| 章節 | 汕頭客語聖經經文 | 註釋 |
| 2:1 | Chhài Hi-lu̍t vông kài shî, Yâ-sṳ kì-yên chhut-shè chhài Yû-thài kài Pak-lì-hên, khòn-hà, yu kí kài pok-sṳ̀ chhiûng tung-fong lôi-tò Yâ-lù-sat-len, | 註釋 串珠 康來昌 原文 典藏 |
| 2:2 | và: Sen chò Yû-thài nyîn kài Vông sâ chhài nè-vùi? yin-vùi ngâi-teu chhài tung-fong khòn-tó kî-kài sen, chhiù lôi pài kî. | 註釋 串珠 康來昌 原文 典藏 |
| 2:3 | Hi-lu̍t-vông yit-hà then-tó, chhiù chho̍k-kiang, thung Yû-lù-sat-len ya vo kî yit-yòng. | 註釋 串珠 康來昌 原文 典藏 |
| 2:4 | Chhiù chhìn chheù-chhi̍p kài-teu chì-sṳ-chóng vo mîn-kien kài sṳ̀-chṳ́, mùn kî-teu: Ki-tuk yìn-tong chhài nè-vùi chhut-shè. | 註釋 串珠 康來昌 原文 典藏 |
| 2:5 | Ki-teu chhiù tùi kî và: Chhài Yû-thài kài Pak-lì-hên: yin-vùi thok sien-ti nyîn yu kân-tet kì, và: | 註釋 串珠 康來昌 原文 典藏 |
| 2:6 | Yû-thài thì kài Pak-lì-hên a, Chhài Yû-thài chu-heû chung, nyî tu m hè chì-sè kài:Yin-vùi yu kiun òi chhiûng nyî thô chhut-lôi,Kî pit mu̍k-yong ngâi-kài chṳ́-mîn Yi-set-lie̍t. | 註釋 串珠 康來昌 原文 典藏 |
| 2:7 | Hi-lu̍t chhiù àm-chung chheù-hàm pok-sṳ̀, chiong hién sen kài shî-heù, hiòng kî-teu mùn sè-siông. | 註釋 串珠 康來昌 原文 典藏 |
| 2:8 | Chhiù sṳ́ kî-teu khì Pak-lì-hên, và: Nyî-teu khì sè-siông chhîm-mùn kâi-kài sè-chṳ́; chhîm-tó-li, chhiù pò ngâi ti, sṳ́ ngâi ya hó lôi khì pài kî. | 註釋 串珠 康來昌 原文 典藏 |
| 2:9 | Kài-teu sâ then vông kài và, chhiù khì; kî-teu chhài tung-fong só kièn-tó kài sen, khòn-hà, yin-tài chhài kî-teu theû-chhiên, tò sè-chṳ́ só chhài kài vùi-chhṳ̀, chhiù hiet chhài kài shòng-theû. | 註釋 串珠 康來昌 原文 典藏 |
| 2:10 | Kî-teu khòn-tó kài chak sen, chhiù thài fan-hí tò khi̍t. | 註釋 串珠 康來昌 原文 典藏 |
| 2:11 | Nyi̍p vuk-lí, chhiù khòn-tó sè-chṳ́ vo kî-kài mu-chhin Ma-lì-a; kî-teu chhiù phu̍k-lo̍k khì pài sè-chṳ́; khoi kî-teu kài pó-ha̍p chiong li-vu̍t chìn-hièn pun sè-chṳ́, chit hè vông-kim, yúi-hiong, mu̍t-yo̍k. | 註釋 串珠 康來昌 字典 原文 典藏 |
| 2:12 | Pok-sṳ̀ chhài mùng-chung tet-tó khí-shì, m hó chón khì kièn Hi-lu̍t, chhiù chhiûng phie̍t-thiâu lù chón kî-teu kài pún-thì. | 註釋 串珠 康來昌 字典 原文 典藏 |
| 2:13 | Kài-teu sâ chón khì heù, khòn-hà, Chú kài sṳ̀-chá chhài mùng-chung hiòng Yok-sit hién-hièn và: Khí-lôi, tài sè-chṳ́ vo kî-kài mu-chhin cheú khì Ai-khi̍p, hiet chhài kài thì-fong, tèn ngâi vo nyî và: yin-vùi Hi-lu̍t òi chhîm sè-chṳ́ lôi sat kî. | 註釋 串珠 康來昌 原文 典藏 |
| 2:14 | Kî chhiù khí-lôi, sen-yà tài sè-chṳ́ vo kî-kài mu-chhin khì Ai-khi̍p; | 註釋 串珠 康來昌 原文 典藏 |
| 2:15 | hiet chhài kài lí, chì-tò Hi-lu̍t sí: sṳ́ Chú só-thok sien-ti nyîn kài và yìn-nyàm, chit hè và: Ngâi shit chheù-hàm ngâi-kài chṳ́ chhut Ai-khi̍p. | 註釋 串珠 康來昌 原文 典藏 |
| 2:16 | Hi-lu̍t yit-hà ti-tet hè pun pok-sṳ̀ só hì-lùng chhiù thài nù-khì, chhiù sṳ́ nyîn chiong Pak-lì-hên pìn Pak-lì-hên sì-kín chṳ nùi só yu kài nâm-chṳ́, thài-fâm lióng-sè yi-hà kài, yit-khái sat-me̍t, cheù kî sè-siông mùn pok-sṳ̀ kài shî-heù. | 註釋 串珠 康來昌 原文 典藏 |
| 2:17 | Chó thok sien-ti nyîn Yâ-lì-mí só kóng kài và, kài shî chhiù yìn-nyàm, chit hè và, | 註釋 串珠 康來昌 原文 典藏 |
| 2:18 | Chhài La-ma then-tó yu shang,Oi-kiàu thài pui-shong, La-kiet shì vò kî-kài chṳ́; M nyèn tet on-vúi, yin-vùi chṳ́ mô-chhûn. | 註釋 串珠 康來昌 原文 典藏 |
| 2:19 | Tò Hi-lu̍t sí-liáu, khòn-hà, Chú kài sṳ̀-chá chhài Ai-khi̍p, chhài mùng-chung hiòng Yok-sit hién-hièn, và: | 註釋 串珠 康來昌 原文 典藏 |
| 2:20 | Khí-lôi tài sè-chṳ́ vo kî-kài mu-chhin, khì Yi-set-lie̍t thì: yin-vùi sien chhîm hòi sè-chṳ́ kài sen-miàng sâ, kim-hà sí-thet-lî. | 註釋 串珠 康來昌 原文 典藏 |
| 2:21 | Yok-sit chhiù khí-lôi, tài sè-chṳ́ vo kî-kài mu-chhin, lôi tò Yi-set-lie̍t thì. | 註釋 串珠 康來昌 原文 典藏 |
| 2:22 | Then-tó A-ki-ló chhài Yû-thài chiap kia fù-chhin Hi-lu̍t chò vông, chhiù kiang-khí, m-kám khì kài thì-fong; mùng-chung tet chí-shì, chhiù thùi tò Ka-lì-lì kài thì-kài nùi, | 註釋 串珠 康來昌 原文 典藏 |
| 2:23 | lôi chhù chhài yit-kài shâng, miâng hàm chò Na-sat-le̍t: sṳ́-tó só thok chùng sien-ti nyîn kài và yu yìn-nyàm, chit hè và: Kî chiong-òi chhin chò Na-sat-le̍t nyîn. | 註釋 串珠 康來昌 原文 典藏 |