章節 | 全民台語聖經全羅經文 | 註釋 |
1:1 | Chhéng-anGóa sī I-é-su Ki-tok ê kang-lâng Páu-lô, Siōng-tè soán-tiàu góa chò sù-tô͘, chhe-phài góa lâi thoân I ê hok-im. | 註釋 串珠 樹狀圖 原文 典藏 |
1:2 | Chit-ê hok-im sī Siōng-tè chiok kú í-chêng to̍h thong-kòe I ê chèng sian-ti, í-keng kì-chài tī keng-tián ê èng-ín. | 註釋 串珠 樹狀圖 原文 典藏 |
1:3 | Che sī koan-hē I ê Kiáⁿ, lán ê Chú I-é-su Ki-tok ê tāichì; tùi jîn-sèng lâi kóng, I sī Ta-bi̍t ê kiáⁿ-sun; | 註釋 串珠 樹狀圖 原文 典藏 |
1:4 | Tùi sèng-kiat ê Sèng Sîn lâi kóng, Siōng-tè hō͘ I tùi sí-lâng tiong koh-oa̍h, ēng chit-ê tōa koân-lêng lâi hián-bêng I sī Siōng-tè ê Kiáⁿ. I to̍h-sī lán ê Chú I-é-su Ki-tok. | 註釋 串珠 樹狀圖 原文 典藏 |
1:5 | Goán niá-siū I ê un-sù chiâⁿ-chò sù-tô͘, ūi tio̍h Ki-tok ê miâ, beh ín-chhōa bān-bîn lâi sìn koh sūn-ho̍k chit-ê hok-im. | 註釋 串珠 樹狀圖 原文 典藏 |
1:6 | Kî-tiong mā pau-hâm lín chiahê siū Siōng-tè soán-tiàu, lâi kui-sio̍k I-é-su Ki-tok ê lâng. | 註釋 串珠 樹狀圖 原文 典藏 |
1:7 | Góa siá phoe hō͘ só͘-ū tòa tī Lô-má, Siōng-tè só͘ thiàⁿ, siū kéng-tiàu chò I ê sìn-tô͘ ê lâng. Goān lán ê Thiⁿ-pē Siōng-tè kah Chú I-é-su Ki-tok, sù lìn un-tián kah pêng-an! | 註釋 串珠 樹狀圖 原文 典藏 |
1:8 | Kám-siā ê Kî-tóTāi-seng, góa thong-kòe I-é-su Ki-tok, ūi tio̍h lín tāi-ke kám-siā góa ê Siōng-tè, in-ūi lín ê sìn-gióng í-keng thoân kàu choân sè-kài. | 註釋 串珠 樹狀圖 原文 典藏 |
1:9 | Góa choân-sim choân-ì teh ho̍k-sāi Siōng-tè, soan-iông koan-hē I ê Kiáⁿ ê hok-im. Siōng-tè ē thè góa chò-chèng, góa tiāⁿtiāⁿ tī kî-tó tiong siàu-liām lín, | 註釋 串珠 樹狀圖 原文 典藏 |
1:10 | Put-sî tī kî-tó tiong khún-kiû Siōng-tè chiàu I ê hó chí-ì, hō͘ góa ū ki-hōe thang sūn-lī khì-kàu lín hia. | 註釋 串珠 樹狀圖 原文 典藏 |
1:11 | Góa chin ài khì kìⁿ lín, thang kā sio̍k-lêng ê un-sù pun hō͘ lin, hō͘ lín koh khah kian-kiông. | 註釋 串珠 樹狀圖 原文 典藏 |
1:12 | Chiū-sī kóng góa kàu lín tiong-kan ê sî-chūn, thong-kòe sìn-gióng ê hun-hióng, lán ē-tàng hō͘-siong tit tio̍h kó͘-lē. | 註釋 串珠 樹狀圖 原文 典藏 |
1:13 | Kok-ūi hiaⁿ-tī chí-mōe, góa chin ài lín chai, góa kúi-nā pái kè-ōe beh khì hóng-būn lin, thang chhin-chhiūⁿ tī kî-tha gōa-pang lâng ê tiong-kan kāng-khoán, mā tī lín tiong-kan siu-sêng chi̍t-kóa kóe-chí; chóng-.sī, kàu taⁿ iáu ū chó͘-tòng. | 註釋 串珠 樹狀圖 原文 典藏 |
1:14 | Bô-lūn siáⁿ-mi̍h khoán lâng, ū khai-hòa ê á-.sī bī-khai-hòa ê; ū tì-hūi ê á-.sī bô tì-hūi ê, góa lóng tùi in ū chek-jīm. | 註釋 串珠 樹狀圖 原文 典藏 |
1:15 | Hián-bêng Siōng-tè ê Kong-gīSó͘-í, góa pek-chhiat ǹg-bāng, ē-tàng kā hok-im thoân hō͘ lín tī Lô-má hia ê lâng. | 註釋 串珠 樹狀圖 原文 典藏 |
1:16 | Góa bô kā hok-im khòaⁿ-chò kiàn-siàu, in-ūi chit-ê hok-im sī Siōng-tè ê tōa lêng-le̍k, beh chín-kiù só͘-ū sìn ê lâng, tāi-seng sī Iô-tá-iah lâng, jiân-āu chiah Hi-la̍h lâng. | 註釋 串珠 樹狀圖 原文 典藏 |
1:17 | In-ūi chit-ê hok-im ū khé-sī Siōng-tè ê gī, chit-ê gī tùi-thâu kàu-bóe lóng sī thong-kòe sìn lâi tit tio̍h. Chiàu keng-tián só͘ kì-chài, gī lâng ē tùi sìn lâi oa̍h. ( Chù, HPK 2:4) | 註釋 串珠 樹狀圖 原文 典藏 |
1:18 | Jîn-lūi ê ChōeSiōng-tè tùi thiⁿ-téng hiòng hiahê put-khiân put-gī ê lâng hián-chhut I ê siū-khì, in-ūi in ê put-khiân put-gī chó͘-tòng lâng lâi jīn-bat chin-lí. | 註釋 串珠 樹狀圖 原文 典藏 |
1:19 | Kì-jiân Siōng-tè ū tùi in khé-sī, in tùi I ê jīn-bat eng-kai chin chheng-chhó chiah tio̍h. | 註釋 串珠 樹狀圖 原文 典藏 |
1:20 | Chū chhòng-sè í-lâi, lâng khòaⁿ bē tio̍h Hitê Siōng-tè ê pún-sèng, to̍h-sī I éng-oán ê tōa lêng-le̍k kah sîn-sèng, lâng nā khòaⁿ tio̍h I só͘ chhòng-chō ê mi̍h chiū ē-tàng chai-iáⁿ, só͘-í, lâng lóng bô piān-kái ê î-tē. | 註釋 串珠 樹狀圖 原文 典藏 |
1:21 | In sûi-jiân bat Siōng-tè, khiok bô chun-tiōng I, mā bô kā I kám-siā. In ê sim-su piàn-chò gû-gōng, bē lí-kái ê sim-su chhiong-móa o͘-àm. | 註釋 串珠 樹狀圖 原文 典藏 |
1:22 | In lia̍h kakī chò chhong-bêng, kî-si̍t sī gû-gōng. | 註釋 串珠 樹狀圖 原文 典藏 |
1:23 | In bô kā êng-kng kui hō͘ éng-oán oa̍h ê Siōng-tè, tian-tò tńg-khì pài ē sí-bia̍t ê lâng, poe-chiáu, khîm-siù á-.sī thâng-lūi ê hêng-thé só͘ chò ê ngó͘-siōng. | 註釋 串珠 樹狀圖 字典 原文 典藏 |
1:24 | Só͘-í, Siōng-tè chhut-chāi in chiàu kakī ê su-io̍k khì chò bô chheng-khì ê tāichì, hō͘ in ê jio̍k-thé hō͘-siong chò-chhut kiàn-siàu ê tāichì. | 註釋 串珠 樹狀圖 原文 典藏 |
1:25 | In ēng pe̍h-chha̍t ōe tāi-thè Siōng-tè ê chin-lí, in ho̍k-sāi siū-chō-bu̍t, bô kèng-pài hit ūi chō mi̍h ê Chú, I chiah sī eng-kai éng-oán siū oló ê. A-men! | 註釋 串珠 樹狀圖 原文 典藏 |
1:26 | In-ūi ánne, Siōng-tè chhut-chāi in hòng-chhiòng chêng-io̍k khì chò it-poaⁿ lâng kám-kak kiàn-siàu ê tāichì, chabó͘ lâng kah chabó͘ lâng ēng hoán chū-jiân ê sèng-koan-hē, lâi tāi-thè kah chapo͘ lâng ê chū-jiân sèng-koan-hē. | 註釋 串珠 樹狀圖 原文 典藏 |
1:27 | Cha-po͘ lâng mā kāng-khoán pàng-sak kah chabó͘ lâng chū-jiân ê sèng-koan-hē; chapo͘ lâng kah chapo͘ lâng pí-chhú io̍k-hóe hûn-sin, chò-chhut kiàn-siàu ê tāichì, kiat-kó tio̍h siū chit khoán piàn-thài hêng-ûi só͘ eng-kai tú-.tio̍h ê pò-èng. | 註釋 串珠 樹狀圖 原文 典藏 |
1:28 | In kì-jiân bô beh chin-chiàⁿ jīn-bat Siōng-tè, Siōng-tè chiū chhut-chāi in ēng pāi-hoāi ê sim-su, khì chò bô eng-kai chò ê tāichì. | 註釋 串珠 樹狀圖 原文 典藏 |
1:29 | In chhiong-móa ta̍k-khoán ê put-gī, siâ-ok, tham-sim, ok-to̍k, oàn-tò͘, hiong-sat, tàu-cheng, kan-chà, im-bô͘, kóng lâng ê kha-chiah-āu ōe, | 註釋 串珠 樹狀圖 原文 典藏 |
1:30 | Húi-pòng lâng, oàn-hūn Siōng-tè, bú-jio̍k lâng, kiau-ngō͘, khoa-kháu, chè-chō sī-hui, ngó͘-ge̍k pē-bú, | 註釋 串珠 樹狀圖 原文 典藏 |
1:31 | Bô liông-sim, bô siú iok, bô chhin-chêng, bô liân-bín. | 註釋 串珠 樹狀圖 原文 典藏 |
1:32 | In sûi-jiân bêng chai, chiàu Siōng-tè ê kài-bēng, chò chiahê tāichì ê lâng eng-kai sí, in m̄ nā kakī chò, sīm-chì mā chàn-sêng pa̍t lâng ánne chò. | 註釋 串珠 樹狀圖 原文 典藏 |