章節 | 全民台語聖經全羅經文 | 註釋 |
2:1 | Góa sī Sia-lông ê mûi-kùi hoe, sī soaⁿ-kok tiong ê pek-ha̍p hoe. | 註釋 串珠 字典 原文 典藏 |
2:2 | [chùn-lâm] Góa só͘ ài ê tī chiahê chabó͘ kiáⁿ tiong-kan, chhin-chhiūⁿ chhì-á lāi ê pek-ha̍p hoe. | 註釋 串珠 字典 原文 典藏 |
2:3 | [siàu-lí] Góa ê lông-kun, tī chiahê chapo͘ kiáⁿ tiong-kan, chhin-chhiūⁿ chhiū-nâ tiong ê phông-kó chhiū; góa chin hoaⁿ-hí chē tī i ê ìm-ńg ē; i ê kóe-chí góa chia̍h-liáu chin tiⁿ. | 註釋 串珠 字典 原文 典藏 |
2:4 | I chhōa góa ji̍p-khì iàn-se̍k ê só͘-chāi, ēng thiàⁿ chò kî-á tī góa ê téng-bīn. | 註釋 串珠 字典 原文 典藏 |
2:5 | Kiû lín ēng phû-tô piáⁿ lâi pó͘ góa ê thé-la̍t, ēng phông-kó lâi ióng góa ê cheng-sîn; in-ūi góa ūi tio̍h ài-chêng lâi tì pēⁿ. | 註釋 串珠 字典 原文 典藏 |
2:6 | I ê tò chhiú hû góa ê thâu-khak, i ê chiàⁿ chhiú phō góa. | 註釋 串珠 原文 典藏 |
2:7 | Ê-lú-sa-lèm ê chèng chabó͘ gín'á, góa kí lêng-iûⁿ kah chhân-iá ê lo̍k-bú pek-chhiat hoan-hù lí: M̄-thang kā i phah chhéⁿ, m̄ thang kiáu-jiáu góa só͘ ài ê, tio̍h thèng-hāu i kakī chêng-goān. | 註釋 串珠 字典 原文 典藏 |
2:8 | [siàu-lí] Lí thiaⁿ, sī góa lông-kun ê siaⁿ; lí khòaⁿ, i lâi ā; i tiô tī soaⁿ-.ni̍h, thiàu tī niá-.ni̍h. | 註釋 串珠 原文 典藏 |
2:9 | Góa ê lông-kun, i chhin-chhiūⁿ lêng-iûⁿ á-.sī lo̍k-á; lí khòaⁿ, i khiā tī goán ê piah-chhiûⁿ āu-bīn; tùi thang-á teh khòaⁿ; tùi thang-á-keh teh thàm. | 註釋 串珠 字典 原文 典藏 |
2:10 | Góa ê lông-kun chhut siaⁿ tùi góa kóng: [chùn-lâm] Góa só͘ ài ê, góa ê bí-jîn, khí-.lâi kah góa chò-hóe khì. | 註釋 串珠 原文 典藏 |
2:11 | Lí khòaⁿ, in-ūi kôaⁿ-thiⁿ í-keng kòe, hō͘ í-keng thêng; soah hō͘ ā. | 註釋 串珠 原文 典藏 |
2:12 | Choân tē ê hoe í-keng khui, chiáu-á háu ê sî kàu à; tī lán ê kéng lāi thiaⁿ tio̍h pan-kah ê siaⁿ. | 註釋 串珠 字典 原文 典藏 |
2:13 | Bû-hoa-kó chhiū ê kóe-chí chiām-chiām se̍k, phû-tô chhiū khui hoe thò͘-chhut i ê phang-bī; góa só͘ ài ê, góa ê bí-jîn, khí-.lâi kah góa chò-hóe khì. | 註釋 串珠 字典 原文 典藏 |
2:14 | Góa ê hún-chiáu, lí tī chio̍h-phāng lāi, tī soaⁿ-giâm ún-ba̍t ê só͘-chāi; kiû lí chún góa khòaⁿ tio̍h lí ê bīn, thiaⁿ tio̍h lí ê siaⁿ; in-ūi lí ê siaⁿ un-hô, lí ê bīn seⁿ-chò súi. | 註釋 串珠 字典 原文 典藏 |
2:15 | Tio̍h kā goán lia̍h hô͘-lî, sè chiah hô͘-lî, to̍h-sī pāi-hoāi phû-tô hn̂g ê hô͘-lî; in-ūi goán ê phû-tô tú-á beh khui hoe. | 註釋 串珠 字典 原文 典藏 |
2:16 | [siàu-lí] Góa ê lông-kun sio̍k góa, góa mā sio̍k i, i tī pek-ha̍p hoe tiong teh chhī i ê iûⁿ-kûn. | 註釋 串珠 字典 原文 典藏 |
2:17 | Góa ê lông-kun, goān lí tī ji̍t-thâu liâng-léng, iáⁿ chhun tn̂g ê sî, tò tńg-.lâi, chhin-chhiūⁿ lêng-iûⁿ, á-.sī lo̍k-á tī Beh-thel ê soaⁿ-.ni̍h. | 註釋 串珠 字典 原文 典藏 |