| 章節 | 全民台語聖經全羅經文 | 註釋 |
| 2:1 | Tì-hūi ê Kè-ta̍tGóa ê kiáⁿ, lí nā chiap-siū góa ê ōe, kā góa ê kài-bēng khǹg tī sim-lāi, | 註釋 串珠 康來昌 原文 典藏 |
| 2:2 | àⁿ hīⁿ-khang lâi thiaⁿ tì-hūi, choan-sim lâi kiû chhong-bêng; | 註釋 串珠 康來昌 原文 典藏 |
| 2:3 | Lí nā kiû tit tio̍h bêng-lí, tōa-siaⁿ kiû chhong-bêng; | 註釋 串珠 康來昌 原文 典藏 |
| 2:4 | Koh lí nā cháu-chhōe bêng-lí chhin-chhiūⁿ teh chhōe chîⁿ-gîn, chhiau-chhōe bêng-lí chhin-chhiūⁿ teh chhiau-chhōe ún-ba̍t ê pó-pòe; | 註釋 串珠 康來昌 字典 原文 典藏 |
| 2:5 | ánne lí chiū ē bêng-pe̍k kèng-ùi Siōng-chú ê tāichì, koh ē chhōe tio̍h bat Siōng-tè ê hong-hoat. | 註釋 串珠 康來昌 原文 典藏 |
| 2:6 | In-ūi Siōng-chú siúⁿ-sù tì-hūi, tì-sek kah chhong-bêng lóng tùi I ê chhùi chhut-.lâi. | 註釋 串珠 康來昌 原文 典藏 |
| 2:7 | I kā chèng-ti̍t ê lâng chek-chū chin ê tì-hūi, kā hêng-ûi toan-chiàⁿ ê lâng pó-hō͘. | 註釋 串珠 康來昌 字典 原文 典藏 |
| 2:8 | In-ūi I pó-siú kong-pêⁿ ê lō͘, pó-hō͘ sèng-tô͘ ê tō-lō͘. | 註釋 串珠 康來昌 字典 原文 典藏 |
| 2:9 | Lí chiū ē bêng-pe̍k kong-gī ê phòaⁿ-toàn, kiâⁿ chèng-ti̍t kah só͘-ū ê hó lō͘. | 註釋 串珠 康來昌 字典 原文 典藏 |
| 2:10 | In-ūi tì-hūi ē ji̍p-khì lí ê sim, tì-sek ē chò lí ê sim-sîn só͘ hoaⁿ-hí ê. | 註釋 串珠 康來昌 原文 典藏 |
| 2:11 | Lí ê sīn-tiōng kè-ōe ē pó-hō͘ lí, lí ê chhong-bêng ē pó-siú lí. | 註釋 串珠 康來昌 原文 典藏 |
| 2:12 | Ē hō͘ lí siám-phiah pháiⁿ lō͘, thoat-lī kóng-ōe hêng-ge̍k ê lâng. | 註釋 串珠 康來昌 字典 原文 典藏 |
| 2:13 | Hit khoán lâng pàng-sak chèng-ti̍t ê lō͘, kiâⁿ tī o͘-àm ê tō-lō͘. | 註釋 串珠 康來昌 字典 原文 典藏 |
| 2:14 | In hoaⁿ-hí chò pháiⁿ, ì-ài pháiⁿ lâng ê hêng-ge̍k. | 註釋 串珠 康來昌 原文 典藏 |
| 2:15 | In ê lō͘ oan-khiau, in ê só͘ kiâⁿ hêng-ge̍k. | 註釋 串珠 康來昌 字典 原文 典藏 |
| 2:16 | Tì-hūi ē hō͘ lí siám-phiah îm-hū, to̍h-sī hiahê kóng phô͘-tháⁿ ōe ê ki-lí. | 註釋 串珠 康來昌 原文 典藏 |
| 2:17 | I khì-sak siàu-liân sî ê phit-phòe, bē kì-tit i kah Siōng-tè ê iok. | 註釋 串珠 康來昌 原文 典藏 |
| 2:18 | In-ūi i ê chhù ǹg tī sí-bông, i ê lō͘ thàu kàu im-hú. | 註釋 串珠 康來昌 字典 原文 典藏 |
| 2:19 | Kiàn-nā kàu i hia ê, bô kah chi̍t-ê ē-tàng tò tńg-lâi oa̍h-miā ê lō͘. | 註釋 串珠 康來昌 字典 原文 典藏 |
| 2:20 | Só͘-í, tì-hūi ē hō͘ lí kiâⁿ hó lâng ê lō͘, chhî-siú gī lâng ê tō-lō͘. | 註釋 串珠 康來昌 字典 原文 典藏 |
| 2:21 | In-ūi chèng-ti̍t ê lâng ē tòa tī tē-bīn, oân-choân ê lâng mā ē lâu tī hia. | 註釋 串珠 康來昌 原文 典藏 |
| 2:22 | To̍k-to̍k pháiⁿ lâng ē hông tùi tē-bīn siau-bia̍t, kan-chà ê lâng ē hông tùi hia hiat-ka̍k. | 註釋 串珠 康來昌 原文 典藏 |