| 章節 | 全民台語聖經全羅經文 | 註釋 |
| 7:1 | Îm-loān ê Tì-miā Khip-ín-la̍tGóa ê kiáⁿ, lí tio̍h chun-siú góa ê ōe, kā góa ê bēng-lēng khǹg tī sim-lāi. | 註釋 串珠 康來昌 原文 典藏 |
| 7:2 | Chun-siú góa ê bēng-lēng chiū ē tit tio̍h oa̍h-miā; chun-siú góa ê kà-sī, chhin-chhiūⁿ teh pó-hō͘ ba̍k-chiu-jîn. | 註釋 串珠 康來昌 原文 典藏 |
| 7:3 | Tio̍h kā in pa̍k tī lí ê chéng-thâu-á, khek tī lí ê sim-lāi. | 註釋 串珠 康來昌 字典 原文 典藏 |
| 7:4 | Tio̍h tùi tì-hūi kóng, " Lí sī góa ê chí-mōe "; tio̍h kiò chhong-bêng chò lí ê chhin-lâng. | 註釋 串珠 康來昌 原文 典藏 |
| 7:5 | Tì-hūi ē pó-hō͘ lí siám-phiah îm-hū, siám-phiah kóng phô͘-tháⁿ ōe ê ki-lí. | 註釋 串珠 康來昌 原文 典藏 |
| 7:6 | Góa bat khiā tī góa chhù ê thang-á piⁿ, tùi thang-á khòaⁿ chhut-.khì. | 註釋 串珠 康來昌 原文 典藏 |
| 7:7 | Tī gû-gōng ê siàu-liân lâng tiong-kan, góa bêng-bêng khòaⁿ tio̍h chi̍t-ê bû-ti ê siàu-liân-ke, | 註釋 串珠 康來昌 原文 典藏 |
| 7:8 | Tùi ke-lō͘ keng-kòe, lâi-kàu îm-hū ê chhù-kak, kiâⁿ hit tiâu thàu kàu i ê chhù ê lō͘; | 註釋 串珠 康來昌 字典 原文 典藏 |
| 7:9 | Tī hông-hun, tī ê-hng, tī àm-sî ê o͘-àm lîm-kàu ê sî. | 註釋 串珠 康來昌 原文 典藏 |
| 7:10 | Lí khòaⁿ, ū chi̍t-ê chabó͘ lâng tú tio̍h i, sī ki-lí ê táⁿ-pān, ū káu-koài ê sim-su. | 註釋 串珠 康來昌 原文 典藏 |
| 7:11 | Chit-ê chabó͘ lâng gâu jióng, bô siū iok-sok; i ê kha bô tòa tī chhù. | 註釋 串珠 康來昌 原文 典藏 |
| 7:12 | Ū sî tī ke-lō͘-.ni̍h, ū sî tī khui-khoah ê só͘-chāi; ū sî tī ta̍k-ê hāng-á kháu teh tng-tán. | 註釋 串珠 康來昌 字典 原文 典藏 |
| 7:13 | Khîⁿ-tiâu hit-ê siàu-liân lâng kah i chim-chhùi; bô kiàn-siàu ê bīn-sek, tùi i kóng, | 註釋 串珠 康來昌 原文 典藏 |
| 7:14 | " Góa chia ū pêng-an-chè, kin-á-ji̍t ū siā góa ê goān. | 註釋 串珠 康來昌 原文 典藏 |
| 7:15 | Só͘-í, góa chhut-lâi kā lí gêng-chiap, pek-chhiat ài beh kìⁿ lí ê bīn, tú-hó tú tio̍h lí. | 註釋 串珠 康來昌 原文 典藏 |
| 7:16 | Góa í-keng kā siù-hoe ê thán-á kah Ai-gi̍p ê sòaⁿ só͘ chit ū hoe-chōa ê pò͘, chhu tī góa ê bîn-chhn̂g. | 註釋 串珠 康來昌 字典 原文 典藏 |
| 7:17 | Góa koh ēng bu̍t-io̍h, tîm-hiuⁿ kah jio̍k-kùi, hiù góa ê bîn-chhn̂g. | 註釋 串珠 康來昌 字典 原文 典藏 |
| 7:18 | Lâi, lán thang hióng-siū ài-chêng kàu boán-chiok, it-ti̍t kàu thiⁿ-kng, lán thang chò-hóe loân-ài khoài-lo̍k. | 註釋 串珠 康來昌 原文 典藏 |
| 7:19 | In-ūi góa ê chapo͘ lâng bô tī chhù-.ni̍h, chhut-gōa khì chin hn̄g ê só͘-chāi. | 註釋 串珠 康來昌 字典 原文 典藏 |
| 7:20 | I tòa gîn-tē chhut-.khì, tio̍h kàu goe̍h-îⁿ chiah ē tńg-.lâi. " | 註釋 串珠 康來昌 字典 原文 典藏 |
| 7:21 | Îm-hū ēng chin chē kî-khiáu ê ōe ín-iú i, ēng phô͘-tháⁿ ê chhùi pek i chò-hóe khì. | 註釋 串珠 康來昌 原文 典藏 |
| 7:22 | I sûi-sî tòe i khì, chhin-chhiūⁿ gû hông khan-khì thâi, koh chhin-chhiūⁿ gōng lâng tòa só-liān khì siū hêng-hoa̍t. | 註釋 串珠 康來昌 字典 原文 典藏 |
| 7:23 | Kàu chìⁿ siā ji̍p-khì i ê sim-koaⁿ, chhin-chhiūⁿ chiáu-á ji̍p lô-bāng, i mā m̄-chai che sī ē koan-hē tio̍h i ê sèⁿ-miā. | 註釋 串珠 康來昌 字典 原文 典藏 |
| 7:24 | Lín chiahê kiáⁿ, taⁿ tio̍h chun-thàn góa, chù-ì thiaⁿ góa só͘ kóng ê ōe. | 註釋 串珠 康來昌 原文 典藏 |
| 7:25 | Lí ê sim m̄ thang hō͘ i bê-khì, m̄ thang gōng-gōng-á tòe i khì. | 註釋 串珠 康來昌 字典 原文 典藏 |
| 7:26 | In-ūi i hō͘ chin chē lâng siū-siong tó lo̍h-.khì, koh ū chin chē lâng hō͘ i thâi-sí. | 註釋 串珠 康來昌 原文 典藏 |
| 7:27 | I ê chhù sī thong-kàu im-hú ê lō͘, chhōa kàu sí-bông ê chhù-the̍h. | 註釋 串珠 康來昌 字典 原文 典藏 |