTē-chhit-ê thiⁿ-sài chi̍t ē pûn kó͘-chhoe, thiⁿ-téng ū ke̍k tōa ê siaⁿ teh kóng, " Sè-kan ê kok chiâⁿ-chò lán ê Siōng-tè kah I ê Ki-tok ê kok-tō͘. I beh chò ông kàu bān-sè-tāi bô chīn. " | 註釋 串珠 盧俊義 盧俊義 字典 原文 典藏 |
11:16 | Tī Siōng-tè ê bīn-chêng, chē tī in chō-ūi ê jī-cha̍p sì ê tiúⁿ-ló, bīn phak lo̍h-khì kèng-pài Siōng-tè, | 註釋 串珠 盧俊義 盧俊義 字典 原文 典藏 |
11:17 | Kóng, " Hiān-chāi chûn-chāi, chá to̍h chûn-chāi ê choân-lêng ê Chú — Siōng-tè, goán kám-siā Lí, in-ūi Lí í-keng chiáng-koân lâi chò ông. | 註釋 串珠 盧俊義 盧俊義 原文 典藏 |
11:18 | Lia̍t kok tōa siū-khì, Lí mā tōa siū-khì. Sí-lâng siū sím-phòaⁿ ê sî-kî kàu à. Lí ê lô͘-po̍k, to̍h-sī hiahê sian-ti kah chèng sìn-tô͘ í-ki̍p kèng-ùi Lí ê miâ ê, bô-lūn tōa-sè, Lí pò-siúⁿ in ê sî-kî kàu à. Hiahê pāi-hoāi tāi-tē ê lâng siū Lí húi-bia̍t ê sî-kî kàu à. " | 註釋 串珠 盧俊義 盧俊義 原文 典藏 |
11:19 | Tī thiⁿ-téng, Siōng-tè ê sèng-tiān chiū khui, sèng-tiān lāi bīn I ê iok-kūi khòaⁿ hiān-hiān; sòa lo̍h-lâi ū sihnà, hiáng-siaⁿ, lûi tân, tē-tāng kah tōa pha̍uh. | 註釋 串珠 盧俊義 盧俊義 字典 原文 典藏 |