| 章節 | 全民台語聖經全羅經文 | 註釋 |
| 5:1 | Taⁿ chò lí kiû-kiò, khòaⁿ ū siáⁿ lâng ē ìn lí? Chiahê sèng-.ê ê tiong-kan, lí beh ǹg siáⁿ lâng? | 註釋 串珠 原文 典藏 |
| 5:2 | In-ūi siū-khì ê sim ē hāi-sí gōng lâng; oàn-tò͘ ē thâi-sí han-bān ê lâng. | 註釋 串珠 原文 典藏 |
| 5:3 | Góa bat khòaⁿ tio̍h gōng lâng tèng-kin, chóng-.sī, hut-jiân-kan góa chiù-chó͘ i tòa ê só͘-chāi. | 註釋 串珠 原文 典藏 |
| 5:4 | I ê kiáⁿ-jî lī-khui an-ún hn̄g-hn̄g; tī siâⁿ mn̂g siū ap-pek, mā bô lâng kā in chín-kiù. | 註釋 串珠 字典 原文 典藏 |
| 5:5 | Iau ê lâng chia̍h i só͘ siu-sêng ê, tī chhì-phè lāi mā chhiúⁿ-.khì, ū oa̍h-tauh khui chhùi thun-chia̍h i ê châi-bu̍t. | 註釋 串珠 字典 原文 典藏 |
| 5:6 | In-ūi chai-hō m̄-sī tùi thô͘-.ni̍h chhut-.lâi, hoān-lān mā m̄-sī tùi tē-.ni̍h hoat-seng; | 註釋 串珠 原文 典藏 |
| 5:7 | chóng-.sī, lâng chhut-sì tiāⁿ tio̍h ū hoān-lān, chhin-chhiūⁿ hóe-chheⁿ poe chiūⁿ-koân. | 註釋 串珠 原文 典藏 |
| 5:8 | Ōaⁿ-chò góa, góa beh kiû-kiò Siōng-tè; kā góa ê tāichì kau-tài Siōng-tè. | 註釋 串珠 原文 典藏 |
| 5:9 | Chiū-sī hit ūi chò tāichì tōa kàu bē chhek-to̍k tit ê, kiâⁿ kî-sū sǹg bē liáu ê Siōng-tè. | 註釋 串珠 原文 典藏 |
| 5:10 | I lo̍h hō͘ tī tē-bīn chiūⁿ, siúⁿ-sù chúi tī chhân-hn̂g-.ni̍h. | 註釋 串珠 原文 典藏 |
| 5:11 | Ē kā pi-bî ê lâng an-tì tī koân ê só͘-chāi; ē kā ai-chhám ê lâng kí-khí tī an-ún ê tē. | 註釋 串珠 原文 典藏 |
| 5:12 | I phò-hoāi káu-koài ê lâng ê kè-bô͘, tì-kàu in chhiú só͘ chò ê tāichì bē sêng-kong. | 註釋 串珠 原文 典藏 |
| 5:13 | I hō͘ tì-hūi ê lâng tiòng kakī ê kúi-kè; hō͘ kúi-chà ê lâng ê kè-bô͘ chin kín sit-pāi. | 註釋 串珠 原文 典藏 |
| 5:14 | In ji̍t-.sî tú tio̍h o͘-àm, tiong-tàu sî sì-kè bong, chhin-chhiūⁿ àm-sî. | 註釋 串珠 原文 典藏 |
| 5:15 | I kiù sànchhiah lâng thoat-lī in ê chhùi ê to-kiàm, í-ki̍p kiông-pō ê lâng ê chhiú. | 註釋 串珠 字典 原文 典藏 |
| 5:16 | Chiū ánne, nńg-chiáⁿ ê lâng ū ǹg-bāng, put-gī ê lâng ê chhùi that-ba̍t. | 註釋 串珠 原文 典藏 |
| 5:17 | Lí khòaⁿ, Siōng-tè só͘ kéng-kài ê lâng ū hok-khì; só͘-í, m̄ thang khòaⁿ-khin Choân-lêng-.ê ê tok-chek. | 註釋 串珠 原文 典藏 |
| 5:18 | In-ūi I hō͘ lâng thàng-thiàⁿ, chiū kā i pau ba̍t; I siong lâng, I ê chhiú mā ē kā i i hó. | 註釋 串珠 原文 典藏 |
| 5:19 | I ē tī la̍k-pái ê hoān-lān tiong kiù lí; chiū kóng nā chhit pái, chai-hāi mā bē kha̍p tio̍h lí. | 註釋 串珠 原文 典藏 |
| 5:20 | Tī ki-hng ê sî, I ē kiù lí thoat-lī sí-bông; tī kau-chiàn ê sî, I ē kiù lí thoat-lī to-kiàm ê sè-le̍k. | 註釋 串珠 字典 原文 典藏 |
| 5:21 | Lí ē tit tio̍h ún-ba̍t, bián siū chhùi-chi̍h ê kong-kek; chai-eh kàu ê sî, lí mā bián-kiaⁿ. | 註釋 串珠 字典 原文 典藏 |
| 5:22 | Chai-hāi kah ki-hng, lí ē kā i chhiò; tē-chiūⁿ ê iá-siù, lí mā bián-kiaⁿ. | 註釋 串珠 原文 典藏 |
| 5:23 | In-ūi lí ē kah chhân-hn̂g-.ni̍h ê chio̍h-thâu kiat iok; iá-siù mā ē kah lí hô-hó. | 註釋 串珠 字典 原文 典藏 |
| 5:24 | Lí ē chai lí ê pò͘-pêⁿ ū pêng-an; lí khì khòaⁿ lí ê iûⁿ-tiâu lóng bô khiàm-khoeh. | 註釋 串珠 原文 典藏 |
| 5:25 | Lí mā ē chai lí ê kiáⁿ-sun chin chē, lí ê kiáⁿ-sun chhin-chhiūⁿ tē-chiūⁿ ê chheⁿ-chháu. | 註釋 串珠 原文 典藏 |
| 5:26 | Lí ē hòe-siū boán-chiok chiah kui bōng, chhin-chhiūⁿ tiū-khún kàu-sî siu-chông. | 註釋 串珠 字典 原文 典藏 |
| 5:27 | Lí khòaⁿ, che goán ū chhâ kàu thiat-té, si̍t-chāi sī ánne; lí tio̍h thiaⁿ, tio̍h chai, thang chò lí ê lī-ek. | 註釋 串珠 原文 典藏 |